صباح الشعر يا هادي بن عسكر
 

بسم الله الرحمن الرحيم
السلام عليكم ورحمة الله وبركاته
مشاركة آمل أن تحوز على رضاكم
وهي مسنده للشاعر والأخ والصديق / هادي بن مبارك بن عسكر الهاجري .

[poem=font="Simplified Arabic,7,darkred,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
صباح القافيه والوزن والبحر الطويل وأين=صباح الفكر والهاجس.صباح الخير يا هادي
على اول فكتك للريق يا هادي وفالك زين=تفاول دلةٍ فيها المعاني كيف وقنادي
يا ابن عسكر.يا ابو يا مرحبا. في عسر ولاّ لين=حفيد جدود ترث طيب. لا غيره للاحفادي
نصاك القاف محتارٍ ما يدري كيف ولاّ وين=من اهوال الزمن مايعرف المندل والغادي
هذا وقتٍ يا هادي فيه من يلعب على الحبلين=يقود المجتمع ما كنّه الاّ كبتن النادي
زمانٍ فيه ما ينجح سوا من يمشي بوجهين=وفيه الكذب عيني عينك.ووأقل من عادي
وفيه النمّه تروّج.وحش الغافل بقرشين=وبه ناسٍ ينومسها اكلها للحوم الاجوادي
يجيك الواحد وفي اذنٍ عجينٍ واذن فيها طين=ولا يسمع ندا الطيب اللي الـ/كسّابه ينادي
ولا يلقى به اللي يزبنه وحده من الثنتين = ولا له مع هل الناموس واهل الطاله اشدادي
واذا ما بينه وبينه مصالح قال له بعدين=مزارق طيب ما عنده.ولا للمرجله حادي
زمان المصلحه ما يحْكمَه.مبدا.وسلم.ودين=وفيه العفّه الـ/موت الضمير الحي بحدادي
زمانٍ فيه عين الطيب تسقي بالدموع العين=غدا الطيّب غريب ومع عدو الطيب بجهادي
ولكن ما خلا من مثلك وشرواك طلق يمين=يا ابن عسكر.ومثلك زود. به لمجاد تزدادي
ولجل هذا زبنك القاف مثل اللي زبن من دين=يبيك تشوف حل الـ/مشكلة ذا الوقت يا هادي[/poem]

وسلامتكم

عبدالله بن عايض بن رده

رد : صباح الشعر يا هادي بن عسكر
 

صح الله لسانك يابوعايض

قصيده شامخه بشموخ صاحبها
وتحكي واقع مجتمعنا
ومسندها لمن يستحقها الشيخ والشاعرهادي بن عسكر
رجل جمع المرجله والشعر ومن بيت عز ويستاهل

رد : صباح الشعر يا هادي بن عسكر
 

*صح لسانك يابوعايض على هذى القصيده الجميله وانت وافي ومن رجال وافين*

*** مع تمنياتي لكم بالتوفيق***

رد : صباح الشعر يا هادي بن عسكر
 

رد : صباح الشعر يا هادي بن عسكر
 

الاوله :

ارحب تراحيب الحيا والمطر

الله يحييك

والثانية :

بيض الله وجهك على القصيدة الطيبة

والاكثر من رائعه في معانيها

وواقعيتها وحساسيتها

وملامستها لواقع المجتمع الجديد والذي

ضرب بالاخلاق والقيم والمبادي بعرض الحائط

واصبح ينتهج النفاق والخداع والنميمة منهاج للوصول للمصلحة

والثالثة :

يستاهل الشاعر / هادي بن مبارك بن عسكر الهاجري

والله نعم به وبربعه

وبك وبربعك

رد : صباح الشعر يا هادي بن عسكر
 

ارحب ترليون يا مبدع ..

من طول الغيبات جاب الغنايم ..

صح لسانك جعل عمرك طويل ..

ويستاهل بن عسكر ..

رد : صباح الشعر يا هادي بن عسكر
 

اررررررررررررحب يابن رده تراحيب المطر ..

ماعهدنا منك الا الجزل ..

شاعر وقصايدك كلها تجوز لي دايما والله شاهد ..

صح الله السانك يا القرم ..

شاعر عملاق يا عبدالله وابومبارك مثل ..

تقبل مروري نفداك ..

ولاعليك زووود يابن عياااف ..

رد : صباح الشعر يا هادي بن عسكر
 

ولجل هـذا زبنـك القـاف مثـل اللـي زبـن مـن ديـن
يبيك تشـوف حـل ال/مشكلـة ذا الوقـت يـا هـادي

رد : صباح الشعر يا هادي بن عسكر
 

رد : صباح الشعر يا هادي بن عسكر
 

صح الله السانك وانا اخوك والله يسعدك في الدارين

ابدعت ودائم وابدى الابداااع من نصيبك