|
& شــــــــــــايــــــــــب نـــــــــــــكــــــبـــــــة &
السلام عليكم ورحمة الله وبركاته
================================ قصة طريفة حكاها أحد الزملاء يقول في العيد الماضي عيد الفطر كان له زميل كبير سن((( شــايـــب ))) نوعا مّا وشوفه شجر بس بقوة المهم وصلته إحدى الرسائل من صاحب له خاص وحسب ماذكر صاحبنا أن الرسالة لاتصلح للنشر إلا للخواص يمكن مشفّرة :050103lv_ والمشكة تبدأ بمعايدة ولكن محتواها على مايبدو غير جيد شايبنا يقول كالعادة أختار إحدى الرسائل اللي تعجبني وأعتمدها كمعايدة وأرسلها لجميع من في الجوال يقول بدأ الإرسال إلا شوي يتصل علي شيخ وقاضي بعد في قائمة أرقامي ويقول خير أبوفلان صاحي أنت ؟ هذي معايدة ؟ !!! :110103_an قلت وش فيها قال كذا وكذا يقول ويطير قلبي بسرعة واطفي الجوال :110103_ma فتحته مرة ثانية إلا الاتصالات تنهال ولا أدري كيف أتصرف وارجع أطفيه ! وكل ما أفتحه أشوفه كاتب " جار الارسال .... " ولا أقدر أوقّفه يقول كلمت زميل لي من جوال ثاني قال شل البطارية واشيل البطارية وارجع أعيدها وافتحه من جديد ولين الرسالة مازالت جار الارسال ... المهم يقول هلكني كل شوي يقول جار الارسال والعرق يتصبب ومالي حيلة يقول وواصلت أقفل وأفتح والجوال مواصل ولا جاب خبر يقول وأثناء هذه المحاولات اليائسة انتهى الإرسال للجميع وتفرغت للرد على جميع "المهزئين" بدلا من التهاني واللي يقول أنت صاحي ولا مجنون ؟ |
رد : & شــــــــــــايــــــــــب نـــــــــــــكــــــبـــــــة &
هذا عزالله الموقف النكبة
الله المستعان ههههههههههههههههههههه |
رد : & شــــــــــــايــــــــــب نـــــــــــــكــــــبـــــــة &
خخخخخخخخخخخخخخخخهه
تحصل تحصل ليش لا في عيد الفطر ماهوب بلي راح ولا ألي قبله ألي قبله أرسل لي أحد الزملاء رسالة تهنئه بالعيد طبعاً الرساله طويله وتنرسل في ثلاث أجزاء المهم الرساله أرسلها لي أحد الشباب والرساله شبابيه أو أردى من ذالك .... هدفها معايده ولكن أسلوبها ماش ألمهم قمت أنا مسحت أسم الرجال أبو فلان وكتبت بدله أبو جابر وأرسلتها لواحد من عيال عمي ألا هنا مافيه مشكلات قام أخونا في الله يبي يعايد على المسلمين وعلى وصفه يبي ألي حولها ونصاها قال وقعدت ساعه ونا أحدد من ألي أرسل عليهم ومن ألي ما أرسل يطول الكلام والمقصد أنه تم الارسال أبوه وأبوي وجملة الاعمام والاقارب وأمه من صلى على النبي والرساله مكتوب فيها أبوجابر ولا فيه أبو جابر ألا أبو جابر ويالله أنك ترحمنا برحمتك أنا وياه ماعيدنا ذاك العيد أنتهت القصه وأتمنى لك التوفيق وتحدث في أرقى المجتمعات |
رد : & شــــــــــــايــــــــــب نـــــــــــــكــــــبـــــــة &
والله ياماجد
انا صار لي موقف ثاني واحد من الشباب ارسل رساله رايحه فيها بقوه المهم جاء الولد الله يحفظه ويقلب في الجوال ويقعد ويرسل هالرساله لأخوي الكبير عاد ودي اموت وبالذات اخوي هذا اموت ولا انحرج قدامه المهم قعدت شوي والجوال يدق الا وهو اخوي ويقول سلامااات عسى ماشر وقلت ليش قال وش هالرساله واناظر الا واشوفها رايحه له قلت والله الولد الله يهديه قال ماعلي وش هالرساله اللي في جوالك قلت من واحد من الشباب عاد قعد يضحك قصه روعه ياماجد حضورك دائما راقي واللي يعجبني اكثر انك تخلق مواضيع وقليل ماتنقل وهذا يعني انك متميز ومبدع الله يسعدك ياماجد ويبيض وجهك |
رد : & شــــــــــــايــــــــــب نـــــــــــــكــــــبـــــــة &
ههههههههههههه
يا والله النّكبة صدق وشوكرن لك ولــ أبو جابر وابو نوّاف |
رد : & شــــــــــــايــــــــــب نـــــــــــــكــــــبـــــــة &
هخهخهههه
موقف صعب شكرا على السالفة الطيبة |
رد : & شــــــــــــايــــــــــب نـــــــــــــكــــــبـــــــة &
اقتباس:
أجل بالله تقول صعب مدري ياعيسى الله العالم أني حاقد عليك:) ودور الزله |
رد : & شــــــــــــايــــــــــب نـــــــــــــكــــــبـــــــة &
بسم الله الرحمن الرحيم
السلام عليكم ورحمة الله وبركاته صراحــــــــــــــــــــــــــــــــــه موقف صعب جدااااااااااااااااااا ولك تحيتي |
رد : & شــــــــــــايــــــــــب نـــــــــــــكــــــبـــــــة &
موقف صعب الله يعينه على أصحابه يمكن يفقدون الثقه منه . لا هنت |
رد : & شــــــــــــايــــــــــب نـــــــــــــكــــــبـــــــة &
بسم الله الرحمن الرحيم
السلام عليكم ورحمة الله وبركاته اشهدنه ما هو معيد هههههههههه لاهنتو عالقصص اللي كل عيدد تصير تحياتي |
| الساعة الآن 01:02 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com