شبكة قحطان - مجالس قحطان - منتديات قحطان - حسين بن شتوي الحبابي وقصيده جواب السؤال في جريده اليوم

حسين بن شتوي الحبابي وقصيده جواب السؤال في جريده اليوم

قصيده للشاعر

حسين بن شتوي الحبابي
http://www.qahtan.net/up/uploads/cfc9564f5f.jpg
بعنوان جواب السوال

وتم نشرها في جريده اليوم في ملحق في و هجير عدد رقم 13391
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يازين حان اللقاء مليت مالإتصال= الحب يازين تدري وايش ماريّته
ماريته كل يوم وليل تطلب وصال= وماريته صاحبك تشفق علي جيّته
مرت ليالي طوال وحالنا لا يزال=وقلبك معّزم علي بخله وانانيّته
الوصل مثل المطرلا سقى سفوح الجبال= يحييي عروق لها مده وهي ميّته
والهجر مثل الشجاع اللي بساحة قتال = يقطع عروق الفؤاد بحد جنبيّته
بعدك يولع تحت عوج الضلوع اشتعال = يثّر علي صاحبك ويهز شخصيّته
اسرفت فيني كذا مغير روح وتعال =والحر ماهو بحرّ بدون حريّته
وانا دخيل العيون السود شفلي مجال = يامصّبح القلب بالحرمان ومبيّته
ذبحتني بالدلع والفلسفه والدلال =اللي تعدي حدوده ونجحت كيّته
صوتك رومنسي ودمك مثل دم الغزال= وحسين معروف باخلاقه وعفويّته
ما يعرف الا يمين يمين والا شمال= لا تستغله مادام انه على نيّته
حبي وحبك طفولي مثل حب العيال=عجزت يازين لا اعرف وايش نوعيّته
احيان مثل الدلي يصفق علي كل جال = واحيان غصن يظللنا تحت فيّته
رجعتني للهواء وانا بوقت اعتزال= قد جزت من حسنته واقلعت من سيّته
باعطيك فرصه تفكر في جواب السؤال =وكل يفكر حسب عرفه وعقليّته[/poem]

رابط القصيده في جريده اليوم

http://www.alyaum.com/issue/article....1&I=736985&G=1