نساااااااااؤنا والسائقين !!
 

السلام عليكم ورحمة الله وبركاته

أبيات للتواصل ،، والقضيه ماتعم وكل عاقل يعتبرها.
بيوتنا عوراتنا أسواقنا جامعاتنا مدراسنا أولادنا بناتنا نساؤنا ،، والسائقين !!

صلو على النبي

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
المصيبه ماتت الغيره وصار الدمّ بارد=وأنشغلنا في سبيل المال وأعمتنا الحضاره!!
لين صرنا نجلب السواق لوهو من عطارد=من ترفنا ماندقق في عماره من دماره
المهم نجهّز اللي من وكيل الزين وارد=نعتني في موتره ونسكّنه وسط العماره
وأن تعلم صار مسؤل المصادر والموارد=وأستلم كل الشئون الداخليه والإداره
والثقه متباينه وخليف في دنياه شارد=من عماة الراي والتفكير يحسبها شطاره
ما درا إنه ضاع راس المال في طرد الشوارد=والخساره في الشرف والدين ياكبر الخساره
عقب ما سلّم جواهره الثمينه فإيد مارد =ويش يرجي من حياةٍ ضايعٍ فيها اعتباره
الشبح في البيت ماله لا مجير ولا مطارد=والبلاء في المدرسه والسوق والمقصود شاره
واعذابي كلما مريتها والشوف جارد=كل مضبوطٍ جديد والدريول في الغماره
أمرد مربوع كنهم ناحتينه بالمبارد =والشعر مفلول والسلسال ويمز الزقاره
كل جنس وكل لون وكل شكل من النمارد=تنتظر فلذاتنا وأعراضنا في كل حاره
ليه صرنا فالأيادي السافله مثل المفارد؟ =ليه ياحفاد الصحابه والمشايخ والاماره!
ليه يجري دمّنا بعروقنا مثل البوارد ؟=عقب ما كانت تقادح روسنا عز ونعاره!
والقضيه ماتعم ولا سردها كل سارد =والبقا لأهل النقاء والحر تكفيه الإشاره[/poem]

رد : نساؤنا والسائقين !!
 

السلام عليكم ورحمة الله وبركاته
أرحــــب ثـــم أرحــب ثــم أرحــب
[grade="00BFFF 4169E1 0000FF"]ياابــــو شـــــايـــع [/grade]
صح الله لسانك .. صح الله لسانك .. صح الله لسانك ..
لاهنــت وجعل فمك الشحم
اكرر واقول بيض الله وجهك وكثر الله خيرك وجمل الله حالك
تقبل تحياتي واحترامي لشخصك العزيز

[poem=font="Traditional Arabic,6,black,bold,italic" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
ليه صرنا فالأيادي السافلـه مثـل المفـارد=
ليه ياحفاد الصحابـه والمشايـخ والامـاره![/poem]
.. .. .. ..
أي واللـــه ليــه ثــم ليـــه ثــم ليـــه
جعلك تسلم

رد : نساؤنا والسائقين !!
 

السلام عليكم ورحمة الله وبركاته

عقب ما سلّم جواهره الثمينـه فإيـد مـارد
ويش يرجي من حياةٍ ضايعٍ فيهـا اعتبـاره

ويش يرجي؟؟
صح الله لسانك .. صح الله لسانك .. صح الله لسانك ..

رد : نساؤنا والسائقين !!
 

صح لسانك يا /الزهيرى

ما تقدر ولا انا ...نفعل شئ ...لانهم فى التجارة ويخافون الخسار والصفقات ...والتجارة الام والاولاد

الله يحفظنا واياكم ....والله المستعان .........قد احنا فى اخر الزمان ...ان شافت سعودى تغطت

ومع الاجنبى ما فيه مشاكل ...لانه ما يعلم يازينه ...السعودى نمام ....ما عاد فيه

ارتباط بالدين ..والخيرات كثير والشريرات كثيرات .....يا رب

رد : نساؤنا والسائقين !!
 

صح السانك ولاهنت على كل بيت وكل حرف خطيته بيدك الشريفه

واقع مخجل للأسف لكثير من من تساهلو في هذا الأمر

والله يجعلنا من عباده المستورين

رد : نساؤنا والسائقين !!
 

بيـــــــــــض اللــه وجهــــــــــــــــك


في الدنيا


والآخـــــــــــــــــــــــــــره


امثال هذه المؤثره لاتستغرب من صاحب الفكر الواعي عبدالله بن شايع الزهيري

ولكن

هذه قنبله بماتعنيه الكلمه

شكرا من الاعماااااااااق.

رد : نساؤنا والسائقين !!
 

رد : نساؤنا والسائقين !!
 

وليه وليه وليه وليه ...........

الله الله على الابداع

صح لسانك يا شايع قصيده بمنتهى الروعه والجمال

سلمت اناملك وحفظك الله من كل مكروه

لك مني كل الاحترام والتقدير وسجل اعجابي دبل بقصيدتك

رد : نساؤنا والسائقين !!
 

ابن مشتح


أرحب أرحب


صح بدنك ولاهنت



الله يرعاك

رد : نساؤنا والسائقين !!
 

أرحبو كلكم



وشهركم مبارك



الله يرعاكم