قصيدة ابن جدلان ((الطويلة)) ومجارة الشاعر محمد بن عباد لها
 

هذي قصيد الطويلة للشاعر / سعد بن جدلان الأكلبي

عندما شاف ناقته الطويلة مريضة فأرتجل بهذه القصيدة التي تعبر عن عشقه لها

ولما علم الشاعر / محمد بن عباد السلولي

جاراه بقصيدته الرائعة

اطرح بين ايديكم هذه القصيدتين وآمل ان تحوز على رضاكم



((كل ما قامت تلفت لي خذتني كلّي))

[poem=font="Simplified Arabic,5,black,normal,italic" bkcolor="transparent" bkimage="backgrounds/17.gif" border="outset,thin,black" type=4 line=0 align=center use=ex num="1,black"]
يا الطويله و الله إن حالك ما هوب ارضللّي=أنتي المرضانه و أنـا كنـي المرضانـي
يا القبال الرحب فطرة صايـم ٍ و مصلّـي=كل ما طالعـت بـه سميـت بالرحمانـي
كل ما قامـت تلفـت لـي خذتنـي كلّـي=فـي تصفحهـا تـدور لـي و لا تلقانـي
لو يمرونك هـل البـل و الحـلال مفلّـي=شخصوا بأبصارهـم فـي طفّـح الربانـي
يا ما شا الله كان و الشيطان عنـك يولّـي=يا السبال الضافيـه و الخـد و اللحيانـي
و السنـام المنفهـق و العاتـق المنتـلـي=وغـارب كنـه يبـي يطلـع سنـام ثانـي
ما سرح بك من يقول إن الضياح ابل لـي=كود هجن ابن الكبير و شويـة السبعانـي [/poem]


وهذه مجاراة الشاعر الرائع / محمد بن عباد السلولي


((أحسبن انها الصايرة و لا القمر متجلي))

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="solid,thin,black" type=4 line=0 align=center use=ex num="1,black"]
الطويلة يا سعد عنهـا الخـلاف يولّـي=شفتها قبل أمس يا الله ان تخزي الشيطاني
أحسبن انها الصايرة و لا القمر متجلـي=لونها لون القمر و حجوزهـا ضلعانـي
ويش أقول من المثل في وصفها و أخلي=بعد ما حازت روائع و صف بن جدلاني
و الطويلة للوصـوف الكاملـة تحتلـي=تستحق المـدح بلسانـه بعـد و لسانـي
الشناح الطافـح اللـي رأسهـا متعلـي=كنّها تبغى تناوش من السمـا غرضانـي
كاسي الأمتان منها مثل وصـف الزلـي=كـن بيـن كتوفهـا لا ناحـرت بيبانـي
و السنام الفاهـق اللـي للوبـر مشتلـي=زامي ٍ كاسيه مثـل عمامـة السودانـي
زاهي من بين وضـح ٍ شوفهـن يسلـي=تستحق المدح و التوصيـف و الأثمانـي
و الفحل في نحورها مثل السناف مطلـي=ممن ٍ خـوف الطيـاح بهدرتـه عليانـي
هدرته تجمع شتـات دقاقهـا و الجلّـي=مثل دندان الرعد فـي صـادق الودّانـي
شامخ الغارب سنـاد و مهدلـه متدلـي=و ان قفيته قلت عرضه و القفـا سيّانـي
قالط في نحور وضح ٍ لامرهـا متولـي=شيخ قـوم ٍ ظاهـر يستقبـل الضيفانـي
قالط بنحـور ربعـه بالضيـوف يهلّـي=يآخذ علوم الطروش و يفرض الحقانـي
في الحفر حفر الشمال إلى ضواحي سلّي=نادر ٍ شكل الطويلـه و الفحـل عليانـي [/poem]

وسلامتكم واعذرونا على القصور

رد : قصيدة ابن جدلان ((الطويلة)) ومجارة الشاعر محمد بن عباد لها
 

رد : قصيدة ابن جدلان ((الطويلة)) ومجارة الشاعر محمد بن عباد لها
 

السلام عليكم ورحمة الله وبركاته

الله يعطيك العافية على هذا النقل.

وقصائد رائعة من شعار كبار.


لك مني خالص التحية.

رد : قصيدة ابن جدلان ((الطويلة)) ومجارة الشاعر محمد بن عباد لها
 

ابن جدلان مدرسة شعريّة

وابن عبّاد وبكل صارحة لم أسمع به

ولكن من خلال قرائتي لــ قصائده

أجد أن هناك شاعر كبير

ولكن أتوقّع انه مظلوم اعلاميّا

صح الله ألسنت الشعّار

ولا هنت


تحيّاتي

رد : قصيدة ابن جدلان ((الطويلة)) ومجارة الشاعر محمد بن عباد لها
 

بسم الله الرحمن الرحيم
السلام عليكم ورحمة الله وبركاته


صح لسان بن جدلان و لسان ابن عباد

لاهنت ولاعدمناك ،،

رد : قصيدة ابن جدلان ((الطويلة)) ومجارة الشاعر محمد بن عباد لها
 

سعد القحطاني
ابن سعّيد
العبدي
وابن خضير لاهنتو على المرور الطيب

ومن ناحيه الشاعر محمد بن عباد فهو شاعر كبير لم يخدمه الاعلام كثيراّ

هذا بيت ابن عباد
ياويـن بلقـا قطيــــــب الســــــد لاودي يجــــــــــيب منـــه الخبـــــــر ولا يـودي لـه
وهذا بيت ابن جدلان
أنا وين أبلقى يالاجاويـد فاعـــل خيـر حريصٍ على سـرّ المحبـــيـن لارســــــــلتـه

انظروااعزائي الى التوافق الحسي والبيئي ليس في هذان البيتان فقط بل في الكثير من القصائد لهذان الشاعران اللذان جسدا طبيعتهما وبيئتهما