@@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
بلا تعليق قصيده من عبق الماضي لكم هنا [poem=font="Traditional Arabic,6,crimson,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] امس العصر عديت روس المشاريف = في خايعٍ ماله مع الناس طاري و قندت فنجال المعاميل و الكيف = لعيون شردٍ للقوافي تماري يشجن لها من يرفع الصوت للضيف = لا زان ترحيبه و فك المذاري و يفرح بها راعِ البكار المراديف = اللي تساق من الغلا للخباري في صحصحٍ نايد عن الناس ما شيف = و لا تسمع الا صوت سرب الحباري في راس مزمومه تشوفت للطيف = اللي يسليني في وقت العصاري حتى تزحزح هم قلبي ولا اعيف = وقتٍ به الضايق يهل العباري و شمس العصر مالت على قبلة طريف = و لاح الظلام اللي يلد المساري حتى توارت عن عيون الملاهيف = اللي لهم فوق الثريا مواري و جلست اسامر نجمة الليل يا حنيف = لين الفكر روّح مع البيد ساري فكرٍ عفيفٍ ما عرف لهجة الزيف = ولا دفته ريح النمامه يا قاري شروى الحرار اللي تعلت من الجيف = و شامت من خبوتٍ تضم الضواري لعيون درب ٍما لحق سيرة الحيف = و اروت غرور النفس عقب الصحاري و تكلفت نفسي على الجو تكليف = حيث ان وصفه غاليٍ في المشاري و حيث ان قلبي ما عرف شامخ النيف = الا مع خلٍ خليلٍ مداري اثمن من كنوز الذهب في المصاريف = و انعم من خيوط الحرير التجاري و اجمل من عيون المها بالتواصيف = و احلى من الما في عيون العذاري و احن من قلب البنات المراهيف = و ازكى من عبوق النفل في البراري اللي صفالي دون عنتر مع خليف = و اللي حفظ عهدي و قلبه قراري شيخة عرب ما هي بلعبه و توليف = و لا هي من اللي هافياتٍ عواري ان عدوا الافعال يذكر سنا السيف = سطوة ابوها يوم ركز الشباري و ان عدوا الانساب ما فيه تحريف = اصله صميم العز صلبٍ و داري حسنه مع عقله و زين السواليف = زاده حيا صده يمين و يساري مازال في فكري بعرض الصواديف = حتى ثبت حبه و صار اعتباري و العقل واحه .. و النظر بارق الصيف = و العين ما تردع هبوب الذواري اللي ذبحني يا سعد ذا السراجيف = و طبعه حياوي يا سعد شب ناري[/poem] اجمل التحايا ناصر السحيمي |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
العقل واحه .. و النظر بارق الصيف .. والعين ما تردع هبـوب الـذواري
صح لساااااانك يا السحيمي والله لا يهينك على هذه الغزل العفيف والوصف الجميل ننتظر الجديد تحيّاتي |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
مشكورررررررررررررررررررررررررين
|
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
مبدع يالسحيمي من اول وذا الحين
صح لسااااااانك حتى ترضا |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
ناصر ابصم بالعشره انك شاعر قوي وتملك كنز من الجزاله
وانا اتابعك في منتدى خزامى نجد الله لايضرك وصح لسانك واقسم بالله اني استمع بقصايدك كما استمتع بسلطان الهاجري |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
الله الله
ياناصر إبدااااع وجزاااالة قصيدة شامخه جداً وحضور قوي بهذا النص الرائع الف الف شكر لك ولهذا التميز في الطرح اخوك |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
لا فض فوك ....قصيدة جزلة المعانى والتواصيف ..
واحب اقولك ...انك ذكرتنى بقصيدة عصماء ...لشيخ :شالح بن هدلان القحطانى...مرثية فى اخيه /الفديع وربما انك اقتبست منها وهذا شى جميل منك ..اللى مبداها امس الضحى عديت روس الطويلات ...وهيضت من راس الحجا ما طرا لى وتسابقن دموع عينى غزيرات .....وصفقت بالكفين اليمين الشمالى |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
صح لسانك
يعطيك العافية على المجهود الرائع ودمت بسلاااااااااااااام |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
أخوي ناصر السحيمي
صح لسانك واعتلا شانك رايعه بروعة حضورك لك احترامي وتقديري |
رد : @@ امس العصر عديت روس المشاريف ~~~ في خايــــعٍ ماله مــع الـــناس طـــــاري @@
اقتباس:
مرحبا و مسهلا و صح الله بدنك ومن قال ما يهون تحياتي لك |
الساعة الآن 04:17 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com