غزو فرسان من ال عاطف عقيدهم ذاك اليوم العقيد الفارس علي بن راجح بن القينه العطافا ال شريم ال عاطف على ابل الدواسر في حدود الوادي ومن فرسان ال عاطف ذاك اليوم : الفارس صملول بن مسعود ال شريم ال عاطف والفارس جابر بن علي بن راجح ابن القينه العطافا ال شريم والفارس عايض المشبح ال جابر ال عاطف والفارس مسمار بن فرج ال شريم ال عاطف وغيرهم و اخذوا ابل الدواسر قرب سران وهو رجم معروف قريب من مدينه وادي الدواسر الحاليه المهم ان الفرسان المذكورين هجدوا الدواسر هجاد في اول الليل وسروا بالابل ولحقوهم الدواسر وتشابكوا معهم وكسرت يد الفارس جابر بن علي بن راجح في المعركه وهو كان اصغرهم حيث لم يتجاوز الثامنه عشر من عمره وبالتاكيد كانوا الدواسر اكثر عددا وكانوا بعض الفرسان اللي مع ابن راجح يلحون عليه بترك ابل الدواسر لانه اعياهم القتال والدواسر اكثر منهم وكان يقول لهم : (وين جابر ) قالوا له :(جابر كسرت يده ) قال : ( ويش سوى بعد ماكسرت يده ) قالوا له : ( عض ايده المكسوره في فمه ،عشان ما تطيح ويقاتل بيده الاخرى ) قال : ( اي وانا ابوجابر الذيخ مايحمى لين يجدع ابشروا بالابل )وعندها وجدابنه معلق في رقبته ثنتين من بنادق القوم قتلهم وعلق بنادقهم على رقبته ويسوق الابل ويضربها بيده اليسار الغير مكسوره المهم ان ال عاطف سروا بالابل ولا شرقت عليهم الشمس الا وعرق الوادي خلف ظهورهم قد تغنى الفارس صملول بن مسعود ال شريم ال عاطف بهذه الابيات مدحا في الفارس جابر بن علي بن راجح حيث يقول :
[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="double,thin,gray" type=2 line=0 align=center use=ex num="0,black"]
والله ونعم باخـو جبـره= يوم لحقنا الجيش من تالي
قعدلهـم داخـل السمـره= وارخص لهم روحه الغالي
البارحه كنت في غمـره= واليوم انا باحمد الوالـي[/poem]

## تعريف لرجم سران :هو رجم في اطراف الوادي من غرب وللعقيد الفارس علي بن راجح قصص كثيره مع هذا الرجم حيث ن ابن راجح كثيرا مايبدي فيه ويراقب الدواسر وابلهم منه وفي احد المرات كانوا على علم ان ابن راجح بيغزيهم وسرحوا ابل شرق وكان ابن راجح قبل طلوع الشمس في الرجم وانتظر الى العصر ولا شاف الابل وقتها عرف ان الدواسر انذروا منه فتمثل بهذه الابيات :
[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="double,thin,gray" type=2 line=0 align=center use=ex num="0,black"]

بادي في حجـى سـران= والدبش ماسـرح دونـه
مابه الا الغرس والجدران= والغضي داعـج عيونـه
جادل عند ابـن غرفـان = يااهـلـه ماتبيـعـونـه [/poem]


تقبلوا فائق الاحترام