شبكة قحطان - مجالس قحطان - منتديات قحطان - قصيدة مدغم أبو شيبة اللي هاجم فيها اللجنه ،،،،

قصيدة مدغم أبو شيبة اللي هاجم فيها اللجنه ،،،،

[grade="B22222 B22222 B22222 B22222"]

.
.
.
بسم الله الرحمن الرحيم

هذه هدية متواضعة من أخوكم/ صالح بن علي القحطاني

عبارة عن قصيدة للشاعر المبدع مدغم ابو شيبة السبيعي هاجم
فيها لجنة شاعر المليون ((النسخة الثانية)) بعد خروجه من المسابقة
وأترككم مع القصيدة:

يا قصــيدي وانت حملك مثل حمل السـلاح
من صناعــــات لفــــض النـــزاع مـطـــوره

خلق وجهك من حجر ضلع واشراقك صباح
دم تــجمــد في وريـــده ودم تـــــــــفوره

من خلالك لي على الــكون منفذ وانـفتاح
أرســم احلامي على واقــعه واصـــــوره

الحــصون اللي عليــها منصات الكــــفاح
انــشد اكــبرها من اللي بــناه وســـوره

ســقت ذودك للــمفالي وقاد من المـــراح
واعــترض في دربــها نــابحه ومـــخوره

النجاح يـشيل جــرحه من أعداء النــجاح
والمــثاليـــه تـــعاني من الـــمتـــهــوره

والفتاوي تختلف شي حرام وشي مبــاح
وشي لـو تقنــع بـه العقــل ما يتصــوره

نســتمع لله واكبــر وحيـــا للفــــــــــلاح
المســـاجد عـامــره والقــلوب منـــــوره

ونـــدري ان ما كل مـذن بلال بن ربـــاح
لـو يقول الشـمس حـمرا والارض مـــدوره

المهـول لــو خـدعنا وخـذنا بالـصيـــــاح
واشتكى من رجـله اللي ماهي بتــعوره

حيلة ما تمشي إلا على النـاس الصحـــاح
أحبـكتها عــالـــم مهــوله ومـــــــجوره

والطيــور اللي تهــاوى بمخلاب وجنــاح
لا تعشــي صيــدها واحـــد مــــــا دوره

ما يحصـل راحت البـال واطـلاق الســراح
من تـورط لــه بخمسـة صـكوك مـــزوره

فـرد حمزه حسـب تقـرير دايرة الســـلاح
فيــه واحـد غيــر حمزه هو اللي ثـــوره

نتمنى ان نسمع ارائكم ومشاركاتكم وتعليقاتكم على القصيدة

وتقبلوا تحياتي....والسلام عليكم.
.
.
.
.

[/grade]