شبكة قحطان - مجالس قحطان - منتديات قحطان - (((ياعبيدة يامداغيش الرجال)))

السلام عليكم ورحمة الله وبركاتة
هذة اول قصيدة أنزلها في المنتدى وهي من البدايات حيث انني ابلغ من العمر18وهي في عبيدة من غير قصور في قبائل قحطان

[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="solid,medium,gray" type=4 line=0 align=center use=ex num="0,black"]
ياعبيدة يامداغيش الرجال = ياسناد اللي علية الوقت مال
فعلكم يعرف على مر الليل =فعلكم مشهور والبين يبين

فعلكم مشهور في وقت الجهل=كم حكابة من صغير ومن كهل
واسمعوا والعلم يأتي بالمهل=والسمين تجمل وجبت السمين

يومها نهب وكلن يحتمي=نذبح الشيخان وتسيل الدمي
وذودنا يارد ليا منة ضمي=شف عبيدة للمخاطر واردين

كم عقيد قد على خده وسم =بالهنادي ماهو بنقش ورسم
طامع لاكن هاب ومادسم =جاه جمع بالملاقا مايلين

الجموع إلي ليا ثار الوغا=(ا)تهدر ولا العدو حن ورغا
ولو بغى ماهوب بكيفه لابغا=طيحة ربي بقوم صاملين

العبيدي صامل وقت الوعد=ولا ثارت الهيجا نبشر بالسعد
تسمع عزاوينا مثل صوت الرعد=من خلقة الدنيا وحنا مجملين

حدودنا من سد مأرب لين نجد=وماجاتنا إلا عقب رجد وعقب سجد
قفا العدو ماحيلته يكود وجد=والحمد للوهاب رب العالمين

وأفعالنا ما تنحصى كثر الحصى=نضرب على الكايد ويسلك لاعصى
وعدونا من تونا كبر الفصى= ونحمدك يارب بفضلك سايدين

فعل المهادي لو أجيب اقرب مثال =بدا الخوي على الكبير من العيال
هذا الوفا ماهوب حكي مايقال=هرج وظني مايجي من عاقلين

والمسردي فعله يشرفنا جميع=انا اشهد انه فالقا رجل شجيع
تسعة وتسعين رجال صريع=في الخنفري وأوصى عيال دنادين

اوصى عيال فالقا تنطح القوم =قامو على تسعة رياجيل بالكوم
ماقالو بناخذ قضانا بعد يوم =حامين في فعل الوصيه وعجلين

وفراج في خوته يضربلك مثل=الي نحر ناقته ساعة مانزل
للي يجر عواه في راس الجبل=ذيب يجر عواه والناس ممسين

خوي فراج لحد الجنوبي=من نجد ولابار بعد الغروبي
والي ذبحه بجنبه امسى مغصوبي=امسى بعد ماجندله بآم تاجين

هذى قليل من كثير افعالنا =الي تزين فالمجالس فالنا
والله يعز ارجالكم وارجالنا=والله يديم الطيبين الغانمين

ونجد حلوبه عبيده واحتموه=من غزاهم وقفوله واكعموه
حافضين حقهم لين اسسوه=يوم جا حكم الملوك الحاكمين

وفعلنا في نجد محد(ن) يجهله=قد بطشنا في علوه واسفله
وذودنا نجد العريضة مدهله =انشد ترى كل القبايل عارفين

العدو مثلوم سيفه فالجفير=منكسر واللي يقابلنا كسير
نحشره قبل القيامة والحشير=بطشنا بطش اليهود الكافرين

والله لولا شيوخنا وال سعود= لاعدد الافعال والفعل مشهود
لاكن بتقنبع وبيثور بارود=وملوكنا تقبض على كل عاصين

وبختار من ذكر الوقايع والاكوان=شيوخنااللي شانها فى الجهل شان
لاثارت الهيجا ولاثار دخان= شيوخنا لاجا الملاقا مجانين

الشيخ ابن شفلوت مقدم عبيدة=شيخ فعوله في عبيدة فريدة
زيد وانا ابوزيد وانا حفيده=جدي الامير الي يقود السلاطين

وابن شري شيخ القروم المناعير=الاد مسرد داحرين الطوابير
سيوفهم لاجا الطريدي شواطير=جمع الرجال اللي ترجح موازين

والجروي اللي في الملاقا وليده=محدن عن دروب المراجل يحيده
ابن جديع ال صقر من عبيدة=شيخ على قوم تدك الميادين

وشيخ الهواجر لعتزى الذيب شافي =الضيغمي فعله يسر وافي
درع عن جنوب الهواجر ضافي=وتشهد لهم بين الوقايع تين

هذا كلام الفهري القحطاني=الشاعر الي يبدع القيفاني
شاعر لساني فالقصيد حصاني=بادي بمشوار به الزين والشين

وختامها فا المعذره يالنشاما= لاحد يلحقنا عتاب وملاما
وكلن يبي يطلع براس السناما=وان جا قصور عاد حنا مديين[/poem]

وسلامتكم ودمتم بألـــــــــــــــــــف خيــــــــــــــــــــــــــر