--- ((( فرصه بهذا العيد تجديد العلاقة من جديد ))) ---
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
شهر الصيام الله يعيده راح وأقبل يوم عيد = الله يعيده في نعيم وأنس و أفراح وسرور
حبيت أبارك للجميع العيد يا جعله سعيد = وأطلب من المولى يكافينا المصايب والشرور
وأطلب عسى يقبل تعالى صوم وقيام العبيد = والله يغفر ذنوبنا رب العباد أهو الغفور
والله يجنبنا لهيب النار في يوم الوعيد = والله يرزقنا جنان الخلد و أنهارٍ وحور
قلتة وانا حبيت أعايدكم بقيفان القصيد = والله يجعل للعباد بكل درب يضاح نور
رسالةٍ تظهر بها الاشواق ما تنقص تزيد = أقولها وأعيدها وأزيدها وأنا فخور
وأقول لي قولٍ ورب البيت بالنيه شهيد = على كلامي والصحيح إن قيل ظني ما يبور
بأبين أوضاعٍ تميزها هل العقل الرشيد = والناس تفهم ما نقول وكل زور وفيه شور
والناس ما بين الجهل والعقل والعلم الاكيد = تاخذ وتعطي والصحيح إن البشر مليون طور
أحدٍ من الدنيا إستفاد وحد يفيد ويستفيد = وأحدٍ يوفق في الزمن ويبان له في الوقت دور
والناس كلٍ له نظر ما بين عبد وبين سيد = كلٍ يورى له من الدنيا وكلٍ له شعور
وأحدٍ يشوف إنه من أهل الطيب والمجد التليد=والناس تدري به وهو ماغير حكايٍ هذور
وأحدٍ على عز وعزاز وتيد جاء من راس تيد = والناس تدري به على ماقفه صمال وجسور
وأحدٍ عرف قدره مع العالم ولا عنده رصيد = يمشي على ظل الجدر مكسور والحظ معثور
وكلٍ يحب اللي يريد وينبذ اللي ما يريد = و لأحدٍ يحب الا هل الاموال وأصحاب القصور
وأهل الكرم والمرجله والمدح و الساس الجويد=لو كان ما تملك فلوس تكب والدنيا تدور
وأحدٍ رفيقه ما يحبه لجل قاعٍ تحت حيد = هو مدرى بأن الحياه تزول والوعد القبور
قصر سلام .. وهجر دار .. وحقد . و أخفا كل كيد = ولو فكر إن الموت قافي ما تمادا فالقصور
الله يوصل من وصل رحمه ولو كانه بعيد = ويقطع قطوع الرحم ويعذبه في يوم النشور
فرصه بهذا العيد تجديد العلاقة من جديد = والطيب يبقا لرجال الطيبه والجور جور
ولحد يتغانا عن رفيق الجنب لو شوره سديد = ترى الرفيق اللي بلا ربعه تلاطمه البحور
هل من مزيد النار قالت يا عرب هل من مزيد= الله يكافينا البلا والنار في يوم النفور
أقولها وانا مقصر لكن أبدي ما أريد = والله يريد الوصل والألفه مع نظف الصدور
فحبيت أذكركم وأهنيكم مع العيد السعيد =الله يعيده في نعيم وأنس و أفراح وسرور[/poem]

رد : --- ((( فرصه بهذا العيد تجديد العلاقة من جديد ))) ---
 

بيض الله وجهك يابو سعود

وكل عام وانت بخير وصحه


مــــــــــــــشكور ياغالي

رد : --- ((( فرصه بهذا العيد تجديد العلاقة من جديد ))) ---
 

بسم الله الرحمن الرحيم
السلام عليكم ورحمة الله وبركاته


اررررررررررررررررررررررررررررررررحب


وكل عااااااااااااااااااااااااااااااااام وانت بخير

رد : --- ((( فرصه بهذا العيد تجديد العلاقة من جديد ))) ---
 

السلام عليكم ورحمة الله وبركاته



أرحب أرحب أرحب أرحب أرحب أرحب أرحب أرحب

صح لــــــــــــــــــسانك


صح والله لسانك يابوسعود.........ومن العايدين:02010445_em

رد : --- ((( فرصه بهذا العيد تجديد العلاقة من جديد ))) ---
 

بسم الله الرحمن الرحيم
السلام عليكم ورحمة الله وبركاته


فحبيت أذكركم وأهنيكم مع العيد السعيد.....الله يعيده في نعيم وأنس و أفراح وسرور



ابيض وجه يابو سعود

وصح الله لسانك


تحياتي

رد : --- ((( فرصه بهذا العيد تجديد العلاقة من جديد ))) ---
 

صح لسانك .. يا بو سعود

وكل عام وأنت بخير ..

تحيّاتي ..

رد : --- ((( فرصه بهذا العيد تجديد العلاقة من جديد ))) ---
 

ارحب يا عبد الله المهداني

صح لسانك يابو سعود ابدعت في هذه القصيده الرائعه التي في الحقيقه قراءتها اكثر من مره لمايحتوي

مضمونها من الحكم والنصائح والتذكير 0

عموما شهادتي فيك مجروحه ولكن الحق انني ارى شاعر بالساحه يشار اليه بالبنان


الى الامام ودمت بخير

رد : --- ((( فرصه بهذا العيد تجديد العلاقة من جديد ))) ---
 

رد : --- ((( فرصه بهذا العيد تجديد العلاقة من جديد ))) ---
 

عبدالله المهداني


صح الله لسانك

وكل عام وأنت بخير


قصيدة رائعه جداً تستحق القراءة لعدة مرات

جزله من راس جزل يابو سعود

والشهادة فيك مجروحة


تحيتي

رد : --- ((( فرصه بهذا العيد تجديد العلاقة من جديد ))) ---
 

صح لسانك

وكل عام وأنت بخير

ومن العايدين والفايزين


لاهنت يا عبدالله ,,,