|
انواع الرجال
تبغى الصّراحه مابها شـك او ريـب باقولهـا والـناس كلٍ وطيـبه الـحـر ماينـفـع بلـيّـا مخالـيـب والعقـل للرجّـال زيـنـه وهيـبـه والسّالفـه ماهـي بلحيـة مواجـيـب كـلٍ علـى طبعـه يجيبـه حليـبه بعض المنابـت بالمراجـل عذاريـب وبعض المنابـت للمراجـل خصيبه رجلٍ يبـي طاريـه عنـد الأشانيـب ورجـلٍ يبـي طاريـه عنـد الحبيبه ورجـلٍ يـودّي بالسواليـف ويجيـب ورجـلٍ سواليفـه لفعـلـه تجيـبـه ورجلٍ يغض الطّرف عن جارة صحيب ورجلٍ عيونه فـي محـارم صحيبه ورجل يغيب ويفقدونـه هـل الطيـب ورجلٍ ليامن غـاب ماحـدٍ دري بـه ورجلٍ تشوف بخوّتـه لـك مكاسيـب ورجلٍ تشـوف بخوّتـه لـك غليبـه ورجلٍ إذا أخطى يرى نفسـه مصيـب ورجـلٍ إذا إخطـى يراهـا مصيبـه قلت الصّراحه مابهـا شـك أو ريـب كـلٍ علـى طبعـه يجيبـه حليـبـه إشره وشرّه كـان تبغـى المواجيـب عط حـق تاخـذ حـق مابـه معيبـه منقولـــــــــــــــــــــــــــه |
رد : انواع الرجال
أرحب ياخوشهد يالله حيه عساك طيب
الله لايهينك على إيراد هذه القصيده وفعلا الرجال أنواع وبيض الله وجهك ولي موضوع سابق يصف الرجال وهي قصيده لم أعرف قايلها وهي على الرابط أدناه http://www.qahtaan.com/vb/showthread.php?t=21722 مشكور ياخوشهد وعلومك كلها غانمه ياكحيلان تقبل تحياتي وتقديري أخوك / أبو عساف |
رد : انواع الرجال
السلام عليكم ورحمة الله وبركاته
الله لا يهيينك ياخو شهد قصيده رووووعه وياليت تذر لنا صاحب القصيدة . |
رد : انواع الرجال
السلام عليكم ورحمة الله وبركاته
الله لا يهيينك ياخو شهد قصيده رووووعه شكرا على حسن الاختيار |
رد : انواع الرجال
أخو شهد لا هنت على هذه الابيات الجميلة...
طبت وطاب ممشاك أظنها للشاعر مشعل بن دهيم وهي قصيدة جميلة وفيها من المعاني الرائعة والصائبة بأولها قال : تبغى الصّراحه مابها شـك او ريـب ... باقولهـا والـناس كلٍ وطيـبه وانتهى بها بقوله : إشره وشرّه كـان تبغـى المواجيـب ... عط حـق تاخـذ حـق مابـه معيبـه ويقول في داخلها : والسّالفـه ماهـي بلحيـة مواجـيـب ... كـلٍ علـى طبعـه يجيبـه حليـبه صدق وكذب الغاوووووووون أخي الفاضل لاتحتاج إلى شهادتي كي لا تحسب ضدي ورجل يغيب ويفقدونـه هـل الطيـب .... ورجلٍ ليامن غـاب ماحـدٍ دري بـه ونحن ممن نفتقدك إذا غبت عن جديدك وابداعك عذراً للبعثرة.. لقد أخذ الشاعر منا مأخذاً رائعاً واسلوباً أدبياً راقيا |
رد : انواع الرجال
ابوعساف..... فارس قحطان.....ابراهيم.......ابن رشد
اخواني مروركم يشرفني ولا نجيي الامن بعدكم اما بالنسبه للقائل والله مادري |
رد : انواع الرجال
السلام عليكم ورحمة الله وبركاته
بيض الله وجهك |
رد : انواع الرجال
اخوي سبع الليل
لاهنت على المرور |
| الساعة الآن 11:45 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com