وداعا ياغضي .
 

[poem=font="Simplified Arabic,5,darkred,bold,normal" bkcolor="transparent" bkimage="" border="groove,medium,red" type=1 line=0 align=center use=ex num="0,black"]
ياويل الحال لا هبت هبوب الهم في صـدري=يجف الما ودون الما يموت الحـب وأشجـاره
نذرت الحب للقلب الحنـون ومافـى نـذري=هديته الود وأهداني جفى الوصـل و تعـذاره
عطيته كل ما أملك عطيته روحـي وعمـري=ملكنـي بكـل مافيـه ملـك عقلـي وأفكـاره
تركت الناس وكل الناس وضميته على حجري=سقيت الحب بالوصل وعساها تثمـر أشجـاره
وقام يشب في قلبـي وهيـج الصـد مايـدري=وزاد الصد في ظلمة حياتي وأسـدل أستـاره
باغير أرضه وأرضي وأغير وضعي المزري=رضيت بما كتب ربي عليـه وشائـت أقـداره
نويت أرحل بدونه ياعسى الله يلتمس عـذري=نويت أنساه وأقطع له ورود القلـب وأزهـاره
أنـا والله مـا بقيـت لا فوقـي ولا حـدري=نثرت الود عطر فـوق فعـل زيـن أشعـاره
حلفت أني أدوس الحب لأنه ماعـرف قـدري=وأنا اللي غمضـت عينـي وقبلـت أعـذاره
سريت الحب به ليل طويل والجفـى يسـري=على بيـت بنيتـه بالخفـوق وهـدم جـداره
سمحته في الخطى وأنسيت نفسي كل ما يجري=عساه يغير المنهج وينسـى الصـد وإدباره
وقابل حسني بسيه وفعـلا مـا نـوى يشـري=وباع الحب في سوق المحبه بأبخس أسعـاره
وداعا يالغضي بأنساك في مدي وفي جـزري=مسحت الحب من قلبي طمسته ودست تذكاره. [/poem]

رد : وداعا ياغضي .
 

بسم الله الرحمن الرحيم
السلام عليكم ورحمة الله وبركاته


صح لسااااااااااااااااااااااااااااااااااانك


والله يحفظك

رد : وداعا ياغضي .
 

لاهنت يا ابن دوحان ..

وألاحظ من مشاركاتك .. الكتابة على البحر الطويل ..

تصويرك واستخدام المفردات .. جميل ..

ولكن ركّز على الوزن بــ شكل أكبر ..




تحيّاتي ..

رد : وداعا ياغضي .
 

صح لسانك ، وليس الإبداع مستغرب

على شاعر مثلك .

رد : وداعا ياغضي .
 

صح لسانك يا الذيب ولاهي عليكم يا عوال ال عطيف بيض وجهك ولاهنت