|
حنا بوقات الوغى ضربنا غير
أحـــد الأصدقاء الجدد بعد أن رأى فيني بعض معالم الحضارة ( أقصد اللهجه ) تعرفون عايشين من يوم الله خلقنا في
الرياض والأختلاط لة دوره على لهجة الشخص وأسلوب معيشته . المهم بداء الرجال يتكلم عن البدو عامة والقحاطين خاصه لأنه على علاقه ببعض اعيال الشايب وقالي طيب لو انتخيت يوم في أحــد اصدقائي القحاطين هل هم بيفزعون لي والا لأ فرديت عليه بهذه القصيدة . حنا بوقـات الوغى ضربنــا غيـــر *** أبشر بعزك ون طرى لك طواري حنا معك دايم على الشـر والخيــر *** أشبالنا تنهش ظهــور الضــواري حنا وكـر للحــر والشبل والطيـــر *** لاماأحتمى الميدان والجسم عاري حنا حمينا الماء وسط جمة البيـــر *** وحنا المطر والغيث وقت الطواري حنا حماة الأرض وقت المغاويــــر *** والصقــر لا حلق يصيــد الحبــاري من غيرنقصـانٍ ومن غير تقصيـــر *** به مثلنــا والـي بطيبــه يمــــاري البوم غادي له بذا الوقت تصفيــر *** والبوم لا صفــر يشوف العـــزاري لا ما أحتمى الميدان به روس بطير *** شفت الردي دور لراســـه مذاري شجعـان حنا ناخذ الشور ونشيـر *** هـــاذي فعايلنــا اذا منت داري العون فينا خصله اصغير وكبــير *** للي عليه امن الصــواديف جــاري وبعدها عرف اني بدوي وايضاً قحطاني وعز وفخر أنشـــد التاريخ عن أصل العرب **** تعرف انــه يالسنافي لقحطان لا مراجـــع لابحــــوث ولا تعــب **** شي واضح شي فاضح للعيـان أخوكم رمهـــــــان |
عشت ....عشت ....يارمهان ....عشت
صح لسانك .........صح لسانك مليــار...في...مليـــار قصيده ....مليانه ...فيها ..من العزه ..والنخوه ..والشجاعه..والكرم ..رد ..كافي ...ووافي رد بليغ ..وقوي ..المفرده .. وكفو ...والله ...كفو ... يا بــطــل لأن الرجال ...محاضر .....ماهم بمناظر واشهد لله انك ..شرفت ..قبيلتك ...وعلمك ......طيب ..وبيض الله وجهك .. ..رديت ...نيابه .. عن...قحطان .. ياذيبان ... اخوك اللي اللي يعتز ويفتخر بك ..وباالقصيده خــــــالــد |
صح الله لساااااااانك
وبيض الله وجهك على هالقصيده وقول وفعل حنا حمينا الماء وسط جمة البيـــر *** وحنا المطر والغيث وقت الطواري حنا حماة الأرض وقت المغاويــــر *** والصقــر لا حلق يصيــد الحبــاري اتمنى انك تتحفنا بالمزيد ولاهنت أخوكم الشواطي |
رمهان جعلني ما ابكيك
قصيدة جزلة صح لسااااااااااااااااااااانك ولسان من خلفووووووووووووووك ولك تحيات اخووووووووووك نجم سهيل |
هلا أخوي فارس الشواطي ووجهك أبيض
ومشكور على المرور والتعقيب |
اخي نجم سهيل تسلم ولافض فوك
ولاهنت |
ارررررررررررررررحب ياشاعرنااااا رمهان ماشالله عليك قصيده رووووعه وعلمت الرجال بفعل قحطان ما اقول الا بيض الله وجهك اخوك فارس قحطان |
حنا بوقـات الوغى ضربنــا غيـــر *** أبشر بعزك ون طرى لك طواري
حنا حماة الأرض وقت المغاويــــر *** والصقــر لا حلق يصيــد الحبــاري بعد التحيه رمهان000القصيده والمناسبه جميله عشره على عشره |
حنا بوقـات الوغى ضربنــا غيـــر *** أبشر بعزك ون طرى لك طواري
حنا معك دايم على الشـر والخيــر *** أشبالنا تنهش ظهــور الضــواري عز الله انك لكمته بذا القصيدة يسلم فمك يارمهان وبيض الله وجهك وبتصير رد لكل من سئل نفس السؤال لاهنت لاهنت |
رمهان يا نسل القوم الصناديد********شيوخ قوم(ن) يا سعد منهو زبنهم
اخوي رمهان بعد ما قريت صيدتك اللي اشهد انها سرته واسكته قلت هالبيت فيك ولاهو جاي في قدرك ولا مقامك والف تحية شكر يالذيب |
| الساعة الآن 11:44 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com