قصة زواج ما اكتملت
 

http://www.qahtaan.com/works/up/get....co0k1218621512





صاحب هذه القصيده خطب بنت عمه المليونير ...وهذا مارواه عن حكايته مع عمه ..




[poem=font="Simplified Arabic,6,black,bold,normal" bkcolor="transparent" bkimage="backgrounds/1.gif" border="double,medium,black" type=2 line=0 align=center use=ex num="0,black"]
سبحان من يرزق بتوع الملاييـن=الرازق اللي ما يخيب الرجـا بـه
لي عم عنده معـرضٍ للصواليـن=أموت واعرف بس من وين جابـه
وإذا سألته قـال بعـت الدكاكيـن=ما يدري إني ما هضمـت الإجابـه
الشاهد إني رحت له قبـل يوميـن=في قصره العامـر ودقيـت بابـه
قال ارحب ارحب عدّ ورد البساتين=يا مرحبا باللـي لفـا يـا هلابـه
قلت البقا عـدّ النفـل والرياحيـن=يا شيخ شمل اهل الكرم والذرابـه
قال اسلم الله يحفظك لي من العين=وآمر أوامر حضرتـك مستجابـه
قلت الصراحة طالبٍ قرب غاليـن=ودي تزوجنـي كريمتـك يـابـه
ثنّى وقال اهليـن والله وسهليـن=والكون ترخص لجل عينك رقابـه
لكن ترا عندي شـروط وقوانيـن=قلت اشرط اشرط يا حبيب الغلابـه
قال أولاً مهـر العروسـة ثمانيـن=غير الرسوم وغير حق العصابـه
والثانية عمك يبي منـك سبعيـن=رسم الأبـوّة والنسـب والقرابـه
وام العروسة حقهـا منـك ستيـن=عشانها سـت الحسـن والمهابـه
واخوانها كلن يبي منـك خمسيـن=عداً ونقـداً تنـدرج فـي حسابـه
وخواتها الخمس اعطهن من ثلاثين=عشان تتوثـق عـروق النسابـه
وتجيب طقم عيار واحد وعشريـن=وخاتم من الماس المصفى ترابـه
واكياس متروسة كعوب وفساتيـن=ألوانهـا واشكالهـا مـا تشـابـه
وموتر بسواقـه وفيـلا بدوريـن=أثاثهـا مـن بطرتـه ينحكـابـه
واحجز لنا قاعة بقصر السلاطيـن=واحجز بهـا رقاصتيـن وربابـه
وامنع دخول اهل اللحى والبزارين=واعـزم أميـر المنطقـة بالنيابـه
هذي الشروط اللي على بالي الحين=وذكرني اللي مـا حسبنـا حسابـه
قلت اذكر الله يا عـدو المساكيـن=واستغفـره لا يبتلـيـك بعـذابـه
الظاهر إنك منت عارف أنـا ميـن=أنا لو ارقا فـوق متـن السحابـه
ما جبت حتى نص درزن مواعيـن=واضحك بكيفك واعتبرهـا دعابـه
شروطكم هذي شـروط المجانيـن=شروطكم شغـل ابتـزاز ونهابـه
شروطكم تقصم ظهـور البعاريـن=شروطكـم همّـن وغـم وكـآبـه
شروطكم والله سيـوف وسكاكيـن=تذبح بنات المجتمـع مـع شبابـه
وين الرضا والعطف واليسر واللين=اللـي ذكرهـا الله بمحكـم كتابـه
وين الصفات اللي أمرنا بها الدين=وين اختفى نهج النبي والصحابـه
يا عم جعل اللي خلقنا من الطيـن=يرد عقلك مـن خطـاه لصوابـه
ويجعل نصيبي عند غيرك قل آمين=ويحسن عزا الصابر ويجزل ثوابه
قال انت لو فكرت تفكير صاحيـن=ما شفت في مجمل شروطي غرابه
حنا بعصـر العولمـة والمزاييـن=ماهوب عصر الفلسفـة والخطابـه
الناس تسعى للرتـب والنياشيـن=وانت اهتمامك بالشعـر والكتابـه
والشعر ما ينفعك لو هو دواويـن=ما دام جيبك مثـل بيـت الخرابـه
يا بوك لا تسمع كـلام المصاخيـن=واسأل مجرب عاش في وسط غابه
قلت الله اكبر يا محـرر فلسطيـن=من يسمعك يحسبك ذيـب الذيابـه
تراك شايب راس مالـك رياليـن=والبنت ما تسوى جنـاح الذبابـه
قال انقلع مالت على وجهك الشين=لا عاد اشوفـك عندنـا يالزلابـه
قلت ابشر ابشر لكن الباب من وين=واقفيت من عنده على صوت بابه [/poem]

http://www.qahtaan.com/works/up/get....xb8o1218621735

رد : قصة زواج ما اكتملت
 

هذا وهو عنده ملايين اجل لو انه طفران وش بيسوي

رد : قصة زواج ما اكتملت
 

لاهنت على القصه



تقبل تحياتي

رد : قصة زواج ما اكتملت
 

سبحان ربي الرازق رب العالمين====يرزقنا رزقا طيب كل ابشرك درا به
ونصلي على محمد سيد المرسلين====شفيعنا للناس اجمعين والصحابه
قرات خطك ولا تحسب انك مسكين====والله انه المسكين وشبه الخرابه
هو وبيوته التي تسوى الملايين====ماتسوى اذا ما فيه خير للقرابه
زوجوا بناتكم صاحب الخيروالدين==== والا والله يااخوانيانه هو الزلابه
كتبت قصيده تنزله طول السنين ==== ولاترفع راسه ولااحد بيدق بابه
هذه شروط الناس والله الفقرانين==== قلوبهم مريضه وايديهم نهابه
قصيدتك فيه الخبل راعي القوانين=== احسن من الماس المصفى ترابه
خل بنته لين بجيه راعي الملايين ==== والله انها تتمنى يوم حسابه
وتتعلق فيه وتقول له يا مسكين==== احرمتنا الزواج وصرت في كأبه
وهم واحزان واحرمتني البزارين==== الله يحرمك من جنات النعيم يابه
راح زمان المكسا للعم والبنين====والحين طاعة رحمان وراحت الحلابه
كانت تاكل وتعبي يا سامعين==== بيجيها ويجيه يوم كل يحسب حسابه