|
رجل ترزه في المجالس مباديه ** ورجل فلوسه في المجالس ترزه
بسم الله الرحمن الرحيم السلام عليكم ورحمة الله وبركاته هالقصيده تعجبني بسهولة المفرده وبسرعة تقبلها وبالتدرج السريع من شكل لاخر ’’ هي سرد لحال رجال هالايام ان شاء الله نكون وتكونون من اللي صفاتهم عاليه ,, ياكثرهم .. لا قلت لك .. عرفة وجيه وياقلهم .. لا قلت .. قـدر ومعـزه رجلٍ .. تعزه بعد ماتلتقـي .. فيـه ورجلٍ .. قبل ماتلتقي بـه .. تعـزه ورجلٍ .. ترزه بالمجالـس مباديـه ورجلٍ .. فلوسه بالمجالـس تـرزه ورجلٍ .. يموت ولا يجيبون طاريـه ورجل ٍ .. يجي طاريه في كل حزه ورجلٍ يهزه .. بعض موقف ويشقيه ورجلٍ .. مهوب أيّات موقف يهـزه ورجلٍ .. ضعيف .. ويستفزه معاديه ورجلٍ .. كلام اعـداه .. مايستفـزه ورجلٍ .. تلزه يعترف لك .. بخافيه ورجلٍ .. على خافيه .. محدٍ يلـزه ورجلٍ .. يوزونه .. ويزعل بنيخيـه ورجلٍ .. يزعّل من يحاول ، يـوزه ورجلٍ .. تكزه لا زم انك .. توصيه ورجلٍ .. بليّا ما توصيـه .. كـزه من لا فرش .. للمرجله .. ماتغطيـه ومن لايخز .. الناس .. محدٍ يخـزه ان كنت تعرفني فهي .. عرفة وجيه مو شرط لك بالقلب قدر .. ومعـزه للشاعر / خلف المشعان العنزي اضغط هنا لتحميل الملف والله يحفظ الجميع |
رد : رجل ترزه في المجالس مباديه ** ورجل فلوسه في المجالس ترزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه أشهد بالله بيت بيت بيت رائع وواقع في هذه الايام لك تحياتي على النقل المميز |
رد : رجل ترزه في المجالس مباديه ** ورجل فلوسه في المجالس ترزه
السلام عليكم
ارررررررررررررررررررررررررررررررررررررررحب يا ابوســـــــــعــــــــــد والله يحييك ويحيي ما جيتنا به وصح الله لسان خلف مشعان وسلمت يمناك من العطب على النقل وقصيدهـ رائعه ومن احسن قصائد خلف مشعان لا هنت لاهنت يا متركـ |
رد : رجل ترزه في المجالس مباديه ** ورجل فلوسه في المجالس ترزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه ابيض وجه يا ابو سعد وصح الله لسان قايلها وناقلها |
رد : رجل ترزه في المجالس مباديه ** ورجل فلوسه في المجالس ترزه
ابن خضير اشهد بالله انها احسن قصيدة لخلف مشعان وماكذبت
لاهنت وتقبل تحياتي |
رد : رجل ترزه في المجالس مباديه ** ورجل فلوسه في المجالس ترزه
بيض الله وجهك يا بو سعد على النقل ..
وصح لسان الشاعر خلف المشعان .. |
رد : رجل ترزه في المجالس مباديه ** ورجل فلوسه في المجالس ترزه
ارحب يا ابوســـــــــعــــــــــد
صح الله لسان خلف مشعان وسلمت يمناك على النقل وقصيدهـ رائعه |
| الساعة الآن 12:45 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com