شبكة قحطان - مجالس قحطان - منتديات قحطان - صدور ديوان صوتي موجه لـ ال جراد

بسم الله الرحمن الرحيم

الحمد لله والصلاة والسلام على رسول الله................... وبعد

لقد قام الشاعر المبدع / سعيد بن مبارك ابوديه بالتعاون مع المنشد الاسلامي /مفلح بن علي السلاطين

باصدار ديوان صوتي بعنوان ((العــفــــــــــو)) موجه للاخ سعد بن مسفر بن جراد واخوانه وكافة اسرته

لاكمال جميلهم والعفو عن السجين مفرح بن حسين ال يصبا واعتاق رقبته لوجه الله تعالى

وهذا الديوان موجود في تسجيلات صدى القراء الاسلامية بالدمام
ت وفاكس /8227264 - 03
جوال/ 0504805970
وفي كافة فروع اسوق الضاحيه بالدمام

واليكم القصيده :

يابيض غني في النوايف واذكري فعـل الرجـال........ اللـي مواقفهـم لنـا بيـن القبايـل مفـخـره

اهل الشيم واهل القيم والطيـب ذربيـن الفعــــال ........ واهل السلوم الوافيـه والمجـد سـادو منبـره

قـوم فعايلهـم تعلـت واعتلـت شـم الجبـــــــــال ........ الا ولا للكايـد الا الـلـي بعـزمـه يـقـدره

يوم اعتلا صوت الرجال وكبرو مـن كـل جـــــال ........ ويوم انتخا العود الكبير وهلـت الدمعـه مـره

في ساعة بين الأمـل واليـاس مافيهـا جــــــدال ........ والموقف العسر الصعيب ونحمـد اللـي يسـره

كل يصيـح وينتخـي ويقـول ياعيـال الحـــــلال ........ تكفـون ياهـل الطايلـه كـل الامـور مقـدره

وقف لها الحر الصميـدع واستخـار الله وقـــــال ........ انـا لهـا والله علـى مافيـه خيـر يـقـدره

وقف سعد وقفة شرف وأن قال راعي الطيب طال ........ ابن جراد بطيـب فعلـه فـي المواقـف نذكـره

حلحيل زحل في المواقف يرتكـي مثـل الجمـال ........ يوم احتمى الموقف رفع سيف العدالـه وأنهـره

واخوانه عضوده هل الوقفات وافيـن الخصـال ........ حسـن وعبـدالله وصالـح فعلهـم ماننـكـره

من طيبهم قالو نعـم ماقـال اخونـا يستحـال ........ انخالفـه لنـه الكبيـر ومـن غـلاه نـقـدره

هذي بداية خير والباقـي علـى لفـظ الجـلال ........ والله يفعـل مايشـاء والعبـد يرضـا بـقـدره

يوم انفتح باب العفـو كـل رفـع يـده وقـال ........ يالله تجزاهـم بخـيـرٍ ياوسـيـع المغـفـره

وتعالت الاصوات في الساحه دعـاوي وابتهـال ........ في موقف من كبر هولـه ماقـدرت اتصـوره

واكبر من الموقف عجوز دمعها مثـل المخـال ........ علـى ظناهـا دمعهـا مثـل الهمايـل تنثـره

جاها البشير ومن فرحها صابهـا مثـل الهبـال ........ صاحت بصوت يجرح القلب الحنـون ويكسـره

في صوتها المبحوح حزن وفكرها مثـل الخيـال ........ حياتها هـم وحـزن والليـل الاسـود تسهـره

ثم ارفعت كفينها وتقول فـي عـرض السـؤال ........ اللي جبـر فـي خاطـري يالله ياربـي تجبـره

تكفون ياهل الطيـب والعليـا عريبيـن الخـوال ........ عتق الرقاب اجر عظيم العفـو عنـد المقـدره

اللي عفا واصلـح لوجـه الله لاحتـد الشكـال ........ الله بجنـات النعيـم وكــل خـيـر بـشـره

ادخل على الله ثـم عليكـم ياكريميـن السبـال ........ واصيح فيكم وانتخـي والطيـب فيكـم نخبـره

نخيتكم بأسم قحطان من الجنوب الـى الشمـال ........ ياللـي مواقفكـم لنـا بيـن القبائـل مفخـره

ونحن نضم صوتنا لصوت اخوينا املين من الله ثم من ال جراد اعتاق رقبة ابن عمهم لوجه الله تعالى

كما نرجو ممن يسطيع ايصال هذا الشريط لهم (( فالدال على الخير كفاعله ))

ومن يرغب ممن يسكن الرياض الحصول على نسخة منه مراسلتنا وسوف نقوم بايصاله له مجاناً

وفق الله الجميع لما يحبه ويرضاه

والسلام عليكم ورحمة الله وبركاته