|
اهداء
الله على الدنيا تلهي الرجاجيل=وتقطع حبال الوصل لو هي متينه
انهيم في برها مثل المهابيل=ولا تنبه كون نفس ن فطينه وانا يابن عدوه جرالي غرابيل=بعت الحلال وصارت النفس شينه جفيت ربعي والرجال المشاكيل=وما كني الا عود يرحم ونينه ماغيرفي بيتي وعند المعاميل=وان دق لي جوال مسمع رنينه حسبي على ذا الوقت من ميل في ميل=بيشيب راسك مابعد شفت زينه هذا كلام اللي حياته بهاذيل=عزيز نفس وذاق طعم الغبين |
رد : اهداء
ابي تقيم القصيده
|
رد : اهداء
مرحبا يادهام
القصيده من حيث الوزن جيده جداً من وجهة نظري ولا فيه ملاحظه الا على الشطر الاول من هذا البيت : انهيم في برها مثل المهابيل=ولا تنبه كون نفس ن فطينه يحتاج اعادة نظر :confused: من الأفضل يكون هكذا ( في برها همنا سوات المهابيل وموفق والله ينور دربك هذا ما استطعت افيك به والله اعلم وصلى الله وسلم على نبينا محمد وعلى آله وصحبه اجمعين . |
رد : اهداء
بيض الله وجهك ونقدك في محله
|
رد : اهداء
كصيدة رايعة ..
وصح لسانك .. وتراك نسيت حرف الهاء في اخر كلمة في البيت الأخير |
رد : اهداء
اقتباس:
|
رد : اهداء
صحيح نسيته
|
رد : اهداء
ارجو تقيم هذي القصيده
|
رد : اهداء
قصيدة في مجملها
جميلة ويعطيك العافية وبارك الله في أخونا سعد القحطاني على الاستدراك |
| الساعة الآن 09:49 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com