شبكة قحطان - مجالس قحطان - منتديات قحطان - مجاراه لقصيدة الشاعر عايض بن غيده في شاعر المليون

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

مجاراه لقصيدة الشاعر عايض بن غيده في شاعر المليون

السلام عليكم و رحمة الله و بركاته

هذه مجاراة لقصيدة (( الشعر صعب )) للشاعر عايض بن غيده القحطاني

و التي شارك بها في مسابقة شاعر المليون يوم الثلاثاء الماضي

(( قفل الشعر ))

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
يا مخرج الحلقة نبيِ لاِعاده = نستمتع امن الشعر و اللي جاده
فلا كل غواص ٍ يجيب الدرّه = وْ لا كل وراد ٍ نجح ميراده
دخل صبي قحطان شاطي الراحه = وْ تواردت الأبيات له كالعاده
استنبط الافكار ثم طوّعها = فبيوته اللي تتعب القصـّاده
نومس بني عمه وْ نومس ربعه = و اعمى نظر عدوانه وْ حساده
قمع قصيد ٍ عل ّ كبد السامع = مثل فعل صدام ضد اكراده
يوم اعلنوا عصيانهم للحاكم = قمعهم وْ حافظ على بغداده
ماهي غريبه لنـّه اللي وارث = من خاله و عمه قصيد أجداده
الشعر لاهل الشعر يا ناقدهم = وْ حنا هله ندراه من نقــّاده
نعرف متى نظمه و لا يجهلنا = معنى القصيد وْ حبكته وْ اقناده
قـُفل الشعر مفتاحه ابيدّينا = وْ عليه رقم ٍ حافظين اعداده
نحفظ حقوقه و انعرف مغلينه = و نشوش الى منـّا بدينا انشاده
وْ مد البحر و الموج ما يرهبنا = على البحور الحنجره معتاده
نكتب على كل البحور الصعبه = ما ننتظر من غيرنا لاِشاده
واللي طلب الامداد ورّط نفسه = فتره و تتلف واردات امداده
ان كان ماله فالقوافي جرّه = ولا اتعبه تركيبته و اعداده
يصبح غريق ٍ فالزخم الاعلامي = و لا يلاقي ساعي(ن) لانجاده
والا انت يابن غيده القحطاني = قديم شعرك شاهد ٍ لاجداده
شاعر . وْ متمكن . وْ لك جمهورك = و تفوز بالمليون اذا الله راده
و اذا اللقب توج لغيرك .. عادي = بارك له وْ يستاهله من صاده
شاعر رسول الله لقبه يكفي = لنا و حنا فالصحيح احفاده

[/poem]

و سلاااااااامتكم

مبارك بن حاضر