شبكة قحطان - مجالس قحطان - منتديات قحطان - حنااااااااااااش بن جارالله

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - حنااااااااااااش بن جارالله (https://www.qahtaan.com/vb/showthread.php?t=54813)

حنااااااااااااش بن جارالله

السلام عليكم ورحمة الله وبركاته

الشيخ / حناش بن جارالله العرجي
مواقفه وعلومه تفرض على الجميع ذكره وذكرها والمدح في الكفو شرف

صلو على النبي

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياهجوس الشعر من عذب المثايل =عبّري والحق ماضيّع دليله
شاعر لا جا لبدع القاف قايل =مايجيب من القصيد إلا جزيله
والثقه متبادله والشك زايل = والكفو حقه علي أذكر جميله
بيض الله وجه كسّاب الجمايل = عدّ ماهل المطر وانشا مخيله
من عيال العود ماضين الفعايل =وقفته فالنايبه تسوى قبيله
من لفا حناش محمود الخصايل =تضحك الحجّان واليمنى طويله
سمعته معروفةٍ عند القبايل =بالوفاء والطيب مثنيٍ حصيله
يرتكي للكايده عزم وصمايل = في سبيل الخير مايذخر وسيله
كم سعى في فك عسرات الحبايل =وكم سجينٍ تابعه وأخلا سبيله
في مجال إصلاح ذات البين شايل = هم من ينصاه في يومه وليله
وإن بدى للمرجله والعز صايل =يكسب الناموس خيّال الكحيله
مع هل الطالات وعيال الحمايل =تنتخي به في المهمات الثقيله
دون ربعه مثل ضلع طويق هايل =في شموخه شوق ضافية الجديله
مكرم الضيفان من خير الفضايل =الشحم والطيب ودلالٍ اصيله
جعل يفدونه قليلين الحصايل = والردي واللاش والكف البخيله
أفتخر به وأمدحه والراس طايل =جعلني في الضيق مادوّر بديله

[/poem]