شبكة قحطان - مجالس قحطان - منتديات قحطان

بسم الله الرحمن الرحيم

هذه قصيدة الشيخ :طلال الرشيد رحمه الله ,,,,

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياصغير مــــــا يكــــبرني لقب=وما يصغرني اذا انكرني صغير

ماخذينا الصيت من جمع الذهب =ولانسابة شيــــــخ او قربة وزير

كاسبينه من أهل السيف الحدب =الجنايز كان مـــــــــاجاك النذير

صيتهم نجمٍ على راسه لــــهب =سمعوا الصقهان به واجهر ضرير

بالوفاء تـــاريخٍ ابيض ينتصب =لاحكوا بالحق حيـين الــــــضمير

ضيغميٍ لـلسنـاعـيـس انـتسب =لابتٍ طـلـنـابها عـــــــــرشٍ كبير

عند حدك يا كثير الهـــرج تب =ولاتــمر النار وثيــــابـــــك حرير

كان لـك عزٍ بــذلي فـتـعـقـب =والله الا تـبـطـي وحبــلــك قصير

احسبك انك من صناديد العرب =واثر ساترتك عباتك يــــــاغرير

ماحسب للـسـوس زراع القصب =والقــــراده ما درى عنها البعير

ولو حسبنا للـحسايف والتعب =ما بذرنا يالــعــصافـيــر الشعير

عن هـلك ابــراي لله واحتسب =الــرجال اللي مــجـاراهم عسير

من قريش المصطفى وابو لهب =والـدغالب ما غشت عذب الغدير

للــرجال من الرجاجيل العتب =والزكاة تحل في حـــــال الفقير

لعنبو وقتٍ غـدينابه حــــطب =تـــحرقه نــــــــارٍ يـثـورها اجير

ماالومك والزمن سوى العجب =هو بقى غيـــــر الكرامه بالجفير

ما أذل وراسي يشـــم المهب =لـــــــو بقى من شمر طفل صغير

ما اهاب ولا يزلـزلـنـي غضب =الـشـجـاعه ورث والعاقل غزير

ياصغير مــــــــا يكبر باللقب =غـيـر منهو كان من قبله صغير[/poem]