رسالة بين كاتبها وقاريها
 

[poem=font="simplified arabic,7,darkblue,bold,normal" bkcolor="white" bkimage="" border="double,6,indigo" type=2 line=0 align=center use=ex num="0,black"]
من يعطي الراي للي ما طلب رايه=مثل اللي يعارض القوم ويباريها
وأنا سريت ونجوم الليل سرّايه=بيض النوايا تسريني وأسريها
رجلي تدل الطريق وعيني مرايه=وأشوف الأثار باقية مواريها
اللي عليها ذواري الوقت ذرّايه=وأخاف الأيام تطمسها ذواريها
عندي قناعه وعندي علم وإداريه=غير أكثر الناس عني ويش يدريها
الناس في سوق بياعه وشرّايه=وين أنت يا بايع الدنيا وشاريها
يطري علي طاري ما لي بطرّايه=لو كان نفسي كثيرات طواريها
لا شك أنا بكتب وكل له قرايه=رسالة بين كاتبها وقاريها
وأن عوّدت لاتهام الذات وإبرايه=سجّيت الأقدام في واسع براريها
ما عاد لي عذر لو يجري لي جرايه=حتى تعود المياه إلى مجاريها
أما على أثار الأطلال ارفع الرايه=والا أم سالم علي تنثر عباريها[/poem]

عبدالله المشعلي

رد : رسالة بين كاتبها وقاريها
 

صح لسان


بيض الله وجهك

شعر ومعاني جزله

من رجل كفو

لاهنت


مشكوووووووووور


تحياتي

رد : رسالة بين كاتبها وقاريها
 

الأخ الشاعر :عبدالله المشعلي .....

السلام عليكم ورحمة الله وبركاته ...

صح الله لسانك وكلمة شاعر قليله في حقك أنت مبدع ومتفرد في كتابة للشعر لافظ فوك ع هذه الأبيات الرائعه.....

وننتظر جديدك لاهنت ...............

رد : رسالة بين كاتبها وقاريها
 

مرحبا أخي عبد الله ..

صح الله لسانك .. واعتلى شانك ..

أسعدتنا بهذه الفريدة ..

في انتظار جديدك .. لاهنت ..

رد : رسالة بين كاتبها وقاريها
 

صح لسانك


بيض الله وجهك

شعر ومعاني جزله


تقبل مروري يا القرم

رد : رسالة بين كاتبها وقاريها
 

رد : رسالة بين كاتبها وقاريها
 

ارررررررررررحب يابو مبارك


صح السانك على القصيدة الطيبه التي تعتبر عملة نادرة من نوعها فانا من الناس المعجبين بقصائدك

ياعبدالله بس لي طلب من انك تكون متواصل معنا ولاتنقطع عنا الله لايهينك

ولك جزيل الشكررررررررررررررررررر


اخوك/محمد بن عبيان الفهررررررررري

رد : رسالة بين كاتبها وقاريها
 

ارررررررررررررررحب ياعبدالله

صح السانك على الجزاله

تحياتي

رد : رسالة بين كاتبها وقاريها
 

يالمشعلي صح لسانك ودمت يالسنافي

رد : رسالة بين كاتبها وقاريها
 

بيض الله وجهك يا المشعلي على جزلت القصيده مداد بلا عداد تقبل مروري