الشعر دوله
بسم الله الرحمن الرحيم
اعزائي متذوقي الشعر بشبكة قحطان.....السلام عليكم..واسعد الله اوقاتام بكل الخير والمسرات وثاني مشاركاتي الشعريه بالمنتدى بهذه القصيده الذي ارجو ان تحوز على اعجابكم...ولكم مني وافر الاحترام.......
[poem=font="Times New Roman,7,black,bold,normal" bkcolor="transparent" bkimage="backgrounds/17.gif" border="none,medium,gray" type=1 line=1 align=center use=ex num="0,black"] الشـعـر دولــه والمعـانـي سـلاطـيـن = والحـكـم وزنــه والقـوافـي شـعـوبـه تعصف بـه الامـواج وسـط الملاييـن = احـدٍ علـى شاطيـه ونـاس ابحروبـه اللي على الشاطي ملوحه مع الطين = واللي عـرف موجـه يـذوق العذوبـه مـع كثـرة ابوابـه تضيـع العناويـيـن = لو جفـت الامطـار بارضـه خصوبـه كـلٍ كـتـب بالـحـب شـعـر ودواويــن = شـيء كمـا الغفـران وشـيءٍ عقوبـه وكل الصحـف مابيـن كل المحبيـن = اصبـح قصيـد اليـوم قصـة خطـوبـه الحـب ياهـل الحـب وصفـه وقلبـيـن = لكـن كثيـر النـاس غصـب انشبـوبـه واصيـح للفرسـان واشـرت بالعـيـن = حلو القـراح العـذب كثـرت اغروبـه شـدوا وخلوا باقي الزين لــ زيــن = والله علـم عــن دربـكـم لــو دروبــه[/poem] وزن القاف |
رد : الشعر دوله
اقتباس:
صح السانك مليون يابو عبدالرحمن كذا كذا وللا بلاش القصايد تقبل مروري نيابه عني وعن الشايب يالقرم |
رد : الشعر دوله
بيض الله وجهك يا بو عبد الرحمن وصح لاسا نك
|
رد : الشعر دوله
صح السانك يابوعبدالرحمن وبيض الله وجهك على هالقصيدة الطيبة
محمد السحيمي |
رد : الشعر دوله
ارحب يابو عبدالرحمن صح السانك يابوعبدالرحمن وبيض الله وجهك على هالقصيدة الطيبة
|
رد : الشعر دوله
اشكر اخواني وربعي اللي مروا على القصيده وان دل على شيء يدل على ارتفاع ذائقة الشعر لديهم.............
وعندي ملاحظه قويه حول القصائد الجيده ومن شعار متمكنين في الشعر يتم وضعهم في مجلس الخواطر والمحاولات وهذا يسبب لهم احباط ارجو رفع موضوعي للادراه ... والسلام عليكم؛؛؛؛؛؛؛؛؛؛؛ |
رد : الشعر دوله
بيض الله وجهك وجمل الله حالك والله لايهينك
شاعر جزل وابيات جزله ولاهي غريبه من شاعر مثلك تقبل مروري وتحياتي اخوك ابن قباس |
رد : الشعر دوله
صح الله لسانك يا كحيلان واعتلى شانك
قصيدة جزله ومليانه و وافيه وابيض وجه وانتظر جديدك تقبل مروري العطر |
الساعة الآن 03:41 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com