(( عروق الحموه))
 

اتمنى أن ترتقى لذائقتكم


(( عروق الحموة ))

[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
عقب صبياً مابرأسة صعاطير = مجتث من رأسه عروق الحموه
يدهن بفعله مكرة الذل وتسير = تضعف عزومه ويتناقص نموه
في عيني وعين الرجال المناعير = اللي لنا للطيب طاقة وقوه
أستاق رجلي ماحسبت المشاوير = لاجله أوقف معه وأدحر عدوه
بالوقفه اللي تورده جمة البير = الطيب مشروبه والامجاد توه
وأنا أحمد الله ما أعرف نافخ الكير = مير ابتلاني واحداً شفت سوه
اللي من أول كنه طويق والنير = ولا كما ضلع السراه ورسوه
قد كان يطير حر الأفعال تطيير = ينهد للجزله ويحفظ علوه
وذلحين اشوفه ماسلك منهج الخير = مخطي دروب المرجله والمروه
لانه مخدر عظم يمناه تخدير = وبنج الرخامه فيه كثرة وشوه
تدري وش اللي مثل حد البواتير = صدة رفيقاً تربطك به عنوه[/poem]

رد : (( عروق الحموه))
 

عبدالله


تبطي علينا


ولكن حرام انك ماتلفي الا بشي يشبع الذائقه صددددددددددق


قناص يابن غفره وعوايدك السمان


صح لسانك

رد : (( عروق الحموه))
 

يابن غفره حرام بالله أنها تحكي الي في خاطري

ونا والله العظيم أني يوم قريتها فتحت بيبان في

الخاطر عجزت أصكها ويوم صـكيتهـا الله يرجـك

جيت أنت بذا القصيده وفتحتها مره ثانيه الله يستر

وش أخرتها ليتني شاعر ولا أعرف أعزف عود يا

عبدالله كان أريح ضمير وطلع الخافي




ويسلموووو على القصيده






وتحياتي لك ولشيبانك وللجميع أحباب عبدالله بن غفره

رد : (( عروق الحموه))
 

لانه مخدر عظـم يمنـاه تخديـر
وبنج الرخامه فيه كثـرة وشـوه
تدري وش اللي مثل حد البواتيـر
صدة رفيقاً تربطـك بـه عنـوه


صح والله لسانك ياالغالي والحمد لله على السلامه
أقول معك علم في صبيا ولازم نبحث أسرارك والله انك خطيييييييييير
هههههههههههههههههه

ولك مني أجمل تحيه

رد : (( عروق الحموه))
 

عقب صبياً مابرأسـة صعاطيـر
مجتث من رأسه عروق الحمـوه

صح لسانك وبيض الله وجهك وقصيدة دسمه ومخها وافي

تحياتي000000اخوك

رد : (( عروق الحموه))
 

صح لسانك

قصيد جزله من أول حرف حتى آخر حرف

إلا أن البيت الأخير
تم وضعه في برواز من الحجم الكبير

تسلم على القصيدة

رد : (( عروق الحموه))
 

صح الله لسانك يا ابوغادهـ واعتلاء شانك وعلى الاخرى عانك


قصيده جزله ولا هي بغريبه الجزاله عليك يا ابن عاطف
وهي تحكي عن عينات كثروا في هالزمن ,,,, والله يقللهم ويبعدنا منهم وعنهم..


تدري وش اللي مثل حد البواتيـر === صدة رفيقاً تربطـك بـه عنـوه


هالبيت يكفي عن قصايد يا عبدالله و وقعه مثل حّدات السليل


ولا تحرمنا جديدكـ يا ابن غفرهـ

رد : (( عروق الحموه))
 

صح لسانك ويسلم راسك ياابوغاده

قصيده وافيه ومن رجل وافي

ويفدونك الرخوم ياذيبان

سجل اعجابي وتقديري

ولك من بحر اجمل التحايا

رد : (( عروق الحموه))
 

صح لسانك أخي عبد الله بن غفره على هذه الصاعقه التي ستلقى وسما ً على خد كل ردي تقبل إعجابي........

رد : (( عروق الحموه))
 

عبدالله ين غفره
ارحب وبيض الله وجهك قدمت اللي يجملك

عقب صبياً مابرأسـة صعاطيـر
مجتث من رأسه عروق الحمـوه
يدهن بفعله مكرة الـذل وتسيـر
تضعف عزومه ويتناقـص نمـوه

با سلام عليك

وأنا أحمد الله ما أعرف نافخ الكير
مير ابتلاني واحداً شفـت سـوه

اقول كفو كفو جعل الردي يفداك

تدري وش اللي مثل حد البواتيـر
صدة رفيقاً تربطـك بـه عنـوه

انشهد انك صدقت

تقبل مروري