شبكة قحطان - مجالس قحطان - منتديات قحطان - قصيدة عمير ابن راشد بعد معركة العجمان مع ابن سعود

هذي القصيده الذي نظمها الشاعر عمير ابن راشد العفيشة الهاجري
عند انتهاء المعركة التي دارت بين العجمان وحلفائهم وبين الملك عبدالعزيز
وكانو الهواجر من ضمن المحاربين مع جلالة الملك عبدالعزيز طيب الله ثراه
وقد ابلوا بلاء حسنا في هذه المعركة والتي دارت رحاها على العجمان وحلفائهم بقرب من الأحساء
عام 1332هـ الموافق عام 1922م.

[frame="2 50"]

[poem=font="Simplified Arabic,3,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black"]
لك الحمد يا من خص بعض البقايع = برجع بذر نبت لشكله نوايع
عظيم بسط الأرض وبنى عالي السما = وهي عجبة اللي يعتجب في الصنايع
إله رجعنا من هوانا إلى الهدى = وبعد التفرق لم شمل الجمايع
وحن قبل ذاك الوقت ما التم شملنا = اشتات النظر متخلفين الرتايع
جمعنا الخبر من يام قالوا تولفوا = من العرق والصمان وصلوا نجايع
نحايا يدكون المشاريف والوطى = مظاهير واسلاف مع كل فايع
خذوا سجة وقت المرابيع واقبلوا = يسوقون قطعان رعت كل خايع
إلى مستوى كنزان شادوا بيوتهم = يقولون عز الراس والا القطايع
تهيا لنا معهم بكنزان معركه = بليل رمن فيه الصبايا القنايع
سرى ليلنا معهم إلى باكر الضحى = وهو ذبح ومذابح وعقر وقلايع
وقادت ظعاينهم وسارت جموعهم = الين الرعايا شرعت في الزرايع
وقالوا عقب كنزان نلنا مرامنا = بقيظ تحت ظل الغروس الهنايع
لهم نية ونفوسهم سولت لهم = بحكم الحسا جوس بقو الجرايع
بلاد اليمام اللي من الترك حازها = نفاهم وجا ضد بدلهم مرايع
مرازيق وقفنا معه في نحورهم = وزدنا وقايد حربهم بالولايع
وكل عرف منا محبه ومبغضه = وراحوا فراقين القبايل مزايع
وجانا الذي منا وجاهم صديقهم = بضد اليمام يولوفن الفزايع
قلطنا لهم في الحد نبغي نردهم = بشرف وزلبات وشلف شنايع
وساروا محزمة القنازع وسبلوا = بجند قلط يهتز للقلب رايع
وظهرنا لهم عند المحيرس بجمعنا = سيوفه كما وصف البروق اللمايع
وفضنا كما سيل تحدر من الجبل = يعم الوطى والمستوى والرفايع
وثار القهر بين الشنيفين والتقوا = وسرنا بسلات الهنادي مشايع
وحضرنا وهم في ما قف موعد لنا = وصاح المحرج بين شاري وبايع
وباعوا علينا واشترينا بسوقهم = وبعنا عليهم غاليات البضايع
وبيع النفوس بسوقها عادة لنا = طبيعة ولا نخلف عزيز الطبايع
وبالوقت الآخر بالفضا ضيقوا بنا = وعدوا عدوة منها تشيب الرضايع
وعدينا عليهم عدوة تعجب النظر = وتعرس فتياتنا والرجايع
يوم تجي منهم علينا وننهزع = ويم تجي منا عليهم هزايع
وطبعنا بهم يوم وسدوا طريقنا = ولولا منعنا الله بعجل السرايع
ضحى راعي البلها حمد رد سابقه = على سرية آل معيض يوم الشرايع
طري الفعايل كاسب المدح في اللقا = شجاع بذاك اليوم سوى الفنايع
وابن ابراهيم وابن نمر خالد = شهود على ما قف زبون الودايع
وشافي واخوه سعود في حومة الوغى = بصفة على شحف العياد الطلايع
تناخوا وردوا ردة فرجت لهم = وحطوا لهم في الضيق طرق وسايع
وقمنا نشاوعهم على طول قيظنا = وكل بحث له علته والوجايع
خذينا وهم سبعة شهور مهلله = وحذف النشامى مثل حذف النصايع
وتالي وهايلنا وهم في مخلصه = قضوها لابن قبسه قوي البزايع
مع من طوينا الجال به من شيوخهم = طمعنا براس الشيخ يوم الصعايع
والى استنكروا منا بنسيان ما مضى = فحن ما نسينا ما ضيات الصفايع
وحن قبل هذا في ابنيان ربعهم = نهار اغتشونا بالجموع الروايع
صفق جمعنا فيهم ولا هاب كثرهم = بشلف وحدف مرهفات برايع
بيوم خسرنا فيه والطايله لنا = كن الزلم فيه عياد طلح صرايع
ورجعنا لهم وقعة ابنيان في الحسا = بطارد ومطرود ومشرب وصايع
وغلب حظ أبو تركي عليهم ودبروا = ولا عاد كون الملتجي بالربايع
وراحوا ورحنا كلنا معقل الوشل = وذاقوا كما ذقنا شديد اللقايع
اقوله وانا من لابة ينعبر بهم = قبيلة ما هم بملقطين النزايع
هواجر عبيده جنب قحطان جدنا = ابن هود في التاريخ ما هو بضايع
فدينا ورا عبد العزيز بعمارنا = الين العدو عود معيف وطايع
رجا في اليمام وضد يام ابو فهد = عبد الله المذكور نمر الوقايع
وفنيت سبايانا وفرسان ربعنا = سهوم المنايا بينين الشوايع
وصفة عيال تؤما حل نفعهم = فهود الصباح منفضين القشايع
وساع الحلال وذهب اللي بقى لنا = عقاير وبيع والشرايد ضوايع
ويتموا بزايانا ولبسن حريمنا = ملابس حداد عقب علم الفجايع
صبرنا على الجاري لاجل مكسب العلى = وعبد العزيز به الرجا والطمايع
فلا عقب طيب افعالنا زاد حقنا = وحن كان معنا الزود ما هو بضايع
وبدوا علينا يام ومطير بالعطا = وقبيلة عتيبة مخرجين القرايع
فلا هو بمبعدنا إلى حل ما جبه = ولا هي بحكوة مجلس اهل الخدايع
ولكن قول وفعل تشهد لنا الملا = وذكر جميل بين الإسلام شايع
وتمت وصلى الله على سيد الورى = عدد من مشى في الأرض منعم وجايع
محمد المبعوث بالحق والهدى = شفيع امته رافض جميع البدايع[/poem][/frame]