الشاعر سالم حزام ((وين الشعر))
 

((وين الشعر))

قصيده لشاعر سالم حزام قلها في لجنة التحكيم


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اتقول لي وين الشعر والبحر مايرجع ثمد=ومن كثر ماعينك تعاتبني عشقت اعتابها
اسهر ولا اسهر من ارق ولاتشكى من رمد=اخاف من غدر السباع اللي تحد انيابها
فيني شموخ المعتصم فيني غرور المعتمد=حتى غلطت الغلطه اللي ماحسبت احسابها
تبخرت الاحلام و الامال اوطال الامد=وتعرت اجساد الحقايق بعد ستر اثيابها
والخنجر اللي كانت بيٌدي عليها معتمد=تثلمت من كثر ماجاها وطاح انصابها
وجمر الحماس اللي يسخن هاجسي مات وخمد=ومالي من الاعذار غير النار من شبابها
شبيتها يالي تجرعني الاسيه والكمد=وخليتها حتى انطفت من دون مايدرابها
دمعي بعيني من برودك ياغلى روحي جمد= شوف العيون اللي تعاندني وشوف اهدابها
سبحت في بحر الانى مابين جزر وبين مد=اقول ماضاعت لي الحاجه وانا طلابها
وبنيت صرحي مير في وجه الهبايب ماصمد= عود سوات الخيمه اللي شلعت بطنابها
ومعاد لي غير الاله الواحد الفرد الصمد=ماينغلق بابه ولو خلقه تصك ابوابها
ملجاي له لاصار سيف الهم بصدر انغمد=ومشكاي له من ضيقة(ن) عجزت اعرف اسبابها
يمن يذل اللي كفر يمن يزيد اللي حمد=يمن يجمل وقفت الاصحاب عند اصحابها
ياصحابنا مايستوي نقل البنادق والعمد =قولو لبعض الناس لتضرب كبود اركابها
الشعر ماهو في وزن ولا سكون وحرف مد=الشعر روحه غابت ويمكن يطول اغيابها[/poem]

رد : الشاعر سالم حزام ((وين الشعر))
 

صح الله لسانك ولسان الشاعر قصيده جزله ومعبره ..................

رد : الشاعر سالم حزام ((وين الشعر))
 

الأخ الغالي
مـ ح ـمد

نص شاعري جميل للغايه
من الأعماق شكرآ لك

دمت بود

رد : الشاعر سالم حزام ((وين الشعر))
 

مشكورين على المرور

رد : الشاعر سالم حزام ((وين الشعر))
 

اررررحب يا بو محمد ..

سلمت يمينك على النقل نفداك ..

وصح الله السانك والسان ابو حزام مدد بلا عدد ..

تقبل مروري يا القرم ..

رد : الشاعر سالم حزام ((وين الشعر))
 

فلاح شرفني مرورك

رد : الشاعر سالم حزام ((وين الشعر))
 

رد : الشاعر سالم حزام ((وين الشعر))
 

ناصر شرفني مروك

رد : الشاعر سالم حزام ((وين الشعر))
 

بيض الله وجهك يالغالي ع النقل الرائع

وصح الله لسان قايلها وناقله

رد : الشاعر سالم حزام ((وين الشعر))
 

اشكركم جزيل الشكر على المرور المشرف