الشاعر /عيد بن صـــــــــــاهود ال عاطف القحطاني
 

طيب المجنى

صدقت فهذا الشاعر الكبير مظلوم أعلاميا ولم تحفظ قصائده .....

له قصيدة يمدح سلطان بن هدلان وقد تكون معروفه للجميع يقول :

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,blue" type=2 line=0 align=center use=sp num="0,black"]
يزها الامارة بن هدلان = وأبوه قبله وجدانه

من دونهم تقصر الشيخان =يوم البلا ثار دخانه

تعرف عزاويهم الظفران=لما لحق ذيب وأخوانه [/poem]


وله أيضا في مدح الشيخ حمود الجهيمي :

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ياراكب اللي لما بان المثل خمه = يجعل بعيد المثل لما زما داني

أبو فهد جعل يفدونه هل النمه = جعل عمره طويل طير حوراني

أبوه في منسبه دور خوال أمه= ما جمعه قروشه وسافر يم جيزاني

فلحان في جرته قد ضيع اليمه = قام الدليلة يصلي صوب نجراني [/poem]والقصيدة طويله وهذا اللي حفظته منها , وله أيضا :

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ذبحني وليفي ذبحة حمود للخرفان =هذا على المعلاق وهذاك يقودونه

تفرق عددها يوم ودوا لها ميقان = وكل ماطق واحد قاموا يحدونه [/poem]وهناك قصائد أخرى للشاعر بن صاهود سوف أقوم بنشرها هنا قريبا ......

رحم الله الشاعر وأدخله فسيح جناته.

الاخ طيب المجنى

أيضا له :

[poem=font="Simplified Arabic,5,darkblue,normal,italic" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
عند الجهيمي لا حيا نشد مني = تركت درب البداوة يوم خاويته

راعي دلال وراعي مجلس فني = وتلقى المسايير مرزين على بيته

ياشوق من قرنها على المتن متثني = عافت بني عمها وحمود باغيته[/poem]

وأيضا :

[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
الهلكس مروح والليل داني = منوة اللي له أسبوع من خدينه

نفدااللي يوم خاويته عطاني = يعطي الجودات والمولى عوينه

حي ذيك العين لا شان الزماني=مثل حر من مكانه جاذبينه

مثل وصف سهيل لا بان اليماني =كل عد منه مخلينه قطينه

القبايل كلهم جو له عواني = بالعطايا والمراجل ذاخرينه[/poem]ونلاحظ كثرة قصايده في الشيخ الجهيمي لأرتباطه الوثيق به من أيام

الشباب والرفقة القديمه, وله أيضا في الشيخ سلطان بن خليل بن عمر

يقول فيها :
[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
الجله نوره سلطان = قامت تومابساتينه

أمير ماومره ... = ما بشر أمه بتعيينه[/poem]والقصيدة طويله وهذا اللي يحضرني منها ويستاهل بن قرملة شيخ قحطان.

تحليل :
يمتاز شعر بن صاهود بالجزاله والقوة وكان لا يحب شعر الرد ,,

رحم الله عيد وأسكنه جنة الحور , وأحب أن أشكرك يا طيب المجنى على

هذه المبادرة و أرجوا من الأخوة المشرفين والاعضاء بتخليد شعراء

قحطان ونشر قصائدهم حتى يتسنى للجميع الاطلاع عليها والافتخار بها

وتقبل الشكر,,,, أصل العرب

رحم الله الشاعر عيد الصاطوح واسكنه فسيح جناته

ولاهنت ياصل العرب على ذكر قصايد المرحوم وهو علم من اعلام قحطان وذكره معروف

وشاكر لك ياطيب المجنى عن استفسارك عن المرحوم عيد

رحمة الله
لكن يعجبني توقيعك يافهد العاطفي
وكيف استطعت ان تجمع بين هذه الصورة
الرائعة و البيت الاروع

لاهنت ياصل العرب على ايراد هذه القصايد

للشاعر المرحوم عيد بن صاهود العاطفي

توضيح لاخي اصل العرب
في قصيدة بن صاهود في الشيخ سلطان بن خليل بن عمر/


امير ماومـره (.........)
مابـشــر أمه بترشيحه
الامير والله سلطان
فالجله عمــر بساتينه

---

واقصر حسك لاحد يسمعنا http://www.qahtaan.com/vb/images/icons/director.gif

طيب المجنى شكرا

أصل العرب لا هنت مشكور ما قصرت

من قصائد الشاعر المرحوم عيد بن صاهود آل عاطف

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خطوى الولد مهنته بـلاس=الله يقـطـع مطالـيـبـه
قصده يبي قطع حق الناس=ربي عسى ينقطع صيبـه
يابنت ياللي تكـد الـراس=لاجـاك كابـان فارميبـه
لا جاك هلي جماه بفـاس=من جرب العفـن يدريبـه
يا جعل يفدا هل النومـاس=الهيـل والعـود تمشيبـه
اللي صبور على الاتعـاس=هـذاك يابـنـت هليـبـه
والقصر لا صار ماله ساس=القصـر تكثـر عذاريبـه[/poem]

وهذه ايضا من قصائد الشاعر عيد بن صاهود آل عاطف رحمة الله عليه
يمدح فيها الشيخ / سلطان بن ذعار بن شالح بن هدلان رحمة الله عليه


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يزها لمارة بـن هـدلان=وابـوه قبلـه وجـدانـه
من دونهم تقصر الشيخان=يوم البـلاء ثـار دخانـه
تعرف عزاويهم الظفـران=لما لحق ذيـب واخوانـه
لما لحق فرحو الرعيـان=والشول يفـرح بحيرانـه
والدور مافيه ردي شـان=كـل بيمنـاه واعنـانـه
لما اعتلو زاهية لرسـان=وشرب الدبش زان معطانه
قب مهار كمـا العيـدان=ترد البلاء ورد ظميانه
لما غـزا واعـد الديـان=يعطيه مثمـون خرفانـه
يبغيه عشا الربع والشيبان=يـارب ترجـح بميزانـه
انا اشهد انه لمير وكـان=ربيـع ربعـه وجيرانـه
غيث علينا ودهر عـدوان=والبل تفلي علـى شانـه
جعل البقا ياخذه سلطـان=واللـي توفـى بغفرانه[/poem]