الفارس المسردي عياد ابن عرهب ال مبارك
معركه في نجد بين قبيلة قحطان والدواسر على العرقوبي بالعريف قتل فيها الشيخ بسيس الدواسر ومحماس على يد الشيخ عياد ابن عرهب ال مبارك المسارده وقد انشد في هذه المعركه الشاعر مينوع ابن جلبان ال عليان وذكر في هذه القصيده كل من عيسوب ال حسن ال سويدان وذعار ابن سفران الخنافر وابن جروه ال مريتع وقال في هذه الابيات
* بديت في غار(ن) ضليل(ن) كنيني *** وقت الشتا يدفـــــي وفي القيض برَاد وابشكـــــــــرك يالله وانت المعيني *** نصرتنا نصر(ن) على روس الاشهاد جونا الدواســــــــــر كلهم معتديني *** يبغــون كسب(ن) من شلاتيح الاذواد والخيل خلت جيشــــــــها باليميني *** عقب التَجمــع عــــــودَت قدهي افراد وذيب العريف امسى وقدهو بطيني *** عقب العوا وشافق الصـبح لانقـــــاد ياذيب لاجوك العـــــــــرب حايليني *** ارفع ببيضا فلمراقـــــــيب لــــــــعياد ذبح ابسيس اللي لـــــربعه ضنيني *** من روســـــــــهم ماهو من لم الابداد واركا على محمــــاس شلفا سنيني *** خلا التراب لخدت الجــــــــافي وساد وارفع لعيسوب بيضـــا بـــــــحيني *** اللي خذا في هدته خمســـــــــه وزاد وذعار مدوله فناجـــــــــــيل صيني *** مزَود(ن) فيها مــــــن البن وقنـــــاد وعَده لابن جـــروه ذرب اليمينــــي *** مــــنه الزمامي بدَل الغـــــوج بشداد والقصيده اطول من ذلك لاكن لايحضرني الباقي منها |
رد : الفارس المسردي عياد ابن عرهب ال مبارك
اقتباس:
ارحب يابن عرهب والله انك وااافي.. بيض الله وجهك نفداك .. |
رد : الفارس المسردي عياد ابن عرهب ال مبارك
أخوي ابن عرهب
بيض الله وجهك والله لا يهينك على النقل الرائع للمواضيع المميزه ونترقب جديد ابداعك تقبل تحياتي |
رد : الفارس المسردي عياد ابن عرهب ال مبارك
ارحب يابن عرهب
والمسارده يبينون بين العرب ولا يغبون يبينون بالفعول والشجاعه والكرم والنخوه والحميه ابيض وجه ياعبيدي على الايراد الرائع لاهنت تقبل تحياتي |
رد : الفارس المسردي عياد ابن عرهب ال مبارك
أخوي ابن عرهب
بيض الله وجهك والله لا يهينك على النقل الرائع للمواضيع المميزه |
رد : الفارس المسردي عياد ابن عرهب ال مبارك
ارحب يابن عرهب
مشكور على الموضوع المميز |
رد : الفارس المسردي عياد ابن عرهب ال مبارك
ابيض وجه اخوي والمسارده علومهم غانمه والله لا يهينك
|
رد : الفارس المسردي عياد ابن عرهب ال مبارك
اخواني فلاح ال راكان وفالح المسردي والظور والمناضل السليماني وابن غوينم وخالد بن محمد بن قربع ارحبوا ارحبوا وماعليكم زود جميع ولاهنتوا على مرورك اللي اعتبره وسام شرف لي والله لايهينكم
|
رد : الفارس المسردي عياد ابن عرهب ال مبارك
بسم الله الرحمن لرحيم
عزيزي ابن عرهب بيض الله وجهك و المسارده كفو و انت كفو تقبل مروري ولك تحياتي |
رد : الفارس المسردي عياد ابن عرهب ال مبارك
أرحب يا ابن عرهب ..
وبيّض الله وجهك على السالفة الطيبة .. ومليون نعم بصبيان المساردة .. لاهنت أخي .. |
الساعة الآن 06:28 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com