شبكة قحطان - مجالس قحطان - منتديات قحطان - إابــــل هيـــف ( حمر النعــــــم)

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - إابــــل هيـــف ( حمر النعــــــم) (https://www.qahtaan.com/vb/showthread.php?t=36787)

إابــــل هيـــف ( حمر النعــــــم)

السلام عليكم ورحمة الله وبركاته

قصيده في وصف ابل الشيخ هيف بن عبود الذي جمل بقحطان في مزاين ام ارقيبه لعام 1428

بيض الله وجه وجمل الله حاله والله يزيد قحطان به.

القصيده سبق وان قام با انشاده المنشد والمبدع المهندس / محمد ال مانع

وهي الان مطروحه في شريط كاست بالسوق

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
درهمت حمر النعم واقبلت من كل صوب = زرفلت من شوقها والسعد قدامها
كنها غر المراويح لا جاله نصوب = اشهد انها تشرح البال في درهامها
من ربى نجد العذيه ومن شرق وجنوب= اقبلت والشوق يسبق رسول احلامها
هيف ابن عبود لما حضر عنا ينوب = بالثلاث اللي نقاها ورز خيامها
ابن عم يرفع الراس في كل الدروب = اقتناء ذود يشوق النظرمجهامها
الحمر والوضح والسود طفاح الجنوب = والتّميز بالطبايع وكبر احجامها
الحمر فيها تعاجيب وتشوق القلوب = في طرفها زل شيراز قبل اسلامها
كنها نور الشفق يوم درهام الغروب = او مثل جوخ ٍ حمّر تقتنيه اروامها
من عشقها هام فيها ولا يقدر يتوب = عشقتٍ ماتشبه الا سواة اهيامها
نظرته فيها تساوي طعامه والشروب = ايتسلى في وبرها وفي هندامها
كن وبرها ريش حرٍ مثل زبدٍ يذوب = جل شان اللي جعلها خيار انعامها
لاعذاريب تّطرى ولافيها عيوب = الخلوق زيان ويهول جبر اجسامها
مايلوم اللي يحبونها غير محجّوب = اشهد انه جاهل المرجله من لامها
ما قناها الا هل المجد في ايام الحروب= روس قوم ترخص الروح عند اخصامها
في الحرايب جيش ومضمرات للركوب = يوم غارات الحرايب ترف اعلامها
عزوة الفرسان يوم القناء دمه يروب = لا عتزا الفارس ماعاده ينوش خطامها
الكسايب والهدايا قنا ولا حلوب = يوم روغات الليالي وغبر ايامها
ون حداك الوقت ون صادفك بعض الكروب = اشهد انها في النظر بندق واحزامها
اقتنوها اهل الفخامة سلاطين الشعوب = ماقناها غير قوم تعرف اقيامها
والله انها المال والعز فيها ومحسوب = رجلة صعبه وعسره على سوامها
جعل تفداها الكدالك وتفداها الجيوب = لو تمّيز بالفخامه وزين ارقامها
لو يشح الوقت ما نذخر اللي في الجيوب = نرخصه لعيونها في سبيل اكرامها
يالله انك تنزل الغيث همال النصوب = في مكان رزّت البل فيه اقدامها
مضواح بن شتوي[/poem]