شبكة قحطان - مجالس قحطان - منتديات قحطان - صورة الشيخ سلامه بن ملهي بن مسفر بن هادي بن سعيدان شيخ آل عاطف مع قصايد قيلة فيه .

http://www.qahtaan.com/works/up/get....v0ul1222094840

هذه صورة الشيخ سلامه بن ملهي بن مسفر بن هادي بن سعيدان شيخ آل عاطف في زمنه ولد رحمه الله سنة 1324هـ وتوفي رحمه الله سنة 1399هـ

وهذه الصوره عام 1384هـ عندما استلم إماره الفوج الخامس عشر بالحرس الوطني ومن المعروف أنه استلم أمارة آل عاطف بعد
وفاة عمه الشيخ الفارس عشق بن مسفر بن هادي بن سعيدان سنة 1376هـ

وقد قال فيه الشاعر المرحوم زيد بن نجا الجيّاشي الحارثي

قصيدة رثائية ويسندها

على ولده الشيخ ناصر بن سلامه بن ملهي يقول الشاعر :

مرحوم يا شيـخ العواطـف سلامـه.... شيخ ٍ مسمى من مقاديـم قحطـان
زيـزوم ربـع ٍ يحتمـون الجهامـه.... عواطف ٍ يثنـون فـي كـل ميـدان .
ولـد ملهـي و إن تكـدّر عسـامـه.... يركض على الطابور ماهوب بحـلان.
شيخ ٍ وصل للطيـب عالـي سنامـه..... تاريخه أبيـن مـن النـور لا بـان .
وفرغه أكبر من من جبـال اليمامـه..... مع الجحادر مع عبيـده وسنحـان .
ناصر طويل البـاع راعـي الشهامـه..... أبو هلا وإن جاه في البيت ضيفـان .
والموت مـا عـاف بنـي الكرامـه.... و لا عاف ابن هندي ولا عاف راكان .
و عبدالعزيـز اللـي رفيـع ٍ مقامـه.... اللي حكم بالشرع والسيف شامـان .
من خلقته مـا مشـى فـي ملامـه.... متنزّه ٍ عرضه من فـلان و فـلان .
عسـاه فـي الجنـه تخلّـد عظامـه.... ويصير له في جنة الخلـد مسكـان .
.......................................

((((( مررررررثيه في الشيخ سلامه بن ملهي بن سعيدان ))))).....

هذه قصيده يرثي فيها الشيخ حمود بن معيكل بن سعيدان ( رحمه الله )

الشيخ سلامه بن ملهي بن سعيدان حيث كانت وفاته فاجعه على ابو معيكل

وجدي على شيخ العواطف وجودي...وجود من صدر قراره بيقصب

بسيوف هند(ن) وردوها السعودي...بأمر الشريعه تجعل الرأس ينجب

أو وجد من صكت عليه الاسودي...بين الرجا واليأس خلي مصوب

تبكي سلامه ناقضات الجعودي...مع بنت ابن هادي زبون المنجب

تبكي جملها في نهار الشدودي...لا واجملها وش غيره بتركب

فيه الكرم والصبر والدين زودي...شيخ(ن) حليم(ن) به الاماثيل تضرب

يشهد له التاريخ واللي قعودي...من خلقته لين مات مايلحقه سب

ماهوب لاقنن ولا بمعقودي...يازين وجهه لا تبهلل ورحب

مرحوم ياشيخ(ن) علينا ودودي...كثر البكاء والنوح ماعاد يشعب

أرث اعوال(ن) مثل وصف الفهودي...ماكر حرار(ن) من جناها بيكسب

وينبت مكان العود يابحار عودي...والضو من سمر المهاضيب بتشب

الله يبيحه عد رمل النفودي...ومن جنة الفردوس لاعل يشرب

وصلاة ربي عد وبل الرعودي...على النبي الهاشمي واطلب الرب
.................................................. ........................

((((( مجاراه بين الشيخ سلامه بن ملهي والشيخ حزام بن فهم )))))
حبيـت أذكر لكـم مجآراهـ حصلـت بيـن الشيـخحزأم بـن فـهـم بن عبـدان العاطفي رحمه الله
والشيـخ سلامــه بن ملــهي بن سعيـدان العاطفـي رحمـه الله.عندمـا كان الشيـخ سلامـه بن ملـهي بن سعيـدان قادماً من العــمرهـ وكــان برفقتــه الشيـخ حـزام بن فـهم بن عبدان .
قآل الشيخ سلامه بن ملهـي هذه الابيات موجههـآ الى رفيق دربه ومعـآتبا بها البكرهـ .

يآحزام بكرهـ خويـك حيلـها ثآوي ...... قصـر جهدهــآ واثر ماهيب مامونه

والبعد للقلب لايـرحـم و لا يــآوي ...... خلـي بركبه وعرق سبيـع من دونه

فرد الشيــخ حزام بن فــهم مـآزحـا على لسـان البكـرهـ ...

