شبكة قحطان - مجالس قحطان - منتديات قحطان - اول مـــشــــــــاركـــاتي

بسم الله الرحمن الرحيم

بما اني حديث الانضمام الى هذه الشبكه العملاقة . حبيت ان تكون مصافحتي الاولى لكم هذه القصيدة المقربه لنفسي والتي اعتز فيها كثيرا . لانها تتحدث عن امجاد قبيلة قحطان العريقة . اعلم ان مناسبتها مضت ولكن الشعر دائما يكون خالدا ولا يذهب بذهاب مناسبته . القصيدة قيلت اثناء اقامة مزاين ابل قبيلة قحطان والذي اقيم قبل عدة اشهر وبالتحديد في حفل قبيلة القوافلة (الفهر) بحضور الشيخ / مناحي بن ذيب بن شفلوت شيخ قبائل عبيدة . واقيم هذا الحفل على شرف مشايخ واعيان قبيلة قحطان . ولشبكة قحطان الحق علي كشاعر من ابناء هذه القبيلة ان اطرح هذه القصيدة في هذا المنبر الشامخ والذي اعتبره مكانها الاساسي .
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

خيـر الكـلام ولذتـه وأحـلاه=لا ذكر اسـم الالـه فـي مبـداه
لا خير في هرجٍ يقـال ويسمـع=لا صـار مـا يبـدا بذكـر الله
باسمـه بدينـا واستعنـا باسمـه=الله يوفقنـا لكسـب رضــاه
من بعد هذا يـا رجـال الشيمـة=يا هل الكرم واهل الوفـا والجـاه
صلوا على محمـد نبـي الرحمـة=عليه من فضـل السـلام أزكـاه
ابن جليغـم قـال فـي ميقافـه=ولا من وقف في ماقـفٍ يحمـاه
يـا مرحبـا ترحيبـةٍ مقـرونـه=بالـعـز والتقـديـر ومثـنّـاه
ترحيبٍ أحلى من حليب المصغـر=لا ربّعـت فـي خايـعٍ ترعـاه
واحلى من الشهد الزلال الصافـي=لا صبـه النحّـال مـن مصفـاه
ترحيبنـا يعـرف اليـا رحبنـا=العـود الازرق والشحـم يبـراه
والبن الاشقـر يـدّرج فنجالـه=نشريـه لـو انـه غـلا مشـراه
حنا بني مفلـح عنـان العاصـي=لا ما زما العايل قصرنـا خطـاه
يوم الجهل يشهـد لنـا ماضينـا=نرد الخطـر والعمـر مـا نـدراه
يا مرحبا ياضيوفنا اللـي جيتـوا=اللي لفا من ادنى البلـد واقصـاه
نرحب بقحطـان ترحيبـة غـلا=وبكل القبايل مـا احـدٍ ننسـاه
باسم ابن شفلوت الامير مناحـي=ريف الركاب وسعد مـن ينصـاه
مقدم عبيدة من عصـور الماضـي=مدقالهـم يـوم اللقـا يـتـلاه
وباسم الفهر غمر وشباب وشايب=لوفود قحطـان السعـد مهـداه
قحطان يا ساس العرب والنخـوة=اسـم الفخـر تاريخكـم معنـاه
قحطان يا ضلـعٍ طويـل ونابـي=يلـوذ طـلاب الامـن بحمـاه
قحطان يا سيـفٍ شطيـرٍ حـده=ضربه قضا والمـوت فـي شبـاه
قحطان يا غيثٍ لا نشـى وامطـر=اغرق جميع البيـد فايـض مـاه
يا فزعة المضهـود لا انتخابكـم=لا صاح فيكـم واسمكـم ينخـاه
تاتون له مثـل السبـاع الجايعـة=كل أبلـج درب الخطـر ياطـاه
حنا بني قحطان حن ساس العـرب=جد العرب مـن ساسنـا منشـاه
