شبكة قحطان - مجالس قحطان - منتديات قحطان - تحيات قحطان ..لخادم الحرمين ..والشعب السعودي للشاعر مقيت عبدالله

- مجلس عذب الكلام (https://www.qahtaan.com/vb/forumdisplay.php?f=16)

تحيات قحطان ..لخادم الحرمين ..والشعب السعودي للشاعر مقيت عبدالله

هذه قصيده للشاعر الداعيه المعروف / مقيت بن عبدالله العاطفي
وهي عبارة عن تهنئه لخادم الحرمين الشريفين وولي عهده الأمين والشعب السعودي
بمناسبة حلول شهر رمضان المبارك لهذا العام 1428 وقد القاها امام خادم الحرمين الشريفين
في بداية شهر رمضان ... واليكم القصيده

:
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
نحمدالله نحمد الله ربنا جزل الوهايب=العظيم المستجار المستغاث المستعان
نحمدالمولى على طول العمر والكيف طايب=دارت الأيام واكرمنا الله بصوم ارمضان
شهر غفران الذنوب وشهر عتق من اللهايب=تغلق النيران فيه وتفتح ابواب الجنان
فيه غزوة بدر نصرتنا مخاليص النشايب=اشرف الخلق انتصر فيها وخصمه للهوان
فيه يصفد كل شيطان ِمريد وكل خايب=مابقى الا النفس كيف العبد يسلبها العنان
انزل القرآن في شهر النجاة من العقايب=ارمضان اختصه المولى بتفضيل الزمان
ياامام المسلمين وعزوة بلاد الرحايب= ياابومتعب ياولد عبدالعزيز النور بان
نعتزي بك في السلام ونعتزيبكم في الحرايب= جعل يفداك البخيل وجعل يفداك الجبان
التهاني باسم شعبك جيت اقدمها عجايب=من كبير ومن صغير ومن ضمير ومن لسان
ابشر ان كل ِيحبك من شباب وكل شايب=مثل ابونا كلبونا تحتضنا باالحنان
في اقبالك هيبة الحكم وتحلحال الصعايب=وفي جنابك للضعيف لاتلوابك مكان
اسأل الله انيبارك فيك ياذرب النوايب=يامليك ٍ صار لك في عالم الأسلام شان
عالم الأسلام ينقل لك عدد نود الهبايب=التهاني برمضان وفيك معنى الشعر زان
انت مضمون القصايد وانت مقدام الكتايب=كل منا تحت ظل الراية الخضراء رهان
الملك عبدالله وشوفه لي كسايب=من زمان ابحث عن الفرصه وحان الوقت حان
حان شهر الصوم شهر المرحمه بين الغرايب=كيف عاد المسلمين اللي نعد انهم اخوان
ياولي عهد البلاد خزام عسرات الطلايب=ياابوخالد لك تهانينا الجزيلات السمان
ياابوخالد جارك الله من مراكيز النصايب=طول الله عمرك الباقي على عز ٍ وامان
حي والله ذا الحجاج وحي والله ذا القضايب=فيك ياسلطان جود النفس معمور الكيان
عاشو حماة البلاد من المعادي والنهايب=ياعيال ابن سعود الله يضمنكم ضمان
بارك الله للجميع بصوم الأيام الحبايب=والله يوفقكم لليل القدر حين الأوان
ياالله اقبل توبة اللي جاك يارحمان تايب= واعدم اللي لالقى فرصه على الأسلام خان
بسم ابومتعب وابوخالد تعني ياركايب=باالتهاني برمضان لكل مسلم حيث كان
حل وقت العطف لضعيف ٍ تحدته الغلايب=لأجل ستر الجاه وعياله تسلف واستدان
كل شي ٍ لازم يجي له على الدنيا سبايب=لو على كيف البشر حط القسى كله ليان
ارحمو تكفون ضعف الرمل واصحاب المصايب=بعضهم من حاجته خطر ٍ عليه من الجنان
قالها اللي في مواجيب الوطن ماهوب غايب=يرحم ظروف الضعوف ويصخر ابيوت ٍ احسان
والختام اعداد مايرعد من المنشاء سحايب= اقبلو مني ياابومتعب تحيات اقحطان[/poem]

صح السان الشاعر
وسلامة الجميع