شبكة قحطان - مجالس قحطان - منتديات قحطان

السلام عليكم ورحمه الله وبركاته
صباح الخير ومساء الخير لمراعاة الوقت

بسم الله ابدأ موضوعي وهو منتشر للأسف بالمجتمع ومع الوقت الله اعلم الرجال يغازل جارته وبنت عمه تصير عادي الله يحمانا من الفتن

اخونا بالله انسان عزيز علي وماكتبت الموضوع الا بعد ماتأثرت منه وودي اساعده ومالي الا ادعيله بالشفاء من ماحصل له وانتم ايضا ادعوله بالشفاء من الامراض النفسية التي حدثت له لاحول ولا قوة الا بالله

كانت ضحكته لاضحك يسمعونها المجلس كله وراعي ابتسامة عريضة صادقة من قلب طيب تختلف عن الضحكات المزركشة

يقول اللي خسرت من المغازل حول 300 الف ريال على مر 8 سنوات
وياليت الخسارة على المال وبس الان يقول ليتني خسرت مالي وحلالي كله مقابل ترجع نفسيته مثل اول

يقول ياخوي الرقم تعرفه مااقطه لضعيفه دين وتشوفه كان مميز وانا مااحط دعاية للارقام المميزة لكن لازم اقول هالشئ

يقول ذي يومين وذيك شهر وهات ياحكي يحلف مرة ماسك الجوال من الدمام حتى وصل بقيق مكالمه وحده ونزل من السيارة للبيت وهو مستمر

يقول وحده كلمها ابوها قال لاتزعجنا ترى رقمك عارفه قال بنتك اللي ازعجتني
جرئ وجاته خباله فالمكالمات نهايتها مؤلمة للاسف

يقول لو متزوج ومستاجر بيت خمس سنين او شقه كان زين
من جفرة لازحليقه وياقلب لاتحزن

يقول اصلي ولكن مستمر في تدمير بيوت خلق الله
لو سارق افضل لكن سرق قلوب والهاها عن طاعه الله

صلاته ضعيفه يبيلها خشوع فالصلاة تنهى عن الفحشاء والمنكر
ومع ذلك معه شيمه يقول مرة رقم بنت يقول الو الو يالله طلع صوت البنت

قال شفيك
قالت تصدق
اول مرة اكلم رجال
قال هاه قالت والله اول مرة اكلم رجال ومدري وش خلاني اكلمك
قال اسمعي يابنت الناس انا اول وآخر واحد
وماعاد اكلمك يقول بكت البنت قال لاتبكين الله يهدي نفسي اللي خربت ودمرت
قالت البنت والله انك رجال وانتهت المكالمه بحذف كل منهم رقم الاخر

يقول ياخوي مآآآسي صارت
قلت وجهك مغسول بديتول عارفك قال والبنات مغسول بكلوركس
قلت لاتعم النظرة فيه بنات بيوت حتى 902 مايكلمونهم يالشين

قلت اغرب موقف مر عليك

قال مرة بالماسنجر تعرفت على بنت ومع الوقت حتى رقم البيت عرفته واسم البنت بالكامل
البنت متزوجه الزوج يداوم منا والبنت تتبع ابليس وحركاته البهلوانيه من جهه اخرى

يقول مرة شفت كاميرا بالماسنجر قلت بشوفك قالت لا المهم ابليس شاطر خلال خمس دقايق الا بنت العرب بالكاميرا يشوفها

يقول فكرت بنفسي قلت البنت لايكون تخلي الناس يشوفونها وانا السبب ولا لازم اوقف هالشئ
راح كلم ام البنت تلفون قال انتي ام ريم قالت ايه قال ياخالتي انا احب الخير لكم وبنتك مابيها تتطلق من زوجها والحين بنتك خرابها من النت قالت ام البنت كيف وقال السالفه وان النت ماهو لبحث الاعمال النت شره اكثر من خيره قالت جزاك الله خير قال ادعيلي بالهدايه والظاهر العجيز دعت عليه

اخونا يعيش بصراع نفسي يقول اسمع بالدعاء اللهم اجعل كيده في نحره وصرت اتمنى الموت
قلت من زرع حصد وانت لاجيت تصلي اخشع واترك ابليس واعوانه فالمغازل له عواقب ولاتفكر ان الايام سوى لابد من الحصاد وازرع خير تحصد خير والله يرحمنا برحمته والله يشافيك ومرضى المسلمين اللهم آمين

اعرف المنتديات هناك ردود للأضافه او من باب المجامله ولكن سوف اغير النظام ومن هذا المنتدى
اذكر فائدتين او ثلاث من هذا الموضوع ؟
والله يوفقنا لما يحب ويرضا ,,,