لو حجب نور الشمس عن كل الملا=تاريخنا ما حـدٍ يحجـب اضيـاه
افعالنـا تشهـد بأصالـة مجدنـا=وتاج الشـرف بأيماننـا حزنـاه
والمجد ما خلـده غيـر أسلافنـا=والمـدح يزهانـا وحـن نزهـاه
دخيلنا لا مـا زهمنـا وانتخـى=نحـط غاليـة البـشـوت ارداه
ما يلحقه ضيمٍ وهـو فـي ضفنـا=ويعـودون بخيـبـة اغـرمـاه
وقصيرنـا لا حـل بيـن بيوتنـا=يدله ونكـرم بالشحـم سبـلاه
ونضحك حجاجه بالمزوح الذربـه=ويروح ما شـاف الـذي يشنـاه
فعل المهادي مع قصيـره شاهـد=كلٍ عـرف فعلـه مـع اقصـراه
رفى ثمـان سنيـن خملـة جـاره=وصبر مع انـه شايـفٍ عوجـاه
والضيف يبشر بالشبب لا جانـا=نثني لـه الترحيـب قبـل اقـراه
ومن اطيب الابل والغنـم عقّرهـا=حيـلٍ علـى الصيانـي مثـعّـاه
منّا الولد يرخـص شريـدة مالـه=لضيفه لو انـه مـا قنـا عشـاه
سلمٍ من يـوم الله خلقنـا فينـا=مخلـوق معنـا مـا تعلمـنـاه
حنا (عيال مضيم) زبـن الجانـي=من نسل هود وكل ابونـا ابنـاه
أكبر قبيلة فـي الجزيـره كلهـا=امن الخليـج لنجـد لا السـراه
هذي مفاخرنـا وبعـض افعالنـا=مثل البحـر مـا ينلحـق مـداه
وكـل القبايـل مثلنـا معروفـه=وافيـن مـا اظلمهـم حشـا لله
يا بيض الله وجيهكم يـا لابتـي=جمعٍ ينومـس كـل مـن يـراه
ويا بيض الله وجه من ذي فكرتـه=في السمـن ودك تنغمـس يمنـاه
ويا بيض الله وجه من هـو داعـم=اللي عطا يـوم الكريـم أعطـاه
مالٍ ما جمّل يوم جـات انـذوره=في ذمتـي مـا عـاد لـه طـراه
تستاهل الابل ذا ومثلـه وأكثـر=في حقهـا التعبيـر مـا اوفينـاه
البـل عطايـا الله تـراث ابانـا=واجدادنـا فـي ماضـي الحيـاة
هي رمز ماضينا واصالـة مجدنـا=وعز وشـرف ومفاخـر وغنـاة
حنا هل البل ماضيٍ ثـم حاضـر=من دونهـا الـدم الحمـر بعنـاه
كم فارسٍ ضحّى بروحـه دونهـا=وارخص دمه واعـز مـا يقنـاه
وفت معه طيلـة حياتـه كلهـا=وعيّـا علـى مقدارهـا وفــاه
واليوم في وقـت الرخـا نغليهـا=ونوفـي لهـا ديـنٍ تسلفـنـاه
في ظل قادتنا عسـى الله يعزهـم=امـن وسـلام ونعمـةٍ مسـداه
بقيادة الضرغام حـلاّل الصعـاب=هذاك( ابو متعب) سند من جـاه
وحنـا ذراعـه لا دعانـا جينـا=يمشي ورى البيـرق وحـن وراه
كن جمعنا فـي الهـوش لا دعانـا=نوٍ زبر ثـم هـل صـادق مـاه
قلته وانـا مـن لابـةٍ معروفـه=عـوق الخصيـم وعلـتـه ودواه
آلاد ابن سالم عمى عيـن العـدو=وسعد الرفيـق ان عاقتـه دنيـاه
واختامهـا تنومسـوا يـا لابتـي=المجـد شرّفتـوا علـى علـيـاه
لعل غمرٍ مـا يشـوش بفعلكـم=مـا يبطـي الا واسرتـه تنعـاه
وجعله يصفط في اللحد ما يبطـي=راسٍ مـا هيـب تسوقـه حميّـاه
[/poem]
وسلامتكم ،،