ممثل قحطان في قلطة الوطن سعيد بن زهره الحبابي يعتزي بقحطان
 

الشاعر/ سعيد بن زهره الحبابي



بسم الله الرحمن الرحيم
السلام عليكم ورحمة الله وبركاته


الشاعر الكبير / سعيد بن زهره الحبابي من شعراء القطله البارزين الذين اثبتو وجودهم في ميادين القلطه مع كبار الشعراء
قدم ممثل قحطان في قلطة الوطن مستوى كبير ضد الجلاوي

تجمل وجمل ربعه الباقي عليكم ياعيال الشايب

رقم ترشيح الشاعر / سعيد بن زهره الحبابي

13
بدون أي إضافة



http://www.qahtaan.com/works/up/get....xbz91209053296





قبل المحاوره قدم الجلاوي كم بيت ثم تقدم ابو مسفر وقدم ابيات ترفع الراس بيض الله وجه على البيوت والالقاء

[poem=font="Simplified Arabic,4,black,bold,normal" bkcolor="transparent" bkimage="backgrounds/23.gif" border="none,medium,gray" type=4 line=1 align=center use=ex num="0,black"]
شعر ورثته من عصور جدودي = وقال المثل عيبي ولا منقودي
من كان له حجه يجيب شهوده = وانا بوثق حجتي بشهودي
لاصارمايحفظ قصيد الشاعر = معناه باقي عنصر مفقودي
ولا يغشك قول صح لسانك = وتقول قدني خيره الماجودي
الشعر في الامثال منه حكمه = ماهي بتفنيها الليالي السودي
المسردي مافني شعر قاله = ولا شعر عبدالله المسعودي
يالله ياللي مارجينا غيره = ياربنا الواحد المعبودي
انك تجملنا لما وقفنا = في ساعة فيها البراء مردودي
ماعاد للرجال منها مخرج = مابين قدح النار والبارودي
اما تجملنا وقالو حلوى = ولا نفرح واحد مقرودي
وان وقف الرجال ماله لابه = يمكن يصير بوقفته مضهودي
وانا بعد مشيئة الله واثق = في لابتي قحطان مارث هودي
يشهد لحاضرهم فعل ماضيهم = والعود ينبت في محله عودي
لاقلت ربعي ياعيال الشايب = تقول كنه هز الارض رعودي
لولا حميانا كلنا في الثاني = ما والله ازهم في عيال العودي
شاعر حبابي عبدلي قحطاني = والاصل والمنشاء الصحيح سعودي
ولاني انخى من ضعافة شعري = اعرف لما جاء البدع والمردودي
لن الجمل لاثقل حمله شاله = مايرغي الا الحق والمفرودي
بعض المواقف يفتخر راعيها = وبعض المواقف للفتى منقودي
واختامها على الرسول انصلي = اعداد ماهبت هبوب النودي[/poem]

اخوكم
مرعي بن علي ال دواس الحبابي

رد : ممثل قحطان في قلطة الوطن سعيد بن زهر الحبابي يعتزي بقحطان
 

وان وقـف الرجـال مالـه لابـه = يمكن يصيـر بوقفتـه مضهـودي
وانـا بعـد مشيئـة الله واثــق = في لابتي قحطان مـارث هـودي
يشهد لحاضرهـم فعـل ماضيهـم = والعود ينبت فـي محلـه عـودي
لاقلـت ربعـي ياعيـال الشايـب = تقول كنـه هـز الارض رعـودي
لـولا حميانـا كلنـا فـي الثانـي = ما والله ازهم في عيـال العـودي
شاعر حبابـي عبدلـي قحطانـي = والاصل والمنشاء الصحيح سعودي


