البيت ماودي بعد موته اجيه
 

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
سبــــحان من يحكم بحكمه ونرضاه = نرضا بحــــكمه كلنا لأجل نـرضيه
قـــدر لنا عــمر نـــــعيشه ونــحيـاه = بين اغتراب وجــــيه ومقابل وجيه
وقدر لنا مـــــوت لو أبــطا رقـــبناه = نصبح ونمسي ونتحرى مـــــــلافيه
بس الـــــبلا من ذاق مـــوته بـدنـياه = من ضيقة الدنيا ومـــــن فقد غــاليه
ابوي مـــــات ورحـــــمة الله تغشاه = وأمسيت بين الـحزن والغبن والتيه
من شدة الصدمة وهول المفــــاجـاة = البيت ما ودي بعد مـــوته آجــــــيه
كنه يصور لي على جال مــــــركاه == وكــــنه يناديني وانا آقــــــول لـبيه
وكنه يصور لـــــي وهو في مصلاه = وقت السحور ينــــاجي الله ويدعيه
وكنه يسولف لي على شرب مصفاه = يشرح لي ظروف الزمان وبلاويه
يشرح لي وكني مــــــعلم بفـــــرقاه = ويقول طول العمر ياسعيد مابــغيه
أبغي لقا ربـــي ولـــطفه وتــــــقواه = وحسن الختام اللي بدت بي مواريه
واليوم كبيت أكثر الشـــــعرمااهواه = غير الرثاء في بوي مـاني مخــليه
ذاك الذي وقف بيــــــوم المــــلاقاة= وقف لـــقوم خصمها مــــــاتداريه
صباح يــــــــوم مثل يــوم المسماه = يــــــــوم ذياب الموت تشبع بتاليه
يوم اعتزاخو رزنة وجا من أقصاه = واقبل يشيل الروح في راحــة يديه
الــــــــــقوم كــــل مـــد للمنع يمناه = وأمسى عــقيد القوم جرحه يداويه
وذاك الذي باع الـعمر دون خـوياه = قـــــوم تتقى به وقـــــــــوم تداريه
دون الركـــــايب والحمول الموداه = موت العزيز ولاحياة الـــــمشاريه
انا احمد الله يوم انا مــــــن ضناياه = لأني افخر كلما حــــل طـــــــاريه
هــــذي مــــواقيفه وهـــذي سواياه = ماهي بحاجة شـــــاهد ولا مـزكيه
وان جيت اعدد مابقا من مـــــزاياه = كم طـــــرقي ليل المجاعة يــعشيه
يشب ضوه باول الــــيوم واتـــــلاه = ضيف يهلي بــه وضــيف يـــحييه
والأرصدة في مصرف الوجه والجـــاه = المــــــال يــفنى والــنشاما تــــهييه
واليوم عــيا القـــلب يــــدله وينساه = بين اللحود وطـــيب الــذكر يـحييه
يـــالله يــــارب المــــخاليق يــــالله = ياخــــــــالق الكـون المكون ومفنيه
اجعل لابوي بــــجنتك منزل وجاه = واجـبر عزا قلـــب جـروحه تلاويه
قـــلــــــب فقد خـــاله وخيرة دناياه = يبكي ولا يــــــدري من اللي بـيبكيه [/poem]

مع تحيات
سعيد بن فايع

رد : البيت ماودي بعد موته اجيه
 

ارحب يا بن فايع

نسأل الله الذي لا اله الا هو


ان يرحم شايبك ويدخله جنته ولا يفتنكم بعده


وان يجعل بركته فيمن خلف


قصيده محزنه ومعبره


صح الله لسانك

رد : البيت ماودي بعد موته اجيه
 

ارحب يابن فايع ..



والله يرحم شايبك ويسكنه جنات النعيم .. ويبدله بدار غير من داره .. واهل خير من اهله



وصح لسانك ...



(تم التعديل طال عمرك)

رد : البيت ماودي بعد موته اجيه
 

صح لسانك ..

والله يرحم شايبك ..

ويجمعك بة في جنات النعيم ..

رد : البيت ماودي بعد موته اجيه
 

يالله يارب المخاليق يالله
ياخالق الكون المكون ومفنيه

اجعل لابوي بجنتك منزل وجاه
واجبر عزا قلب جروحه تلاويه


يالله يارب المخاليق يالله
ياخالق الكون المكون ومفنيه

اجعل لابوي بجنتك منزل وجاه
واجبر عزا قلب جروحه تلاويه


امين امين امين


اخوي سعيد بن فايع

نسأل الله جلت قدرته ان يقبل دعوتك ودعوة كل من دعا له بالغفران

وان لايفتنكم بعده ويلهمكم الصبر والسلوان ويجعل برك لوالدك والدعاء

له في ميزان الصالح من اعمالك وتقبل تقديري واحترامي . اخوك ومغليك .

رد : البيت ماودي بعد موته اجيه
 

الاخوان ابراهيم ال بي حبيب, سعيد بن مانع الرفيدي, شامان العاطفي اشكركم جزيل الشكر على المرور والردود


شكر خاص للاخ سعيد بن مانع الرفيدي على التعديل في كتابة القصيدة

رد : البيت ماودي بعد موته اجيه
 

ارحب ارحب ياسعيد

نسأل الله ان يغفر لوالدك ويسكنه الجنه وجميع اموات المسلمين

وصح لسانك يامبدع

لاهنت

.

رد : البيت ماودي بعد موته اجيه
 

اررررررحب ياسعيد

والله يرحم والدك ويسكنه فسيح جناته


قصيدة جميلة جداً


ونص شامخ بما تعنيه الكلمة


اخوك

رد : البيت ماودي بعد موته اجيه
 

رد : البيت ماودي بعد موته اجيه
 

الله يرحم شايبك ويغفر له

وصح الله لساانك على هالقصيده

تحياتي لك