|
اعتذار وطموح
[poem=font="Traditional Arabic,7,darkblue,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ابتدى نزف القصايد مع الصوت الطروب = يستقي الافكار من زود نوبات الحنين ذكرياتي والمشاعر تجي من كل صوب=والدموع من الحيا تتقّي في كل عين والفكر لو به جماعات واقوام وشعوب=ماتمسّك غير في ذكريات الطيبين صاحبي ياصاحبي راعي الصدر الرحوب=لايجي في خاطرك وانت سيد العارفين الزمن مره يماشي ومرات(ن)لعوب = والحقيقة مالنا غير تيّا الحالتين ادري إني في حقوقك مقصر ومعتوب=كل ماجيت اقضي الدين لحق الدين دين والله إني من صواديف الايام مغصوب=وهذي الدنيا عسى الله من الدنيا يعين اعتذر لك عذر ماهو مثل عذر الكذوب=والكفو من صاحبه يقبل العذر السمين رغم هذا لو تواجهني بوجه(ن) شحوب=انت تبقى راعي الحق والحق المبين العلوم كثار تفترّ في وسط القلوب= ماتناسب واحد(ن) غيرك إلا اللي فطين من ثياب المجد مرضى بغير المجد ثوب= عيني تخايل مواكب وركب الاولين مسندي عزمي وبانصاه في كل الخطوب=بالطموح اللي يعدّي طموح المبدعين الفرص ماتلتفت خلف والعمر محسوب=يربح اللي يلتقيها وبالله مستعين من تفوته فرصه اليا تسنّت له دروب=حيّ لكنه حُسِب في عداد الميتين والبنا ادم بين ثنتين في حكم الوجوب= يقنع ابما جاه لكن بعد لا يستكين جعلني يارب كاسب لياخضت الحروب=وياعسى يانفس تلقين منتي تشتهين[/poem] |
رد : اعتذار وطموح
صح لسانك وبيض الله وجهك
والفكر لو به جماعات واقوام وشعـوب ماتمسّك غير فـي ذكريـات الطيبيـن عشت وعاش فكرك النقي العلوم كثار تفترّ فـي وسـط القلـوب ماتناسب واحد(ن) غيرك إلا اللي فطين من ثياب المجد مرضى بغير المجـد ثـوب عيني تخايل مواكب وركـب الاوليـن تسلم وعينك على الطيب دايم , تقبل مروري لاعدمتك |
رد : اعتذار وطموح
اقتباس:
شاعر مبدع جزل تحياتي لك0000000000000 |
رد : اعتذار وطموح
الــــزمــــن مــــــــره يـــمـــاشـــي ومـــرات(ن)لـــعـــوب *** والـحــقــيــقــة مـــالـــنـــا غـــــيـــــر تـــــيّـــــا الــحــالــتــيــن
ادري إنـــي فـــي حـقـوقــك مـقـصــر ومـعـتــوب *** كل ماجيت اقضي الدين لحق الدين ديـن والله إنـــي مـــن صـواديــف الايـــام مـغـصــوب *** وهــذي الدنـيـا عـسـى الله مــن الدنـيـا يـعـيـن اعتذر لك عذر ماهو مثل عذر الكـذوب *** والكفـو مــن صاحـبـه يقـبـل الـعـذر السمـيـن صح الله لسانك يا سعيد واعتلى شانك قصيدة جزله من واحد ما يجيب الا جزل وانا انتظر جديد مثايلك |
رد : اعتذار وطموح
اررررررررحب يابو معتز ولااهنت على المرور
تقبل تحياتي |
رد : اعتذار وطموح
اخي ال فارع
جزله من فكر جزل اجدت في بيانك والتميز عنوانك فصح لسانك تحياتي ذيب العبيدي |
رد : اعتذار وطموح
صح لسانك يا ابو محمد
|
رد : اعتذار وطموح
صح الله السانك ياسعيد
تقبل مروري وتحياتي |
| الساعة الآن 10:47 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com