يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

[poem=font="Simplified Arabic,4,firebrick,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
اقبلت ذيك اليتيمه والحزن فيها يبان=واجلست جنبي وقالت هيه عندي أسئله
قلت ياعمري وروحي اسألي عن اي كان=قالت القصه وش القصه ابيها مفصله
قلت ياويلاه ياقلبي على ذاك الزمان=كان ابوك الشيخ اباالعاده زبون المرجله
كان قايد قوم مامثله على ظهر الحصان=وكان شيخ داهيه مافيه حيّ استسهله
جا نبا أمك صوب ابوك وحبها حد الجنان=وكانوا اهل امك قساةٍ والأمور منيله
بس لينهم وجاها واكتبوا عقد القران=وابتدت قصة غرام بس ماهي مطوّله
مات ابوك وراح بذن الله الى روض الجنان=وعقب مات ابوك لا ذا اليوم وامك ارمله
مات ابوك وللأسف ماله عيال ولا خوان=ولا حدٍ عقبه خذا الشيخه وجات المهزله
مات أبوك وعقب موته صارت العشره ثمان=اخذوا الشيخه رجالٍ ماتعرف البسمله
لا يصومون ارمضان .. ولا يلبون الأذان=طاغيين وكل سترٍ دون ظلمٍ تسدله
بالغوا في ظلم امك باليدين وباللسان=والبلا موقف خوالك قاعدين امخيّله
لا بعد واكبر مصيبه خالتك زوجة فلان؟=زوجها المنعور مدري من غدر به واقتله
رملّوها ذوّقوها كل مطعوم الهوان=والحقت امك بنفس الداهيه والمعضله
كانوا أخوالك حرارٍ شانهم بالعز شان=غيره وشيمه وفزعاتٍ ومده مجزله
لين جاهم عبد خلفه جيش يملا له مكان=عبد ؟ لكن عبد قيّد ذا الحرار بسلسله
واخضعوا له عقب ماهو خاضعٍ تحت الدفان=واصبح العبد القبيح بعينهم يامجمله
يايتيمه كفي الدمعه وراسك لا يهان=وأسألي الجبّار دايم كل صعب يذلّـله
يايتيمه لا تصيحي في قصيرين اليمان=قبلك امك ولولت ولا انفعتها الولوله
لاترجي في خوالك لا معين ولا معان=مابه الا بلبله في بلبله في بلبله[/poem]

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

صح لسانك يالرفيدي

نسأل الله ان يكون في عون هذه اليتيمة

ويحرر قيدها من أيد الظلمة

ومن يوم جانا ذا العبد وحن صايرين عبيد له

واهم شي في الحياة .. هو

لاهنت يالرفيدي مشاركة رائعة

تحيّاتي

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

ارحب يابن مانع

سلمت وصح لسانك يامبدع

تواصلك يسعدنا

ولاهنت

.

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

سلمت يابو مانع



قصيده تحكي الواقع المرير



ولكن لاحول ولا قوة الا بالله



تقبل تحياتي يابو مانع



سعد بن عدال

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

العبدي



مرحبا بك يالذيب



والله يصلح الشان وانا اخوك

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

ارررررررررحب ترليوووووووووون ومايكفوووووووون

((اليتيمه))

دره رائعه اتى به المبدع كاالعاده سعيد بن مانع


خاطب فيها الاحاسيس000ولامس الجراح

وتفنن بمفهوم الجزاله000

سعيد000

شاعر اكبر من اشاده من حرفي المتواضع

وشاعر فوق الانتقاد00يدهشك بااسلوب الخاص

دمت بصحه يااااااااااااااااااااااااااااااااااااذيبان

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

ارحب ياسعد مليون


تواجدك شرف طال عمرك


لاهنت نفداك

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

ارحب يا سعيد
قصيدة جزلة وصح لسانك
وليس بغريب عنك الابداع

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

صح الله لسانك يابن مانع

عزالله ابدعت لاهنت

رد : يايتيمه لا تصيحي في قصيرين اليمان <> قبلك امك ولولت ولا انفعتها الولوله
 

ارحب يابو مانع صح لسانك يالغالي

قصيده جزله من شاعر جزل

موضوع مميز وفكره رائعه

والله يعين وانا اخوك على هالدنيا

ولاهنت يالغالي