|
قلبي ياللي من عنا الأيـام تشكـي مـن الجحـود
صبحكم / مساكم الله بالخير
( القصيده ) قلبي ياللي من عنا الأيـام تشكـي مـن الجحـود فل جنحانك عن أحزانـك .. وحلّـق فـي سمـاي خـل الأرض لناسهـا دام السـمـاء بلـيـا حــدود ولاتنـازل عــن شواهـيـق السحـايـب يـاعـزاي أنــت ياقلـبـي عـزيـز ولا عـلـى الـعـزّه شـهـود يكفي انك في ضلوعي حي وتسعى في رضـاي مانسيت الا الرخيص .. وما ذكرت الا العهـود وماحفظـت الا المكـان اللـي يلـيـق بمسـتـواي الـحـيـاه ومسـتـمـره والـوهــم مـالــه وجــــود ونعمة النسيان تمسح دمعتـي وتمحـي خطـاي والحبيـب اللـي شكيـت لــه التجـافـي والـبـرود ماعليـك اخـلاف لـو يطعّنـي فـي خنجـر غـلاي يكـفـي انــك كـنـت مخـلـص بالمواثـيـق وودود وماهجرتـه ليـن مـا شفتـه تخـلا عــن هــواي سـمـح الله درب مـــن قـفّــا ولا يـمـكـن يـعــود وبيّـض الله وجـه نسيانـي .. مـادام انــه دواي أنثـر بسـكـة وداع الـلـي رحــل عـنـك الــورود واذكـره بالخـيـر وخــل القافـلـه تمـشـي وراي ولاترجّى من نوى الهجـران واهـداك الصـدود وانت أكبر من سهر عينـي وأغـلا مـن رجـاي ولاتضايـق وأنـت ياقلبـي علـى الهـقـوه تــزود من نساك أنسـاه وأرقـد ياخفوقـي فـي حشـاي من خسر دمعة عيونه .. ما ربح ضحك العنود لقـمـة جـيــت أتعـشـاهـا .. وغـصـيّـت بـغــداي للشاعر فالح غشام ...........> اسم القصيده ( العنود ) |
رد : قلبي ياللي من عنا الأيـام تشكـي مـن الجحـود
صح لسان القايل والناقل
لاهنت ياناصر على الاختيار الطيب تحياتي |
رد : قلبي ياللي من عنا الأيـام تشكـي مـن الجحـود
ارحب يا ناصر
وابيض وجه على الاختيار الموفق صح الله السان بن غشام |
رد : قلبي ياللي من عنا الأيـام تشكـي مـن الجحـود
ابراهيم الرفيدي ارحب يالله ان تحييه يامرحبا اسعدني مرورك طال عمرك
|
رد : قلبي ياللي من عنا الأيـام تشكـي مـن الجحـود
هلا بالامير فلاح ارحب ارحب يالله ان تحيي القرم اسعدني مرورك يا فلاح ووجهك ابيض يالامير
|
| الساعة الآن 12:30 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com