اسهم/يسمح تداولها بوسط الغماره===
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
في عالم الاسهم نويت التجاره=ونويت اصير مع ا لهوامير هامور
قلبي معي والعقل صدر قراره=واللي يبي لطالات يصبر علي الجور
واخذت راس المال بعزم وجساره=وودعته بنكن به الناس طابور
وبديت مشروعي بدون استخاره=كني علي طرد الشقاء صرت مجبور
في عقلي الفكسار واحسن عماره=ورصيد بنكي حول مليون وكسور
وفي صالة الاسهم خذيت استماره=وعبيته ومن شافني قال دكتور
دكتور ف الاسهم بفن مهاره=وصدقت نفسي مع العميان والعور
وقول في نفسي متبغاء شطاره=عينك علي الشاشه ولا تسمع الشور
وبشر بسوق العز هات البشاره=وبتنافس التجار في يام وشهور
اشتر اذا شفت السهم جاء خضاره=ونحش ليا شفته كماء الدم منثور
والمكسب الاول جنينا ثماره=وصبحت /في اي بي/والقلب مسرور
فجئه تغير ونحرف عن مساره=ونهار في لحظه وجاء مطفي النور
وحسيت بلحسره وطعم المراره=ومسكت راسي حاير الفكر مقهور
الله وكبر ويش لي بلمغاره=اللي بها كلبن له سنين مسعور
والله فتحلي باب افضل تجاره=تجارتن ماهيب تكدس ولاتبور
ومساهمتها ماتعرف الخساره=واللي تفلسها من الناس معثور
ويسمح تداولها بوسط الغماره=وف المسجد وف الشارع وداخل السور
قران يوتلا فيه احسن عباره=وصلاه وصيام وحديث ماثور
وتسبيح واستغفار وقمة الاماره= انك مع اهل الخير بلخير مذكور[/poem]

رد : اسهم/يسمح تداولها بوسط الغماره===
 

لاهنت ياعون

وصح لسان قايلها

ياليت توضح اسمه حفظاً للحقوق

ودمت ،،

.

رد : اسهم/يسمح تداولها بوسط الغماره===
 

ومن قال مايهون يا اخوي سعد وشكرا علي المرور وطلبك علي الراس بس صاحب القصيده يرغب عدم كشف اسمه في الوقت الحاضر حتي يعرف ردة فعل المتذوقين لشعر ورايهم بدون مجامله وشكرا

رد : اسهم/يسمح تداولها بوسط الغماره===
 

يا الله دخيلك محد علق علي المشاركه غير ذيبان سعد القحطاني ان شاعر القصيده بحاجه الي التعليقات سوء مدح او انتقاد اوتوجيه