قناد الراس
 

بسم الله الرحمن الرحيم

مساء الخير للجميع

هذي احد قصائدي

امل ان تحوز على رضاكم


(قناد الراس)




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مابـي لاكبتشينو ولا شاهـــي فــي كـــــاس = ولا شــــوفة الجرسون يمســـــح طــرف كاســه
نظامـــي برستيجــي لاداج الحيــا عســاس = وراحـــــت مداويـــــر مـــــن البــدو عــساسه
ركبــــــــت افجـــــــح لامــن شلـــع كنــه القـرناس = كما زوع شـــــيهـــان عقـــــــب صــــف قرناسـه
جــــمارك بريمـــي مقعـــده باقــــي بكيـاس = بعــــد فـــي اول التمريــــن ما شلــت اكياسه
علـي راس شـبكه بصمة مــثل عــــوج اقواس= تبيـــــــن وكالــة مـــــصنعــه حنـــــــوة اقواسـه
وشيهانتـــي بيـــن المراتـــــب لها مــجـلاس = عســـى الغــوج يفــــــــداها بنـــــــاره ومجلاسـه
تنحيـــــت بــه دار خــــــــلاء مــــابها قــــــــــــرطاس = ولا شفــــــــت فيهــــا للكواشيــــــــــت قرطاســـــه
كساها جليـل المــــلك مــن خضرتــه بلبـاس = وصـــــار الزهـــــر شـــــــال علـــى حافــة الباســـه
بكــــر ما انجبـــت غــــير الخزامـى مـع البسباس = تشــــوف الزهــر يزهــى الخزامى و بسباسه
وشـــــبيت نـار تجلـــــــي الهــــم للمنـحــاس = لاصـارت ضــــروفه مـن عنى الوقـت منحاسـه
ركـــــزت النجــــــر للبــن والهيــــــل والمحمـاس = وعاينـــــت خــــاملها قبــــل حمـــــــس محماســـــــــــه
وزليــــت بالــدله بوســـــــط البريـــــــــــق قيــــــــاس = علـــى شـــان مــاها مايجــي فــوق مقياسه
وبهـرت مــن بــن اليمانـي قنــاد الـــــراس = قنـاد النحــاوي لاجعــــه فـــي الخـلا راسـه
هـذي هي شعور الشاعر المرهـف الحساس = مـدامــــك تبـي تعـــرف مـن الشاعــرإحساسه
لامنــــه ضـرب نــادوس فكري على الهوجـاس = وفـــرخ مـن التفكيــر فـي الــراس هــوجاسه
هــــذا هــو برستيجــي ومـا تهتـوي الانفاس = نظامـــي لافــاح الوســــم فـي نجــد بانفاسه



[/poem]

رد : قناد الراس
 

صح لسانك ياعبدالعزيز

قصيده وشاعر

مزيد من العطاء

وتقبل تحيات بحر

رد : قناد الراس
 

صح بدنك يالذيب

رد : قناد الراس
 

صح الله لسانك يا عبدالعزيز ..

شاعر جزل ..

لاهنت ..

رد : قناد الراس
 

من قال ماهان
نشكور اخوي مشاري على مرورك على القصيده
تحياتي

رد : قناد الراس
 

رد : قناد الراس
 

رد : قناد الراس
 

اررررررررررحب يابو محمد

صح اللسانك على القصيدة الجزله واشهد بالله انك قندت راسي بابياتها المذهله والجميله


لك تحيااااااااااااااااااااااتي

رد : قناد الراس
 

قصيده جزله يابومحمد سجل اعجابي

رد : قناد الراس
 

ارحب يابو عبدالله بيض الله وجهك يابن عمي لاهنت وصح بدنك يالقرم