( ربعي ال قريش تخلف هقاوي العيلا )
 

بسم الله الرحمن الرحيم

قصيده قيلت في مناسبه احتفال ال قريش اهل الرياض وتنصيب الشيخ محمد بن كدم وتسليمه من قبل عمه عبدالرحمن بن محمد بن كدم مشيخه قبيله ال قريش في قاعه نواره بمدينه الرياض

في

23 \ 4 \ 1428 هــ

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا الاه العرش ياخالق ابن ادم بصير=عالماً الغيب سبحانه الله جل وعلا

انك تمن خوفنا ون تلقينا بشير=لانزلنا في قبورً علينا هيلا

مرحبا وهلا وسهلا ماوطيتوا في المسير=بمجلسِ فيه النشاما ارحبوا يامسهلا

مجلساً العود لزرق بجاله يستدير=وكيف بنً لياصبوه عدا وشهلا

اسئلوني ويش ساسك ونا ساسي غزير=ساسي ال قريش تخلف هقاوي العيلا

مثل غراً مرزمه لارعد فيها النذير=ثم شالت ماوطت تلحق المتعجلا

لابتي هم شوف عيني ولاغابو ضرير=عزوتي يوم الشدايد بخيل وخيلا

لارجفت مثل الحرار اليا اخفقت تبغي المطير=تركع العدوان منها وتبكي العندلا

واسئلوني ويش شيخك ونا شيخي كبير=قلت خو غلباء عبيَد عزيز المنزلا

يوم شاف الشوف كاده وسمعه والمسير=ساقها في كف قرماً عدواً لبخلا

عند بو تركي مهلي للطروش وللفقير=بالكفوف يمد جوده مصارير وبهلا

شيخ ربعاً كان قامت فشراً مستطير=شوق عينه عزوته ياعوادي ياجهلا

وسئلوني ويش عزوتك والسيف الشطير=وسئلوني ويش ناصر ابن محمد ململا

قلت انا خوه الصغيَر وهو خوي الكبير=واحمد الله وشكره يوم هو خوي العلا

ان حضر بين القبايل كما البدر المنير=ون تكلم في كلامه فكاك المبتلا

ان تمادوا في مخافة مالك العرش القدير=فناصر يذكر الله بما قال وقلا

ون سئلتوا منهو الي يكرم الجمع الغفير=فناصر الي يكسر ظهور ضانً حيلا

له مضوفاً فيه لجواد منقطع النظير=كرمةً باليل تفعل عقال مقيلا

انت عند العود طيب وتقدير الصغير=والحجاج الي تفله لياجوك انزلا

والله انك سيدي في الرياض وفي عسير=ان بغيت اقوم قمت ون بركت معقلا[/poem]

الشــــاعــــــر

ســــــــعـــــــــد بـــن كــــــــــــدم

رد : ( ربعي ال قريش تخلف هقاوي العيلا )
 

رد : ( ربعي ال قريش تخلف هقاوي العيلا )
 

نص مكتمل من جميع النواحي

وكفو باآل قريش عيال ابن عباد من أول ومن تالي

كثيرة هي النصوص الشعرية
وكثير هم الشعراء الذين يجيدون اتقان النص

ولكن عندما يأتي النص الشعري
ويسانده ماض تليد مشيد
ويسانده حاضر براق كالشمس في وضح النهار
هنا يأتي النص بروح وطعم لا مثيل له
وأرى انها قد اكتملت وبكل جداره في هذه المعزوفة الفريده

صح لسانك

رد : ( ربعي ال قريش تخلف هقاوي العيلا )
 

قصيد جززززل من شااااعر جززززل

صح لسان المادح وعاشوااا الممدوحين

تقبل مروري وبيض الله وجهك

رد : ( ربعي ال قريش تخلف هقاوي العيلا )
 

صح لسانك وبيض الله وجهك


وربعا كلهم كفو ويستاهلون الطيب


وانت وافي وتستاهل الوفاء


تحياتي لك





ذيب العبيدي

رد : ( ربعي ال قريش تخلف هقاوي العيلا )
 

ارحب يابو فيصل

وثناك هنا على ال قريش تعدا ثناء القصيده وراعيها عليهم

قرم ولايجي منك الا الهروج والفعول السمينه

وماعليك زود ولا على ربعك ال عريان الساق

ابيض وجه

وجمل حالك

وطاب فالك

لاهنت ولاعدمت راسك

تحيات خوك

رد : ( ربعي ال قريش تخلف هقاوي العيلا )
 

ارحب اخوي الغالي حسين ويامرحبا

يكتمل العقد عندما يمر الي مثلك وشرواك

ويترك تعليق يليق بمقام ربعه كتعليقك هذا

اشكرك يابو علي على هذا المرور العطر والجزل

تقبل تحياتي وفائق احترامي

رد : ( ربعي ال قريش تخلف هقاوي العيلا )
 

ارحب ياخوي حامد

صح بدنك وتعيش

مرورك اسعدني

لاهنت ولاعدمتك

تحياتي لك

رد : ( ربعي ال قريش تخلف هقاوي العيلا )
 

ارحب اخوي ذيب

مرورك شرفني الله يبيض وجهك ياالذيب

تحياتي لك

رد : ( ربعي ال قريش تخلف هقاوي العيلا )
 

قصيدة وافيه وطيبة من شاعر كبير مثل /سـعــد بن كــدم

وخصوصا لصار المدح والثناء في ال قريش

وشيخ كريم مثل / محمد بن كدم

كفو بهم جميعاً

قبيلة وشيخ وشاعر

وبيض الله وجهك يالظور

على هذا الابداع في الاختيار الجزل