ظلمتني ياسلامـه شوركـم غآوي ..... ماقصـدي الآ الحمـل ودي تشيلـونه

قطب حبال الرسن والكور متساوي .... وان طآر طير الهوى بتـقول مجنونه
.................................................. .................................................. .........

قصيدة لشيخ / حمود بن معيكل بن سعيدان (أخو صيته) عام 1388هـ أيام حرب الوديعة
في أمير ال عاطف الشيخ / سلامه بن ملهي بن سعيدان رحمهم الله جميعاً

في العشي عديت في عالي الزبارة
قـــــام دمع العـين منها يستهلي
ياهني (أ) سعيد مــــانوى بــــدارة
جالسٍ في الكنب منه مايــــملي
يانديبي فوق ملــــــــهوف الغمارة
وارد السبعين نـصة لابــة لــــي
زين لانطح الهوئ سكبة غــــبارة
فوقه اللــي من زمانه فاطن لـي
لاضـــــواه اللـــيل ولــع به فــناره
ســايقة في لــيلة الـغدراء يــــدلي
لألفيت بحار فحدر للامــــــــا ره
ونص أبو ناصر عسى موته يولي
راعي القـالات شــيال الخـــسارة
وان جعلت احمول مع حمله يشلي
مكرم الضيفان ويضا عز جـارة
والــعــزوبـي من جنابة مايــمــلي
من قــديــمٍ ماتــعــلم بالــحبـــارة
كــم عـطت يمـناه من دقٍ وجـلــي
والرفــيق الى أللتوابة شب ناره
شوف عـيـني والقـبايل يشـهدٍلـي
وان نشــد من تراني في شـرارة
صابـرٍ يالقــرم والحـال استـخلـي
كـي قلبي مثـل ماتكوى الزقـارة
لاذكرت أيـام وعصـور مضـــلي
وان ذكرت اللي سوالفهم عـــيارة
والقــروم اللــي مجـالسهم تــسلي

.................................................. ...........................

قصيده الشاعر محمدبن مبارك بن جخير آل عاطف

عند ماجاءالامير سلامه بن ملهي بن سعيدان على الفوج 15قبل 35سنه

البارحه قمت أتململ تملمال
متهيض(ن)والعب على ماطرالي
مالي جدى كود الغنى والتمثال
وبين المعنى على قد حالي
يالله يلي يطلبك كل من سال
عني على الشيطان وقبل سؤالي
وأنك تبدل حالة العسر بحوال
وتعوضني في وقتي اللي مضالي
أمن اولا في حالة" تطرب البال
واليوم قلت حيلتي وحتيالي
لصار مالي حيلة" قلت محتال
أشكي على الله ثم على من حمالي
متعايد(ن)من كثر لقفى والاقبال
وكثر التردد مثل طول الجدالي
ولافناء المحتاج يالله أرحم الحال
والحض من ربعي عزاني الحالي
حظي تلعوز في الوظايف والاعمال
مازيد حتى باعلي وشترالي
والموتر أمخليه ماهوب شغال
متعطلا" عندي وهو راس مالي
أشكي على أبوناصر ذرب الافعال
قد بان فعله من قديم وتالي
فعله على ساس ولاهوب ملال
ومع طيب فعله ماحلاله بغالي
ملفى لهل عوص الجنايب ومدهال
وكم واحدا" عشاه والبطن خالي
وكم واحدا" حطه مع الناس رجال
ويدرى عليه من الخناء والخمالي
خلاه يلبس غترة الصوف وعقال
وعقب العرى كاسيه ثوب الجمالي
وحطه الاكنه من البنك يكتال
يبغيه مايقصر عليه الريالي
ذا فعل أبوناصر عسى أيامه اطوال
لله عطى منه عطى مايمالي
الله يودي غربته كل مازال
الطيب الي قايم(ن) بالعدالي
أول عداله ماكتب صاحب المال
ولاكتب كون الرفيق الموالي
أبو الجميع وحن لأبوناصر أعيال
وهو ذخرنا في مقبلات الليالي
وأن كان أبوناصر جعلني على البال
حصلت مقصودي ولاضاق بالي
ون ماحصلي شي فلانيب عذال
الرزق عند الله عزيز الجلالي
(واراد الله أن يوظفه الامير سلامه بن ملهي بن سعيدان)

وفي الختام رحم الله الامير شيخ شمل ال عاطف في زمنه سلامه بن ملهي بن مسفر بن هادي بن سعيدان
والله يسكنه فسيح جناته ومهما كتبت في هذا الشيخ سلامه بن ملهي بن سعيدان وشيوخنا ال سعيدان لان اوفيهم حقهم ورايتهم بيضاء وصيتهم واصل القرييب والبعيد بالعلوم الطيبه واللي تنومس واللي ترفع الراس وهذا اقل مانقدمه لشيوخنا وبني عمنا وكلن يتنومس بفعل بني عمه
تقديري للجميع