حزني على / خالد بن ذيب !
 

تعبير كيبوردي بسيط .. في حق فقيد الجميع

الشيخ / خالد بن ذيب بن شفلوت .. رحمة الله عليه !


/



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
محدٍ كشف حزني سوى نبرة الصوت = وصمتي ودنّاقي .. ومحجر عيوني
اظلم علي الليل .. والصدر مكبوت = لين اختلف فكري وشكلي ولوني
الله حسيب الموت .. يا سكرة الموت = اللي خذا راسي .. وخلاّ متوني
يوم اغتشانا العلم .. والعالم سكوت = حسيت بالفرقا .. وزادت جنوني
وانا وكل آل العجي .. وآل شفلوت = كلٍ يقول من البكا .. دثّروني
يابو عشق واسمك على المجد منحوت = وزولك لو انك مت .. خلفي ودوني
لك هيبةٍ تبقى .. عمى كل سربوت = ولك وقفةٍ تهدم كبار الحصوني
والمعضله لا استفحلت .. شاتّها شوت = تصغر .. وتكبر فيك كل الظنوني
وطيت باقدامك على راس حتحوت = اللي علينا يحسب انه يموني
ما كنّك الا سيف .. في عين جالوت = وكن الوفا في ذات شخصك .. زبوني
الله يبيحك .. يا ذرا كل مبهوت = في ساعةٍ فيها تطير الجفوني
ينجيك من ينجي نبيّه .. من الحوت = لا قال انا امري .. بين كافي ونوني
عساك عتقٍ من جهنّم ومفلوت = ويرخي على قبرك حقوق المزوني
قلته وانا ما املك سوى .. ارثيه بـ.. بيوت = وعبّرت باحساسي .. لكن سامحوني![/poem]

رد : حزني على / خالد بن ذيب !
 

صح الله السانك يا خالد


والله يرحم الشيخ خالد ويغفر له ويدخله الجنه

رد : حزني على / خالد بن ذيب !
 

صح الله لساااااانك يا خااااااااالد


والله يرحم ابو عشق



ويبيحه



تحياتي

رد : حزني على / خالد بن ذيب !
 

الحمدلله على كل حال لله ما اخذ ولله ما اعطى

وانا لله وانا اليه راجعون



ابوفيصل


حزن الشيخ /خالد الله يرحمه على قحطان كافه وفقيدة علينا كلنا ولكن هذا اجل محتوم



ولكن حزن هذه القصيده حزن اخر لانها كانت تعبر الشي الحقيقي اللي انا اعرفه عن خالد الحصّين.




الله حسيب الموت .. يـا سكـرة المـوت
------------------------------------اللـي خـذا راسـي .. وخـلاّ متـونـي

رحمة الله عليه اسأل الله العلي القدير ان يتغمده بواسع رحمته في هاذي الليالي المباركه وجميع اموات المسلمين



واخيراً ما اقول الا صح لسانك وانت عارف رايي في كل ماتكتب وتقول.




تقبل تحيتي

رد : حزني على / خالد بن ذيب !
 

صح الله لسانك ياخالد


رثائية رائعه تكتب بماء الذهب



رحم الله الشيخ خالد بن ذيب والله يسكنه فسيح جناته
والعزاء على قحطان كافة

رد : حزني على / خالد بن ذيب !
 

صح لسانك والله يرحمه

رد : حزني على / خالد بن ذيب !
 

خالد الحصين

صح لسانك ولا عدمناك ياسنافي والشيخ خالد فقيدة

ونسأل الله أن يغفر له وأن يسكنه فسيح جناته

أبيض وجه وهذا نابع من محبه صادقه

وهذا حال الدنيا

تمسي وتصبح

ونسأل الله ان يرحمنا جميعاً

تقبل تحياتي

رد : حزني على / خالد بن ذيب !
 

صح لسانك يابو نجد

والله يرحم ابو عشق رحمة واسعة

لاعدمناك يالسنافي،،،،،،،،،،،،

رد : حزني على / خالد بن ذيب !
 

رد : حزني على / خالد بن ذيب !