|
تفو ماادري هي مدح والا شتيمة / إهداء لتركي السنحاني
هذي قصيدة جاتني على الايميل وانا حبيت اسمعكم ابياتها وجات مناسبة بعد تفو حقت تركي اللي عن الحسد والحين انا اردها علية مدري ( تفو ) هي مدح ولاّ شتيمـة البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصـني نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة |
رد : تفو ماادري هي مدح والا شتيمة / إهداء لتركي السنحاني
هههههههههههههههههههه
يا لبى قلبك و بالرغم من ذلك تفووووووووو عليك الله يكفاك شر الحساد و الحسود في عينه عووووووود هههههههههههههههههههههههه والله صار ذا ترويش يا ابو احمد ههههههههههههه |
رد : تفو ماادري هي مدح والا شتيمة / إهداء لتركي السنحاني
بس ابيك تتعلم من رومنسية البنات
وعادي ترويشة ترويشة ياكثر خوفك من الحسد ياتركي |
رد : تفو ماادري هي مدح والا شتيمة / إهداء لتركي السنحاني
ههههههههههههههههه
تفوووووووو تفووووووووو علي الله يكفاني شر الحساااااااااد مافيه احسن من الفطره:) |
رد : تفو ماادري هي مدح والا شتيمة / إهداء لتركي السنحاني
ههههههههههه
لا هنت على القصيده و ترى تركي يسدح الحمامه و هي في السماء |
رد : تفو ماادري هي مدح والا شتيمة / إهداء لتركي السنحاني
مشعل شوكرن على الاطراء
اول واحد يمدحني:) |
رد : تفو ماادري هي مدح والا شتيمة / إهداء لتركي السنحاني
شباب تركي
ممكن نرجع لمحور الحديث ------------------------ البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه عزالله هذا تركي اللي بينة وبين الرومنسية ممشى عمر |
رد : تفو ماادري هي مدح والا شتيمة / إهداء لتركي السنحاني
اييييييييييييييييييييييييييييييييييييييييييييييييي يييييييه
قمت أفز لشوفتك .. وأتحرى جيتك .. أنتظر حبي الجديد .. بعد ما فكرت فيك . ** كنت أشوفك من قريب مع جميع الناس عادي .. ما تخيلتك حبيب .. رايح بقلبي وغادي . ** تبسم ترى العمر فاني .. تبسم وإياك تنساني .. تبسم ترى الهنا لحظة .. تبسم ولو علشاني |
رد : تفو ماادري هي مدح والا شتيمة / إهداء لتركي السنحاني
خخخخخخخخخخخخخخخخخخخ
تركي ,, يا رجال ما تلقى مثله ,,, ما تشوف إلا ذاك الجمال الي ما شاء الله تبارك الله خخخخخخخخخخخخخخخخخخخخخخخخخخخخ ,,, أمزح يا تركي لا تروح تحاول ترقم ويكرشونك لا هـــــنت يا بو أحمد ويتاهل تركي كل خير ومن يسمع |
رد : تفو ماادري هي مدح والا شتيمة / إهداء لتركي السنحاني
هههههههههههههههههههههههههه
عز الله لو تشوف خشتي تقول يا زين راغب علامه هههههههههههههههههههههه |
| الساعة الآن 03:07 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com