وقفة تأمل !
 

السلام عليكم .. ومساكم الله بالخير جميع ،

اتشرف بالانضمام لكم يا بني عمي

وهذي مصافحه أولى متواضعه جداً ليست الا للتعارف .. وجس النبض :cool:



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مبطي وانا بيني وبين الهواجيس = وقفة تأمل .. واستراحة محارب
عجزت لا افهم وش تقول الكوابيس = في كل ليل تمرْ .. والها مآرب
من حقي اوزن كل ما فات .. واقيس = واشمر ذراعي .. واسدد .. واقارب
وكان البحر قدمي .. وخلفي تضاريس = وبموت من حيتان .. والا عقارب!
سلّمت صدري للهوا والنسانيس = وسوّيت من نفسي لنفسي تجارب
شاعر معاناه .. وعذوبه .. واحاسيس = ومصامخٍ بين اللحى والشوارب
حتى ولو اعيش خلف الكواليس = تعرفني الاجناب .. قبل الأقارب
ثبّتْ عرشي .. بين كسرى وبلقيس = وانهار كسرى .. وانهدم سد مارب
وان كان مال الميل .. دون النواميس = رفعت كفّي لله وقلت ..يا رب!
لحّفني .. بشِدّة هل الخيل والعيس = اللي لها يوم المضارَب .. مضارِب
وجنّبني من ابليس .. وعويّل ابليس = ابليس حربه حرب .. وانا مُحارب
انسان تغريني المظاهر وانا .. ليس = الاّ ! .. ضعيف ومنك واليك .. هارب
احلم .. ومن حلمي اشب الفوانيس = واصحى .. على وقع الفتن والمكارب
هذا زمان الدرس .. من غير تدريس = ياللي ليا هالحين .. تعمل تجارب
ان شفت بيضة ديك .. والا لبن تيس = حاول تصدّق عينك .. ولا تغارب![/poem]

رد : وقفة تأمل !
 

رد : وقفة تأمل !
 

هذا زمان الدرس .. من غير تدريس
ياللي ليا هالحيـن .. تعمـل تجـارب
ان شفت بيضة ديك .. والا لبن تيس
حاول تصدّق عينـك .. ولا تغـارب!


ارررررررررحب ياخالد تراحيب الحيا


وبيض الله وجهك على التواجد والحضور

وتشرفنا اليوم بقبولك الدعوة وياهلا ومرحبابك

وصح الله لسانك على هالشامخه والجزاله الغير مستغربه من شاعر كبير بحجم خالد الحصين




تحياتي

رد : وقفة تأمل !
 

بسم الله الرحمن الرحيم
السلام عليكم ورحمة الله وبركاته

ارحـــــــــــــــــــــــــــــــــــــــــــــــ ـــــــــب

مــــــــــــــــــــــــــر حبــــــــــــــــــ1000ـــــا

الله لايهينك وصح لسانك

والله يحيك

انا اشهد انك وافي وعلمك وافي

بيضالله وجهك

ولاهنت


تقبل مروريواحترامي وتقديري _اخوك عبدالله السحيمي

رد : وقفة تأمل !
 

وعليكم السلام ورحمة الله وبركاته
الله يمسيك بالنور والخير



شاعر معاناه .. وعذوبه .. واحاسيس
ومصامخٍ بيـن اللحـى والشـوارب

حتى ولو اعيـش خلـف الكواليـس
تعرفني الاجنـاب .. قبـل الأقـارب

ثبّتْ عرشي .. بين كسرى وبلقيـس
وانهار كسرى .. وانهدم سد مـارب

كفو يابو فيصل

وتبي الحقيقه ؟؟

انا من المعجبين بما تكتب دائماً

وانت اكبر من الشهاده والشهود

ومعروف وغني عن التعريف

صح لسانك مدد

ولا عدمناك ،،،،،

.

رد : وقفة تأمل !
 

رد : وقفة تأمل !
 

بسم الله الرحمن الرحيم
السلام عليكم ورحمة الله وبركاته

هذا زمان الدرس .. من غير تدريس
ياللي ليا هالحيـن .. تعمـل تجـارب

صح لسااااااااااااااااااااااااانك
و علااااااااااااا شااااااااااااااانك
و بيض الله وجهك على هذه الرائعه

رد : وقفة تأمل !
 

ابو نجد


صح لسانك

قصيده في غاية الجمال


وأسلوب رائع لايجيده الا أمثالك

شاعر فاخر ومميز اينما حل يحل الابداع معه

ابو نجد حضور شاعر بحجمك يهمنا


ويزيد المجالس رفعة وتألق


تحياتي

.

رد : وقفة تأمل !
 

ارحب يابونجد


وصح الله لسااانك


والشهاده مجروحه


لونك ماتحتاج شهاده من احد


لاعدمناااك

رد : وقفة تأمل !
 

ارررررررررررررررحب يابو نجد تراحيب


الحيا والله من أسعد وأجمل الاوقات اللي تنظم لهذا الصرح الشاااااااااامخ



ارررررحب الله يحييك في محلك


وصح الله لساااااانك


وجمل حالك وفالك



وإعذرني على التأخير ولك أجل التحايا