المشاركة الأصلية كتبت بواسطة علي بن شبله (المشاركة 660562)

بديــــت رأس القــرن والرأس شواش ** والخبـــــت بكــــاني بشيفة هضــابه


يــالله عسى البــراق لا هــــل برشاش ** يـرخي مزونـــه لين يسقي شعـــابه


ويكسى ديار الخبت ببســــاط وفــراش ** ويروى الشجر والعد يصفى شرابه


ونبت الخــزامى والنفــل نِبت وأعتاش ** غشــــا وشكله على شكــل غــــابه


سج النفس يــــا صاحبي ينعش إنعاش ** في وسط روضٍ يسعد اللي مشـابه


ديـــــرة بني عمي ويــــا لعنبوا اللاش ** أهل القنا والسيف يعرف نصـــــابه


سلمـــان ربــعي تنعــرف كــل مغباش ** ضد المعـــادي مشكلينن عصـــــابه


أربع بـــدودٍ تعطي الكــــــاش بالكاش ** صبيهم في الحرب يضرب حســــابه


عمـــــــــارنا للخبت تنبـــــــاع ببلاش ** من دون حده ما بنرضـــا الغـــــلابه


واللي نواه بشر لا عــــــاش لا عاش ** بيمــــوت قلبه غل مهمــــا نـــــوابه


ذا قول ابن شبله علي عقب ما شاش ** والــذيب يعــــوي لا عوتله ذيـــــابه

المشاركة الأصلية كتبت بواسطة عبدالله فراج العلياني (المشاركة 660569)

الله الله يابن شبله صح السانك وعلا شانك ولاللك عايب ياولد الشايب كفو وسبعة انعام


ولبيت ذا أعجبني والله ولقصيده كلها

ديـــــرة بني عمي ويــــا لعنبوا اللاش ** أهل القنا والسيف يعرف نصـــــابه

ذا قول ابن شبله علي عقب ما شاش ** والــذيب يعــــوي لا عوتله ذيـــــابه
علي الملازيم انك مطنوخ سبعين مليون نعم بك وبال سلمان تاج الشرف ولعز وفخر اقحطان جعل السانك مايعطب
لاهنت وتقبل مروري

المشاركة الأصلية كتبت بواسطة فايز القحطاني (المشاركة 660577)

صح لسانك وبيض الله وجهك

والله والنعم

وقدها وقدود.....




أخوك الصغير

المشاركة الأصلية كتبت بواسطة أبو صقر (المشاركة 660598)

ديـــــرة بني عمي ويــــا لعنبوا اللاش ** أهل القنا والسيف يعرف نصـــــابه


سلمـــان ربــعي تنعــرف كــل مغباش ** ضد المعـــادي مشكلينن عصـــــابه


أربع بـــدودٍ تعطي الكــــــاش بالكاش ** صبيهم في الحرب يضرب حســــابه


عمـــــــــارنا للخبت تنبـــــــاع ببلاش ** من دون حده ما بنرضـــا الغـــــلابه


الله الله صححححححححححح والله لسانك

حقيقة ابيات مميزة من شاعر مميز
ونعم ونعم ونعم بك وبربعي ال سلمان حماة الخبت والحد

لك مني اجمل تحيه

اخوك

محمد بن علي ال ناله

المشاركة الأصلية كتبت بواسطة فلاح آل راكان (المشاركة 660613)

اررررررررررحب يابو سالم ,,

والله ومليوووون نعم بك وبرعنا ال سلمان عضودنا ومحازمنا ..

وعلي الملاااااااااااااااااازييييييم انك مطنوووووووووووووووووووخ وااافي ..

صح الله السانك يابن شبله مدد بلا عدد..

تقبل مروري نفداك ..