شبكة قحطان - مجالس قحطان - منتديات قحطان - مرثية** بن حيان في بناته(نوره ومريم)

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - مرثية** بن حيان في بناته(نوره ومريم) (https://www.qahtaan.com/vb/showthread.php?t=54836)

مرثية** بن حيان في بناته(نوره ومريم)

[poem=font="Arial,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

ياهاجسي وقف وقلّي سلامات=في موقف ٍ يجبرك حزّة حضوره

خلاّ جروحي فوق كبدي علامات=على ظنا روحي وزبدة سروره

راحوا على الجنات منّي حمامات=مريم صبا عيني ولخرى لنوره

هذي مقادير الولي كانها جات=تصبر لها اهل القلوب الصبوره

ماتنفع الصيحات ماتنفع الآت=حتى ولو كانت رجال ٍ جسوره

محزون ياهل الخير محزون مابات=والصدر يغلي فيه نار ٍٍ وفوره

وصبر صبر ايوب وايوب مامات=من علّته والله بيّح نذوره

فضل الله اوسع من فضا هالسموات=ياذابح ٍ صبره بكسرة عجوره

رحمتهم تحت الثرى بين حيات=ماحولهم غير الجماجم قبوره

والدود ياكل من عظام ٍ رقيقات=وهم كما بدر الدجا في ظهوره

متنقي ٍ اخوالهم والقرابات=من روس قوم ٍ في المواقف صطوره

جاني يعزيني فجوج وجماعات=ياليتهم شافوا ابوهم ودوره

يالله عساهم قدمنا وسط جنات= في وسط بستان ٍِ تشاهد زهوره

مايجزع المؤمن ولابه حسافات=والمؤمن الصادق يحسّب قصوره[/poem]