ياعبيد لا تبكي ترى الامر من فوق
 

ياعبيد لا تبكي ترى الامر من فوق

تفاجأ شاعرنا الشاعر سعد بن محمد بن جليد الفهري { أبو عبيد } رحمه الله بدخول أبنه عبيد عليه وهو يبكي ويشتكي من أبن الجيران وسوء معاملته له وعدم السماح له باللعب معه فتأثر شاعرنا من دمعات أبنه الصغير وتحركت قريحته بالأبيات التالية

:




[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=1 align=center use=sp num="0,black"]
ياعبيد لا تبكي ترى الامر من فوق *** واللي من الله ما معي فيه حيله

أصبر ولو ثوبك من الكتف مشقوق *** وش عاد لو ما تحت ثوبك فنيله

الخالق الله وأنت يا عبيد مخلوق *** والرزق عند اللي ينشي المخيله

متمسك بك وانت ياعبيد موثوق *** يوم أنت تالي عزوتي بالقبيله

ياعبيدخلك لي وأنا أبوك صندوق *** ولاثقل حمل الوقت عني تشيله

وأبعدعن الي يتهم الجار بالبوق *** وخلك بعيدعن دروب الرذيله

والمثال قالت كل مطرود ملحوق *** والكون واسع واليالي طويله

ومن يعمل المعروف يلقاه مطبوق *** ومن يزرع العنبريفوز بحصيله

ولابد ماتنور لياليك بشروق *** ماهي عليك ولاعلي مستحيله

ولمن فرجها الله نبي ننزل السوق *** ونشري من الغالي ثيابا جميله

ونشري لك السيكل مثل حق مرزوق *** وياتيك مرزوق الحمد ما تجيله

مش الدموع اللي تحدر على الموق *** الرجل لا من سال دمعه يزيله

واليوم لا تبكي ترى الامر من فوق *** واللي من الله ما معي فيه حيله[/poem]

بن جليد

رد : ياعبيد لا تبكي ترى الامر من فوق
 

ارررررررررررررحب ياابو محمد فاانت كل يوم تأتينا بدررمن درررررابوعبيد الله يرحمه فهويعتبر هامة من هامات


الشعر في الخليج والجزيره والله يبيض وجهك على الجهد الذي تعمله والعمل الرائع والله يوفقك ويعينك دائم


تقبل شكررررررررررررري وعرفاني


اخوك /محمد بن عبيان المعروف (باالذيب)

رد : ياعبيد لا تبكي ترى الامر من فوق
 

رد : ياعبيد لا تبكي ترى الامر من فوق
 

رد : ياعبيد لا تبكي ترى الامر من فوق
 

الله الله الله الله


ياسلام الله يبيحه ويحلله ويرحمه عز الله مانطق الا درر قصيدة جزل وكافيه واعجبتني حيل حيل


لاهنت يابن جليد ولا ينقل الجزل الا الجزل بيض الله وجهك

ونطالب بإكثر عدد ممكن من هالقصيد الجزل جعلك تسلم

رد : ياعبيد لا تبكي ترى الامر من فوق
 

صح لسانك ولسانه رحمه الله شكرا لك

رد : ياعبيد لا تبكي ترى الامر من فوق
 

الله يرحم الشاعر سعد بن جليد


قصيدة طيبه جدا ومؤثره


لاهنت يا عبيان على المشاركات الطيبه


وتستاهل السمعه عليها

رد : ياعبيد لا تبكي ترى الامر من فوق
 

رد : ياعبيد لا تبكي ترى الامر من فوق
 

أخوي فهد بن راجح

أخوي سفر بن مبارك

هلا بكم وشاكر لكم تفاعلكم

رد : ياعبيد لا تبكي ترى الامر من فوق
 

اللة وكبر رمزقحطان للابد دون الخوي ولجار ولشاعر المرحوم سعد ابن جليد يقف رمزاللوفاء تسلم يمينك يبومحمد اللة يطول سنينك ولايهنيك