(( عشنا على وضح النقا روسنا فوق ))
 

]السلام عليكم

قصيده لها مناسبه

أتمنى ان تنال اعجابكم


[poem=font="Traditional Arabic,5,blue,bold,normal" bkcolor="transparent" bkimage="" border="none,thin,gray" type=4 line=0 align=center use=ex num="0,black"]
يالله ياعالم قدر كل مخلوق = ياكافل ارزاق الاوادم واجلها

انك تجملني مع ’ كل منطوق = قدام نقصان العلوم وخللها

ياهاجسي صخر من الشعر طاروق = حضر من جزال المعاني وقلها

عند السحيمي طيب العرف والذوق = الي ليا ثقلت حموله نقلها

له منزل ٍ بين الطاليق مرموق = والكايده ’’ والمستحيله ’’ وصلها

عداد مايسري من رعود بروق = في مزنة ٍ يري العطاشا وبلها

وعداد ماينبت خزامى وزملوق = في ديرة اجواد ٍ يربع جملها

يامرحبا ترحيبة ٍ سقتها سوق = ترحيبة ٍ تلبس من اغلى حللها

بلي لهم قيمه ومقدار ’’ وحقوق = روس الرجال الي للامجاد ولها

للمرجله يدفعهم الحب والشوق = وان قامت الهيجا " يدارى زعلها

نفرح بجية كاسب الطيب ونتوق = للنايفات الشامخه عن ’ سهلها

وحنا قحطان مزبنة كل مزنوق = اصل العرب ساس المراجل واهلها

عشنا على وضح النقا روسنا فوق = وفينا الشهامه يوم يضرب مثلها

وفينا المعزه والوفا دم , وعروق = كسب الجمايل ماندور ’’ بدلها

الضيف مايشكي من الجور والعوق = والجار يامن في بيوت ٍ نزلها

وقفاتنا دون المداهيل والنوق = تشهد لنا يوم العصور ’’ وجهلها

قبيلة ٍ ماتعرف الغدر والبوق = والله بخيره ’’ والامانه ’’ شملها

مانلتفت في كل جاهل ومطفوق = واهل المحايل ماحمتها حيلها

وكل الرجال لها مواجيب وحقوق = كل ٍ جهوده للمعالي ’ بذلها

هذا الصحيح وكل مطرود ملحوق = والحق منجا " والبشر من عملها

والي يبيع ويشتري داخل السوق = يصرف ذهبها قبل يصرف هللها[/poem]
وسلامتكم

رد : (( عشنا على وضح النقا روسنا فوق ))
 

ومن قال سالم

صح لسانك

ونعم بــ السحمة

وبيّض الله وجهك يـ الذيب



تحيّاتي

رد : (( عشنا على وضح النقا روسنا فوق ))
 

رد : (( عشنا على وضح النقا روسنا فوق ))
 

رد : (( عشنا على وضح النقا روسنا فوق ))
 

ارحب يالعبدي

ولاهنت

رد : (( عشنا على وضح النقا روسنا فوق ))
 

صح السانك وبيض الله وجهك

رد : (( عشنا على وضح النقا روسنا فوق ))
 

لا هنت وبيض الله وجهك

وصح لسانك

رد : (( عشنا على وضح النقا روسنا فوق ))
 

رد : (( عشنا على وضح النقا روسنا فوق ))
 

صح لسانك يا ابا محمد

قلت ابدعت وتجملت

وابن عمك يستاهل

لاهنت لاهنت

.

رد : (( عشنا على وضح النقا روسنا فوق ))
 

انت جزل يامشخص من اول وتالي


صح لسانك مليون