شبكة قحطان - مجالس قحطان - منتديات قحطان - قصيده الشاعر مهدي ال الشريف الحبابي

- مجلس الديار و قصص وسوالف من الماضي (https://www.qahtaan.com/vb/forumdisplay.php?f=3)

- - قصيده الشاعر مهدي ال الشريف الحبابي (https://www.qahtaan.com/vb/showthread.php?t=4024)

قصيده الشاعر مهدي ال الشريف الحبابي

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
قصيد لشاعر (مهدي بن معيض بن جبران ابن صدغان ال الشريف الحبابي القحطاني رحمه الله)

يقول ابن صدغان بيوت دليله = ويازن بيوت الشعر عما يعيبها
ابيوت شعراً منتقيها ضميري = وجيبها من خاطري واعتنيبها
ليتك تهون ماتسب القبيله = وتقصر هروجك في كلام تجيبها
تراك طولت المسافه وطالت = ونجامل معك لوخاطري مارضيبها
تصبرت لين غلق الصبر وانتها = وخدوش الراجل الله يردي نصيبها
دامك تناقشني على فعل لابتي = فلساني طويل وكلمتي بحكيبها
يطول لساني في اللقا فعل ربعي = شغاميم قوم مايعالج صويبها
تسر الرفيق وتمحق اللاش والعدو = ونشد وتدري عن رداها وطيبها
فلا بد تعطى علم يجمد على الشنب = من اللابه اللى لزعلت اعتزيبها
حمر العيون مواجهه كل عايل = وزبن الدخيل لنوا ليتجيبها
اقوله وانا من لابة تقهر العدى = شريفيه عند اللقا ينغزيبها
لصاح صياح ام الشمايم = وردنا كما ورد الضوامي قليبها
بسلال على ورداتها تفلج النحر = وبلاجيك مسواً القفد في خشيبها
يشلونها شيبانا يوم وقتها = واليوم من جور الدهر نعتنيبها
نحميبها ذوداً صغاراً خفايفه = لدرهمت غرق ثومها حليبها
دقاق اذنيها وبيض جنوبها = عطايا اللولي مافيه شيا يعيبها
مدهالها من جر (مرما) لصبر = وترد ب (لجباب ) عدها في شعيبها ً
تحت هيبه اللي مايهابون من الخطر = لقابلت عطر الشوارب بريبها
هذا اللي زعلني يوم منته بتدري = ضعيف هروجك لرجال تعديبها
لسانك حصانك غير منته بصاينه = يعيش الضعيف مهرته لضريبها
تمت وانكان نفسك توغزك = فنا اللي لعالولطبا طبيبها
بعالجك لين تحمدالله وتشكره = والا اكويك كويه مايهون لهيبها
ترى الرجل لما قلط صدر مجلس = فيشرب صافي الدله ويترك سريبها
بعض السوالف ستراها عن مرادها = لصار انك تخطيها ولانته تصيبها

(لجباب- بير توجد في الخوايس بلاد الحباب وصبر من جبالها وكذلك قريه مرما)[/poem]

السلام عليكم ورحمة الله وبركاته :

قصيده جميله جدا..

لاهنت ياعلي وصح لسان ابن صدغان..

صح لساااااااااااااااااان الشاعر

وسلمت يمناااااااااااااااااااك على نقلها لنا

لاهنت يالذيب

اقتباس:

المشاركة الأصلية كتبت بواسطة علي الحبابي

صح لسان قايلها وبيض الله وجهك على نقلها
وسبعين نعم في ال الشريف والحباب عامة

مشكووووور اخوي وصح لسان قايلها .........