يا اهل الرين
 

هذه القصيده اهداء الا الامير عشق ابن ناصر ابن سعيدان وهو غني عن التعريف
وكتبت هذه الابيات لما يقوم به من جهود تجاه المسلمين جعلها الله في موازين حسناته
[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="solid,4,gray" type=2 line=0 align=center use=ex num="0,black"]
يا بوي جزنا عن مراويح للرين= الا لبو ناصر لزومٍ علينا
اميرنا دايم على العسر واللين = ما غيرة طبعه طوال السنينا
غالي علينا وان لفيناه غالين= نجيه من طيبه وكنه يجينا
متسلسلٍ من روس نزاعة الدين=مثل الاسد متربعٍ فالعرينا
يا امير قول وفعل ماهوب تخمين= مواقفك تنشاف في كل حينا
تشهد لك الاجناب قدام الادنين = واللي يسار الدار واللي يمينا
وابمدحك وانته مديح المديحين= طرقٍ على العيّال والعارفينا
ما تنحصى جمايلك يااحمر العين=لكن بنكتب بالقلم مالقينا
واكبر دليل ان جيت لك بين صفين= تحل مشكلهم بلطفٍ ولينا
واللي يضاهي سيرتك يبطي سنين= يرجع مثل غيره معا الخاسرينا
يفداك منهم يقلبون المضامين=وخلو طريق اسلافهم الاولينا
ناسٍ عليهم نقص ماهم بدارين = انهم تدنو باسفل السافلينا
وحنا معك يا ميرنا مستعدين=انت الابو تامر وحنا البنينا
نبيع معك الروح مابه خيارين=نمشي سوى قدام والله يعينا
حنا حزامك لا زمى الحيف حيفين=وانت الذرى اللي دايماً تحتوينا
لو تامر بتحرير دولة فلسطين= في ظل حاكمنا معك سايرينا
حنا العصاة ابنا العصاة المسمين = يوم ان كلٍ طاع حنا عصينا
لا حن بلا تخطي ولا حن بطرفين= لكن مادون حلوقنا الا يدينا
اصغر ولد قوله اصعاط المجانين= وجهالنا لكبارنا طايعينا
ابن عمر اللي قال عدمين عيّين=ونعيل فوق اعيا عيا العايلينا
فالشرع توخذ ضربة العين بالعين= لكن حنا نجعل الراس عينا
واصغر مثل بحنيف عندي براهين = دلايلٍ تصعب على القاصرينا
يوم القبايل تدحم مستميتين= كلٍ يقول اليوم راحت علينا
بالحيد حولنا عقيد المعادين= وشلونه لمن بالسلاح احتمينا
وتلاقفوه اثنين الاخوان ظفرين=كزوه باول حسبت الميتينا
كله عشان ربوعنا المستصيبين=وام الحوار اللي تجر الحنينا
وغيره وغيره ما تورخ بسطرين= من الرفاع الى تخاتيخ سينا
لكن ياللي تقلبون الموازين= في وجهي انكم دايماً ضايعينا
تحمدو الله فالرخا والنبا الزين= ولا فلا انتو شي دنيا ودينا
وياعبيد ما يشتك كون الرديين = هذا مثل دارج معا الطيبينا[/poem]

كفوووووو
كفوووو

والله في الامير عشق بن سعيدان

يستاهل المدح

رجال راعي مواقف
ومعروف بالطيب وفي حل المشاكل

وصح لساااانك يابو شديد

عزالله ماكذبت في شي

والنعم بأهل الرين وبالامير ابن سعيدان
وصح لسانك يابن شديد

والله والنعم بابن سعيدان وصح لسانك يا ابن شديد

صح لسانك ياابوشديد والامير عشق يستاهل وبيض الله وجهك على الكلام الطيب

السلام عليكم ورحمة الله وبركاته
يابن شديد عزالله انك ماكذبت وانك شاعر تقول الصحيح وتقبل تحياتى

صصصصصصصصصصصصصصصصصصصح السااااااااااااااااااااااانك


والسان الشاعر عشق ابن سعيدان

ولاهنت يا محمد بن شديـد

صح لسانك يابن شديد ..
ويستاهل بن سعيدان هذا المدح وهذا الشعر وقليل في حق الشيخ ..