والله والنعم ياوجه عبدالله

شاعر كفو وتسد اللزوم

وعزالله العزيز انه تجمل وجمل لابته وربعه

وألقاء قصيده في غاية الجمال والروعه
ولا سندها الا على ضلعاً يزبن من تذرابه

قحطان لا مست سروج خيولها // يهتز مصراً والعراق الاسفلي

يبشر بالوقفه والتصويت

وحمله ريش ولا يشل هم



ابو علي بيض الله وجهك ولاهنت يالوافي
موضوع رائع وموقف يجمل


تحيتي

رد : ممثل قحطان في قلطة الوطن سعيد بن زهر الحبابي يعتزي بقحطان
 

يرقا سنود أبو عوض



وبيض الله وجهه




وقحطان مايقصرون إنشاء اللله



تحياتي

رد : ممثل قحطان في قلطة الوطن سعيد بن زهر الحبابي يعتزي بقحطان
 

اخوي مرعي بن دواس


مشكووووووووور وبيض الله وجهك


انا اشهد ان ابن زهره كفو ويستاهل التصويت


ويبشر بعزه والله ما ابخل على رفيقن يجمل وانا ابن الجويلي



تكفوووووووووون يا اقحطاااااااااااااان


والله مايستاهل شاعر القلطه الا ابن زهره



شاعر محاوه ونظم يستاهل وعلومه طيبه وفضلا عن كونه قحطاني

رد : ممثل قحطان في قلطة الوطن سعيد بن زهر الحبابي يعتزي بقحطان
 

أخوي مرعي بن دواس الحبابي

سلمت ولاهنت وبيض الله وجهك

ويبشر ابو صقر بالسعد وتكفوووون يا قحطان

اشهد بالله ان ابو صقر يرفع الراس وينومس قحطاني

تكفون


[poem=font="Simplified Arabic,5,black,bold,normal" bkcolor="transparent" bkimage="backgrounds/23.gif" border="none,medium,gray" type=2 line=0 align=center use=ex num="0,black"]
لـولا الحـمايا يا صناديـد قـحـطـان = ما كان يـذكر مـجـد والعـز شامـخ

انتم هـل الوقـفـات في كل ميدان= لا عـودت بـيـن الـقـبايـل مـصـامـخ[/poem]



ولكم احترامي وتقديري

رد : ممثل قحطان في قلطة الوطن سعيد بن زهر الحبابي يعتزي بقحطان
 

لا هنت يابن دواس على هذا النقل
والله يبيض وجه ابن زهره عز الله انه يرفع الراس
انا كنت من الحاضرين البارح وشرفنا ابو مسفر وبيض وجيه قحطان
وقابلته بعد المحاوره وقال انا سويت اللي علي وباقي دوركم
يبشر ابو مسفر بالوقفه وتكفون ياقحطان لاتنسونه

وانـا بعـد مشيئـة الله واثــق في لابتي قحطان مـارث هـودي
يشهد لحاضرهم فعـل ماضيهـم والعود ينبت فـي محلـه عـودي
لاقلـت ربعـي ياعيـال الشايـب تقول كنه هـز الارض رعـودي
لولا حميانـا كلنـا فـي الثانـي ما والله ازهم في عيـال العـودي

رد : ممثل قحطان في قلطة الوطن سعيد بن زهر الحبابي يعتزي بقحطان
 

رد : ممثل قحطان في قلطة الوطن سعيد بن زهر الحبابي يعتزي بقحطان
 

اررررررررررحب
تراحيب المطررر

نومااااااس
كان التصويت عشا
ماعشاك يا سعيد


انشالله بتفووز

رد : ممثل قحطان في قلطة الوطن سعيد بن زهر الحبابي يعتزي بقحطان
 

الله الله الله

صح لسانك يابن زهره


عز الله انه كفى و وفى


و المحاورة أيضا ً كانت قمة في الروعه


و يبشر بالتصويت والله




و الله لايهينك يابن دواس


تقبل تحيى أخوك

مبارك بن حاضر

رد : ممثل قحطان في قلطة الوطن سعيد بن زهر الحبابي يعتزي بقحطان