[[أشيل من الأيام وأحط وأشيــــل ]]
 

بسم الله الرحمن الرحيم

هذه إحدى قصائدي أمل أن تنال إعجابكم ....


[poem=font="Simplified Arabic,6,blue,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أشيل من الأيام وأحط وأشيــــل =وأشيل ماشالت ظهور الجمالــــي
لي هقوة (ن) أصعد بها الجدي وسهيل =ولي موقف (ن) يطلق وجيه الرجالي
الحمل قاسي والليالي محاميل =وسود الليالي فرقت كل غالي
ماللوفاء بين الثعالب مقاييل =النيس والهرباج وأم الحلالي
وأن قصرت عن رؤوس بعض الحلاحيل=زحول الرجال معربين الخوالي
هل وقفة (ن) تشفي قلوب المغاليل =حصن (ن) حصين والمواقف جزالي
ولاتسند علومك على فاتر الحيل =لأنذال تقصر عن فعول الرجالي
لأنذال تنقل حكي وتحط وتكيل =أهل الحسد في خبثها ماتبالي
الله يطهر لأرض من شلة الفيل =أهل النفاق مفرقين الحلالي
اللي لهم في الشر منزال ومحيل=معقدة صفو البشر بالهوالي
وعلى رسول الحق سجدة وتهليل =شفيعنا يوم الحشر والزوالي[/poem]

رد : [[أشيل من الأيام وأحط وأشيــــل ]]
 

ابو فيصل

ابيض وجه وصح لسانك

رد : [[أشيل من الأيام وأحط وأشيــــل ]]
 

صح لسانك واعتلا شانك ياابوفيصل

قصيده معبره وفي محلها من الاعراب

دائما مميز وطرحك جميل

لاهنت ويسلم راسك

وتقبل من بحر كل الود

رد : [[أشيل من الأيام وأحط وأشيــــل ]]
 

ابداااااااااااااااااااااااااع يبوفيصل


سجل اعجااااااااااااااابي

ومروري

رد : [[أشيل من الأيام وأحط وأشيــــل ]]
 

صح لسانك يالذيب

واسمح لي عندي ملحوظة على الشطر الاول من البيت الأخير


وعلى رسـول الحـق سجـدة وتهليـل

شفيعنـا يـوم الحـشـر والـزوالـي

السجده والتهليل لله وحده إلا إذا كان هناك معنى يعنيه شاعرنا ومشرفنا الغالي فآمل ايضاحه نور الله قلبك وشرح

صدرك ومنك نستفيد

رد : [[أشيل من الأيام وأحط وأشيــــل ]]
 

إطلاله مانعدمها يبو ريان الله يبيض وجهك ...

رد : [[أشيل من الأيام وأحط وأشيــــل ]]
 

الجميل والجميل مرورك الجزل يبو بندر الذي أعتبره وساما على صدري

وتصفحك لقصيدتي وإشادتك بما أكتب وأنت من شجعني على الشعر وأنا

لست بشاعر بيض الله وجهك .....

رد : [[أشيل من الأيام وأحط وأشيــــل ]]
 

حضورك هنا وردك وسام ....

بيض الله وجهك ....

رد : [[أشيل من الأيام وأحط وأشيــــل ]]
 

شكرا لك وشكرا لحضورك هنا وأتشرف بملاحظة من أخي الصادق

المناضل السليماني في الحق بيض الله وجهك ...

الكلام هنا في مساقه ضمني فالطاعه لله وحده ولكن دخلت هذه الكلمه

بمثابة كأنك تصلي على رسول الله وليس له ....

ولكن المضمون والنيه لله وحده لاشريك له ......

بيض الله وجهك على الملاحظه مع أملي أنه زال اللبس ....

رد : [[أشيل من الأيام وأحط وأشيــــل ]]
 

ارحب يابو فيصل

قصيده ورساله توضح العلم الغانم ياراعيه

ولاشك ان المواجيب تتعب الرجال يابو فيصل وانت والله تتعب لها

وفعل يمناك الكريمه يمضيك ------------------ان عدوا اهل الطيب فسمك طرالي

ماهي غريبه والكرم خصلةً فيك -------------- فترا الكرم ذخراً لسود اليالي

تحيات خوك يابو فيصل